趙璧渝首次姊妹檔拍美胸廣告感壓力 望入圍「飛躍進步獎」10強給母親交代

趙璧渝揚言能入圍10強，有資格出席頒獎典禮已是夢想成真。

入行12年的趙璧渝（Osanna）今年憑劇集《逆天奇案2》飾演「妹頭」及 《法證先鋒VI：倖存者的救贖》中飾演的網紅「凌詩蕙」獲得好評，由寂寂無名的人物，一步一步入屋成為一位「演員」，除成功提名本年度《萬千星輝頒獎典禮》「飛躍進步女藝員」獎項外，亦獲續約擔任美胸代言人；早前她更與曾參選港姐的妹妹趙穎琪，衝出香港拍攝美胸廣告，齊騷豐盈身材，寓工作於娛樂。

趙璧渝獲續約擔任美胸代言人.

早前與妹妹趙穎琪衝出香港拍攝美胸廣告。

首次跟妹妹合作，Osanna直言雖然興奮但壓力比自己一個開工更大，「同阿妹開工，本身諗住當去旅行去玩咁，但原來會好緊張，因為責任感大咗，始終家姐帶住阿妹，會想特別take care佢，不過其實阿妹面對鏡頭都冇唔習慣，始終選過港姐，有晒經驗。另外一齊開工嘅好處係大家互相鞭策，一齊on diet keep fit同做gym。」

Osanna首次跟妹妹合作，直言雖然興奮但壓力更大。

自言覺得帶住妹妹責任感更大。

對於有份角逐本年度《萬千星輝頒獎典禮》「飛躍進步女藝員」，Osanna揚言如能入圍10強，有資格出席頒獎典禮已經夢想成真，同時也能對媽媽有個交代，她表示：「可以提名已經好開心，自己讀訓練班嘅時候，邊會諗到可以出席頒獎禮記者會，感覺好似成就解鎖；今年有3套劇出街，令大家睇到我唔同角色嘅演繹，希望可以得到觀眾嘅肯定，亦都對媽咪有一個交代，佢見到我近年有發揮角色，佢都好開心好安慰，亦會將我嘅報道剪低儲起。」

趙璧渝有份角逐本年度《萬千星輝頒獎典禮》「飛躍進步女藝員」。

並揚言能入圍10強，有資格出席頒獎典禮已是夢想成真。

入行12年，由冇對白到現在遇上好角色，Osanna非常感恩，「有次喺日本，有個香港人竟然認得我，叫得出我全名，真係好開心。」在重頭劇《巨塔之后》，Osanna飾演宣萱徒弟，二人有不少對手戲，Osanna表示能跟宣萱合作令她開心得幾天睡不著：「宣萱係一個非常好嘅前輩，超nice超專業，除咗演戲，仲會同我哋分享好多想法，佢仲畀咗好多鼓勵我，喺佢身上學到好多嘢，係呢次拍劇嘅意外收穫。」

趙璧渝在《巨塔之后》中飾演宣萱徒弟，令她開心得幾天睡不著。

由無綫與優酷聯合出品，《新聞女王》系列鍾澍佳總監製、《逆天奇案》系列陳志江監製、梁敏華總編劇的台慶劇《星展多元化保險策劃呈獻：巨塔之后》，逢周一至五晚八點半翡翠台播映，主要演員有—領銜主演：宣萱、陳展鵬、陳煒、劉佩玥；特別演出：鍾鎮濤、湯鎮業、馬國明、蕭正楠；主演：吳若希、張頴康、蔣家旻、陳楨怡、黃庭鋒、謝雪心、吳岱融、林景程等。

趙璧渝（Osanna）和宣萱在劇中是師徒關係。

已埋煒哥堆的Osanna主動提出加入宣萱手術團隊。

Osanna不但幫手劇痛的宣萱完成手術，更與其他醫護人員齊齊為一妍「講說話」。

Osanna不但幫手劇痛的宣萱完成手術，更與其他醫護人員齊齊為一妍「講說話」。

Osanna不但幫手劇痛的宣萱完成手術，更與其他醫護人員齊齊為一妍「講說話」。

Osanna不但幫手劇痛的宣萱完成手術，更與其他醫護人員齊齊為一妍「講說話」。

昨晚（10月22日）一集上演了一場令人動容的師徒感情戲。卓盈（趙璧渝Osanna飾）之前離棄師傅董一妍（宣萱飾）埋方欣（陳煒飾）堆，幸獲一妍重新給予機會參與富商魏孝棠（潘志文飾）兒子手術。手術期間，一妍手痛至無法拿穩手術刀，方欣亦因得悉一妍手痛真相，企圖阻止一妍繼續做手術；於危急關頭，卓盈主動請纓幫做宣萱「替手」，事後又與其他醫護人員齊齊為一妍「講說話」，場口感人。卓盈一句：「我仲有好多嘢要跟你學架！一日為師，終身為師」，加上一妍的回應：「記住，唔可以睇小你自己」，盡顯師徒間深厚情誼，網友亦為之動容：「好鍾意呢場師徒戲，睇到眼濕濕」。

Osanna極力維護宣萱。

Osanna極力維護宣萱。

對於師徒戲獲讚感動，Osanna接受官方訪問時，直認對這場戲印象最深刻：「呢場係全劇唯一一場戲可以畀我向宣萱呢個師傅表達一直以嚟嘅尊敬同埋感激。因為我哋都戴住口罩，所以眼神、聲線嘅演繹好重要，好多謝佳導（劇集總監製鍾澍佳）同宣萱姐姐喺現場嘅耐心指導！」談到與宣萱合作，Osanna表示完全感受到宣萱的專業，更笑言宣萱成日萬歲：「姐姐好Nice好有風範，會同我哋溝通傾偈。喺拍攝嘅三個月入面，完全感受到宣萱姐姐嘅專業。每次有姐姐嘅場口我都會忍唔住成日去睇Mon學習姐姐演戲嘅眼神、節奏等等。姐姐又成日萬歲，每一日嘅拍攝氣氛都好愉快。」

Osanna在《逆天奇案》系列中飾演女警姜欣欣（妹頭）。

Osanna在《法證先鋒VI：倖存者的救贖》中飾演直播主凌詩蕙。

Osanna表示和宣萱合作非常愉快。（趙璧渝IG截圖）

Osanna經常在社交平台分享靚相大晒美好身段。（趙璧渝IG截圖）

趙璧渝首次拍攝手術戲份 靠狂煲紀錄片模仿手勢
Osanna曾在兩輯《白色強人》飾演急症室醫生，今次第三度挑戰醫生角色，Osanna直言依然有挑戰性：「今次係第一次參與拍攝做手術嘅場口，事前有睇過一啲醫療劇/紀錄片，睇吓真實嘅醫生做手術嘅過程，盡量學習同模仿步驟、手勢、講說話嘅語氣同埋眼神。」Osanna透露亦有聽任職護士的媽媽分享：「我媽咪係精神科護士，對病理學名同藥物名都會有了解；同埋媽咪平時都會同我分享佢作為醫護人員面對病患嗰陣嘅心態。」除了藝人，Osanna還是一位瑜伽導師，並經常在社交平台分享靚相大晒美好身段。