有住公屋的港男在網上發文，指女鄰居日前喪夫並係門外燃點紅蠟燭。港男見蠟燭幾日無熄，就擅自淋熄火種，並向消防投訴。雖然港男舉動合符安全守則，卻遭許多網民留言炮轟！
燭火幾天未熄 港男憂慮並擅自滅火
該名港男在facebook群組「香港公營房屋討論區(FB版) 公屋 居屋 綠置居 租置 房協 簡約公屋 裝修 傢俬 平面圖 業旺邨 顯發邨 滿田邨」發文，雖懷疑之後把帖文刪除，但帖文已經被其他網民截圖轉載！
示意圖
樓主表示，單位附近最近有老年男住戶過身，而對方妻子在門外旁邊地上燃起1支紅蠟燭，相信是招魂或悼念之用。由於燭火幾日都未熄，港男聲稱「為免引致火災，好心用個噴水壺噴熄支蠟燭」。
示意圖
向消防總部投訴 不敢再點燭
豈料老婦再次燃點蠟燭，港男又「好心」地再噴熄，對方發現後就「不停鬧」，港男便向消防總部發送電郵投訴。消防翌日派員了解並警告老婦，令對方不敢再在門外點蠟燭。
示意圖
港男提醒公屋住戶切勿違反《消防條例》，不但揚言「死人不是大晒㗎」，甚至暗諷老婦無法招魂。
網民批「冇同理心」
然而港男做法卻惹來大批網民不滿，「人都死咗仲計來計去」、「有報應」、「有冇同理心？」、「樓主實冇親人啦」、「又唔係點係你門口」。
蠟燭紅色白色意義有不同
門口蠟燭被視為「長明燈」，給先人指引回家之路，多數擺7天或直至先人出殯後才收起。若先人未滿60歲會使用白色，年滿60歲則用紅色。公屋居民指見到有人門口擺蠟燭會多體諒，「一般知道有人過身，都唔會干涉」、「放喺高身鐵桶度，最好注入啲水，除咗擋風仲會安全啲」。
《返校》電影劇照
網民提醒各個屋邨都有不同的規矩，最好先跟屋邨辦事處或管理處溝通，「畀擺放就人情，唔准就係道理，都要跟規矩做」、「如果真係唔畀，可以喺門手擺條白毛巾，一樣可以照魂」。
