伊健:「已經唔記得蝕幾多,好彩仲有得做,慢慢填晒啲氹。」
藝人鄭伊健現身新城廣播接受好友譚玉瑛(阿譚)、何基佑及麥皓兒主持的《QK玉瑛室》錄音訪問,伊健和阿譚因合作兒童節目《430穿梭機》而成為好友,兩人久別重逢不但沒有芥蒂,反而互窒兼互相爆料,為直播室帶來不少歡笑聲。
鄭伊健接受好友譚玉瑛(阿譚)主持的《QK玉瑛室》錄音訪問。
伊健近日忙於為電影《久別重逢》宣傳,提到戲中飾演「少年鄭伊健」的陳卓賢(Ian),他笑指Ian極像初出道的他:「答問題都係答一兩句,不過,我依家已經講多咗嘢。」
伊健近年閒時與太太蒙嘉慧(Yoyo)旅居日本,生活優哉游哉。早年伊健打本給Yoyo在日本開設房地產公司,事隔數年,Yoyo近日決定「回流」返港,伊健稱:「嗰邊學習完就算,依家游手好閒。(陪你打機?)睇吓咩機啦,佢有少少沉迷,我係試玩,但佢一定要打爆機,鍾意玩就會係咁玩,直至有一日唔想玩。(你影響太太?)唔關事,佢本身性格好男仔頭。」
鄭伊健與譚玉瑛互窒玩爆料!
何基佑形容伊健有太太陪打機,又可以做自己喜歡的事,絕對是人生勝利組,甚至死而無撼,伊健聞言搞笑謂:「你返屋企會唔會有事?」及後,阿譚對住伊健表示:「你唔好睇小我,我一次機都未打過。」伊健笑指:「但你係飲紅酒師祖級人馬。」隨即表示要爆阿譚料:「佢做緊兒童節目時已經飲紅酒,但嗰時社會好封建,話飲紅酒就唔可以做兒動節目,所以我保守個秘密直至依家先講。」
鄭伊健自爆買樓投資慘變負資產。
阿譚就大爆伊健拍兒童節目時記稿最差,但伊健給他的感覺十分乖巧又正氣,「佢啱啱出嚟做嘢,有日同佢傾計講抱負,佢話第日要買間屋比父母住,我當時都冇諗過,唔通我真係咁不孝?」不過伊健自爆當初聽前輩意見,賺到錢要買樓投資,怎料慘變負資產,「我好聽話真係買咗樓,點知一買樓市就冧,可能買多咗,變咗負資產,已經唔記得蝕幾多,總之我就明白一句說話,就係『無事一身輕』,點會諗到好畀心機工作,但無啦啦多撻瘌,好彩仲有得做,慢慢填晒啲氹。」
伊健和Yoyo結婚超過十年,阿譚問他由兒子變成丈夫的心態有沒有轉變?伊健說:「冇。(你係一家之主?)都係兩個人啫!(喺屋企有話事權?)冇權話事㗎!但我哋兩個想法好接近,夠用就得,已經好開心。」之後阿譚問伊健為何不生育?他指看新聞覺得世界太亂,所以怕了,隨即反問阿譚:「咁你都一樣㗎!」阿譚沒好氣說:「呢條問題由我嚟問真係激氣。」其餘兩位即拍手掌大笑。
左起:何基佑、譚玉瑛、鄭伊健、麥皓兒
《久別重逢》劇組再度釋出全新製作花絮,深入拆解由四名主演分別釋演。
由美亞電影製作有限公司、香港電影發展基金及文創產業發展處出品,葉偉信及彭玉琳監製,新晉導演梁禮彥身兼編導兩職,鄭伊健、MIRROR成員陳卓賢、許恩怡(Natalie)、蔡思韵(Cecilia)領銜主演電影《久別重逢》於聖誕檔期上映後,口碑持續發酵,好評橫跨農歷新年檔期,最新累積港澳票房1,080萬。導演梁禮彥正身處荷蘭鹿特丹出席電影鹿特丹國際電影節放映及歐洲首映。
《久別重逢》海報
因應觀眾支持,劇組再度釋出全新製作花絮,深入拆解由四名主演分別釋演-兩個深入人心的角色「蘇昇華」和「夏文萱」之間的關係。男主角「蘇昇華」由年輕時勇敢追夢,到成熟後幻得幻失,原來在某些層面上,反映了導演梁禮彥的心路歷程:「我自己寫劇本寫咗二十幾年,都不斷咁樣覺得自己好叻,同覺得自己好渣嘅的一個搖擺裏面。」;而Ian陳卓賢亦在角色上感到共鳴,看見曾經的自己:「入咗行之後,好多外面嘅人質疑自己嘅時候,質疑到我自己都質疑自己。
鄭伊健
陳卓賢
至於電影的原創音樂陳光榮:「我身為音樂人去睇呢個故事,其實好有共鳴。蘇昇華係好多創作人嘅起步,純粹地想將自己想講嘅嘢,放喺旋律裏面。當然創作過程中你會有成功過,又會有失落過,但係如果你懂得將呢件事變成『我只係享受過程』,咁樣嘅角度就會唔同。
伊健提到,今次在電影上與多年戰友陳光榮合作特別難忘:「其實從開始創作,搵到我多年合作嘅好朋友陳光榮。我哋傾咗好多嘢,討論一個音樂人係應該點樣,例如發脾氣會怎樣,例如彈琴嘅形態。因為其實真正我所有嘅作品,都係由我嘅唱片監製陳光榮挑選。
鄭伊健
而《久別重逢》讓人深刻的其中一部分,電影中沒有明言角色之間實屬愛情還是友情之上的感情。導演兼編劇梁禮彥拆解眾多觀眾的迷思:「其實人同人嘅關係,係可以無以名狀。蘇昇華和夏文萱是必然有愛情,亦有友情的成分。
陳卓賢
飾演女主角「夏文萱」-被觀眾形容為「民間初戀」的許恩怡透露,導演在拍攝過程的引導:「我記得導演有講過,其實蘇昇華同夏文萱嘅關係唔能夠用文字去描述。其實世界上只有一個海,但我地嘅『鍾意』分成七個不同嘅海,然後俾七個唔同嘅名。導演話佢哋嘅關係就係,唔能夠放入任何一個框框裏面。」伊健補充說:「其實唔只係愛,係超越咗。佢哋嘅身份係一個朋友、兄妹、愛侶,乜嘢都係,共於一身。
許恩怡
許恩怡
而在電影中遭遇重病的Cecilia的蔡思韵,亦投入角色去想像:「當你一生去到最後的時候,你回首,可能有一啲人你會好掛住。我可以想像,如果俾你選擇最後一件可以做的事,可能我都會想同我最想同嘅人喺一齊。
蔡思韵
《久別重逢》故事受導演自身創作時所遇的迷茫所啟發,而故事主軸關於鄭伊健飾演(少年版為陳卓賢飾演)的音樂人蘇昇華面對創作瓶頸,選擇逃避卻重遇蔡思韵飾演的知己夏文萱(少年版為許恩怡飾演),而展開的一次療癒旅程,道盡人生在不同年齡階段的種種期盼與遺撼。