得寵先生｜盧慧敏與「大樹下」義工帶狗狗分享 宣揚領養不棄養

「大樹下」資深義工JoJo表示，只要給予適當的照料和愛心，流浪狗狗亦可以成為家中寵物。

溫暖小品電影《得寵先生》踏入上映第三周，宣布票房衝破300萬港元，口碑載道。電影宣揚保護流浪動物和關懷長者，戲外團隊除了義賣tee籌款和捐糧到狗舍，日前電影女主角盧慧敏（Amy）、導演兼編劇李志偉（Thomas），與「大樹下善待動物庇護站」（「大樹下」）資深義工JoJo，帶著狗狗「自來」和「MayMay」，以及訓犬師Garrick Sir和Fish姐姐，與狗狗「Dolly」和「Kabi 」，到「仁濟醫院蔡衍濤小學」，舉行「生命教育——愛護小動物 領養不棄養」分享會，讓逾百位小學生與狗狗親密接觸，現場充滿興奮笑聲。

Amy與導演兼編劇李志偉、與「大樹下」資深義工JoJo及訓犬師Garrick Sir和Fish姐姐，帶同4隻狗狗到「仁濟醫院蔡衍濤小學」。

舉行「生命教育——愛護小動物 領養不棄養」分享會。

分享會開始前，義工帶著「大樹下」的「自來」和「MayMay」入場時，原本靜靜地在台下的同學們立即興奮起來，狗狗經過他們身邊時更伸手輕輕撫摸，又驚又喜，非常可愛。「大樹下」資深義工JoJo介紹牠們原本都是被遺棄的小狗，她說：「『自來』本來係山上流浪狗，義工燕姐每日到去餵，有一日同佢講：『如果你行入嚟大樹下，我哋以後有粥食粥，有飯食飯。』然後佢真係行入嚟，所以就叫『自來』。已經嚟咗十年，最鍾意人嗌佢個名和影相。至於MayMay就係義工哥哥喺垃圾站發現，當時佢只有三個月大，依家未夠兩歲，最鍾意食零食。」JoJo表示只要給予適當的照料和愛心，流浪狗狗亦可以成為家中寵物。

左起：「大樹下」資深義工JoJo，Amy，導演Thomas，訓犬師Garrick Sir

狗狗「MayMay」（左）、狗狗「自來」（右）。

「自來」和「MayMay」原本都是流浪狗。

JoJo表示，只要給予適當的照料和愛心，流浪狗都可以成為家中寵物。

之後，Garrick Sir、Fish姐姐、狗狗Dolly和Kabi示範戲中部份動作練習過程，並邀請同學仔與狗狗玩小遊戲。Amy分享拍攝時與狗狗的相處秘訣，她說：「其實人和狗狗都一樣，最重要係關心和陪伴，可以用說話、眼神、擁抱，你哋可以攬吓隔離位嘅同學仔。」台下同學仔起哄並互相擁抱，之後Amy和義工、Fish姐姐等，分別帶著狗狗走入同學仔之中，讓他們互相接觸，全場一片歡笑聲。

Amy和訓犬師Fish姐姐。

白色狗狗是「Dolly」，牧羊犬則是「Kabi」。

Garrick Sir、Fish姐姐與狗狗Dolly和Kabi示範戲中部份動作練習過程。

邀請同學仔與狗狗玩小遊戲。

Amy和義工、Fish姐姐等分別帶著狗狗走入同學仔中。

讓狗狗與同學仔互相接觸。

全場一片歡笑聲！

活動結束後，Amy仍然好興奮，「好開心因為演出呢部電影，然後參與到咁有意義嘅活動。我人生第一次同咁多小朋友近距離接觸，見到佢哋望到狗仔嘅反應好開心，禮堂充滿笑聲、尖叫聲同埋雀躍嘅表現，令到我哋整個團隊更加投入，互相都有好好嘅影響。」她還笑言：「今日之後，我更加敬佩拍戲時遇到好多小朋友同埋動物嘅演員和團隊！」

Amy在活動結束後仍然好興奮。

笑言今次活動後令她更敬佩拍戲時遇到好多小朋友和動物的演員與團隊！

Amy透露為了今次分享會悉心「打扮」，「有一次『人寵場』遇到一隻好熱情嘅狗仔，佢撲埋嚟整甩咗隻耳環，好彩佢無食到。所以為咗狗狗嘅安全，我今日唔戴任何首飾，100%『悅娜』（戲中角色）、100%義工，而且紮行馬，可以接受狗狗任何形式嘅擁抱同埋濕吻。不過今日冇擁抱又冇錫錫，但拖住狗狗同小朋友接觸，係另一種難忘又開心嘅體驗！」

Amy好受狗狗歡迎。

Amy好受狗狗歡迎。

一連兩天潮流界盛事ComplexCon Hong Kong昨天（3月22日）圓滿結束，在兩天的音樂會系列中，盧慧敏（Amy）以香港唯一代表姿態站上亞洲博覽館舞台表演，還跟韓團BLACKPINK成員Jennie、組合ALLDAY PROJECT與Crush等世界頂級組合巨星同場，Amy當上歌手一年，首次踏上國際性表演舞台，在來自世界各地的觀眾展示本地實力歌手的氣勢！

一連兩天的潮流盛事ComplexCon Hong Kong昨日（22日）圓滿結束，盧慧敏（Amy）以香港唯一代表姿態登上亞洲博覽館舞台。

Amy與BLACKPINK成員Jennie、組合ALLDAY PROJECT及Crush等世界級巨星同場演出。

Amy首次以歌手身份踏上國際性舞台。

Amy昨晚以一身黑色斗篷神秘現身，先唱出自己的「顏色系列」廣東歌《白牆》，之後她脫去斗篷以11頭身完美身型示人，Amy還選了代表作《Red Flag》和《粉月》、西班牙歌《Dios Es Un Stalker》、Kali Uchis的《Moonlight》、Tyler, The Creator的《Sugar On My Tongue》與盧凱彤的《囂張》共7首歌曲，雖然表演時間短短30分鐘，Amy親選獨特的歌單、歌曲編排、首次歌舞表演、電子屏視覺效果，所有細節一絲不苟，Amy還在場帶動現場氣氛，觀眾也熱情大呼「Amy好靚呀！」，騷後的觀眾也紛紛在Threads洗版大讚：「讓世界看到妳！」、「今日Complex Con嘅表現，真係香港之光！」、「好正呀！」、「選歌好有品味！」

憑實力征服全場觀眾。

Amy首度挑戰歌舞表演。

她更特意選唱西班牙歌，讓媽媽看得開心。

完騷後她感動得眼泛淚光。

完騷後Amy大感興奮，還有一陣莫名的感動，看到團隊的努力成果也不禁眼泛淚光：「呢一個係我人生第一次真正以歌手身份踏上正式嘅舞台，好幸運搵人埋班嘅時候好順利，湊合到一班好有熱誠嘅人，音樂有Mike Orange、Visual 有Terry、排舞師Danie Chan、仲有幫手搞sound 既Jacky，每個都畀好多心機，兩個月密集式工作同思考，仲有梳化服同公司團隊等，企係舞台上表演真係唔係一個人可以做到嘅事，所以好感激大家，用行動支持，之後嘅歌都可以考慮吓有呢方面嘅元素；而歌曲我就揀咗一首西班牙歌，主要係希望畀媽咪聽到，媽咪睇到會好開心。 」Amy自評今次演出的表現只有50分，希望自己能一直進步，她還謙虛指來到ComplexCon是來叨Jennie的光，她說：「我知道嚟嘅人九成都係嚟睇Jennie，但係見到大家揸住BLACKPINK嘅手燈都會同我有互動、為我歡呼，俾咗滿滿嘅情緒價值我，令我好enjoy呢個舞台！」

Amy感激團隊兩個月來的努力，又謙稱演出僅值50分，希望不斷進步。

騷後網民在Threads瘋狂洗版激讚。