何珮瑜現身澳門電影節擔任頒獎嘉賓 高衩透視晚裝性感又迷人

睇到網民心心眼！

35歲的何珮瑜（Jeana）當年以「?模」身份出道，更被封為「翻版范冰冰」，曾出過寫真集，之後憑《喜愛夜蒲》系列而為人熟悉。近年，Jeana主力在內地發展，並成功撇甩花瓶形象，轉型做打女。日前，Jeana到澳門擔任電影節頒獎嘉賓，她一身性感的黑色高衩晚裝成為網民熱論的焦點！

Jeana日前到澳門出席《第五屆新時代國際電影節金揚花獎頒獎盛典》。

一眾英皇小花。

Jeana日前到澳門出席《第五屆新時代國際電影節金揚花獎頒獎盛典》，並與英國導演Bizhan Tong一同頒獎。Jeana事後在IG分享當晚的靚相，可見她身穿黑色Bling Bling Tube dress，將其白滑香肩及驕人上圍展露無遺，更為吸睛的是腰間兩側透視的設計，零贅肉的小蠻腰若隱若現，搭配裙擺高衩的剪裁，性感度爆燈！

Jeana與英國導演Bizhan Tong一同頒獎。

Jeana一身性感的黑色高衩晚裝好搶鏡！

何珮瑜微博圖片

何珮瑜微博圖片

何珮瑜微博圖片

何珮瑜微博圖片

何珮瑜微博圖片

何珮瑜微博圖片

何珮瑜微博圖片

何珮瑜微博圖片

不少網民看過Jeana的靚相後都紛紛留言大讚：「佩瑜姐靚到流口水」、「姐姐真美耶愛你愛你」、「美麗的仙女！你真漂亮」、「Jeana女王」、「很有氣質」、「顏值巔峰」、「好性感」、「這身材太棒了！」

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。