聖誕節商場街道各處都可見節日裝飾，聖誕老人更是不可少！日前就有網民影到柴灣宏德居商場內的聖誕老人吹氣公仔，由於吊掛的位置有點違和，令聖誕老人霎時變成了「聖誕工人」，惹笑網民！
FB圖片
管理處吊掛聖誕老人吹氣公仔
網民早前在facebook群組以「唔知聖誕老人爬上去做咩呢」為題上載相片，見到某管理處一邊牆貼近天花板的位置，吊掛了一個「正在爬煙囪」的聖誕老人吹氣公仔，由於牆身附近都是管理處的告示板及一個福字日曆，令聖誕老人變得格格不入，但又令畫面變得相當有趣！
FB截圖
網民爆笑：技工嚟，正在維修
有網民紛紛為這位「聖誕工人」安排差事，指它正「做維修」、「技工嚟，正在維修」、「捉老鼠」、「拆風喉捉老鼠！」、「捉隻老鼠畀你做聖誕禮物」、「維修天花」、「整冷氣囉」，「檢查商場冷氣，之後睇埋扶手電梯，先可以開始包禮物」。
FB截圖
有網民記起「佢上年爬中間嗰條柱㗎」
不過亦有網民認為此乃為「聖誕賊人」，爆笑咁話它正「爆格」、「應該偷嘢」，甚至有人覺得是「聖誕情人」加上旁白「糟糕！丈夫回來了！趕快由窗口逃走！」。有網民記起「佢上年爬中間嗰條柱㗎」。
FB截圖
香港食肆經常都有「大嘥鬼」出沒，不時有食客吃不完卻仍叫到滿枱都是餸，極之浪費！社交平台近日有網民在連鎖壽司店壽司郎用餐時，發現有同場食客竟然點壽司後只吃魚生，遺下大堆米飯「堆飯如山」，令人側目！網民更狠批此行為「折墮」，有人側提倡店方應讓食客選擇「走飯」或淨刺身。
食客竟然點壽司後只吃魚生，遺下大堆米飯「堆飯如山」，令人側目！網上圖片
只吃魚生遺下大堆米飯
社交平台Threads有網民於壽司郎用餐時，拍下鄰桌用餐後的照片，並發文問道「邊位師兄咁x癲」。從照片所見，涉事客人點了接近廿碟壽司後，將碟子疊高，但卻食剩大堆米飯，並似是惡搞般將米飯堆疊於最高處，猶如一座「飯山」。而枱面亦留下多張用過的濕紙巾。樓主形容「啲人就係咁，唔食個飯都要叫壽司」、「佢唔似食唔晒，佢似係淨係食舊魚唔食飯」。
涉事客人點了接近廿碟壽司後，將碟子疊高，但卻食剩大堆米飯，並似是惡搞。網上圖片
網嘆大癲：可以打包返去炒飯
帖文一出隨即引來大批網民留言，紛紛批評這種浪費食物的行為。有網民直言「唔係癲，係X街，嘥晒啲飯，食唔到就咪X叫啦！」、「CLS，好浪費」、「其實有少飯版本，點解要咁又唔係食得多」。亦有網民狠批「癲唔癲好難講，折墮係肯X定」、「咁樣會娶豆皮婆」、「可以打包返去炒飯」。
有網民晒出自己享用完壽司時會食得一乾二淨，獲網民大讚。網上圖片
食客餐桌禮儀極差被批無品
除了浪費問題，不少網民亦批評食客的餐桌禮儀極差，「唔好講浪唔浪費冇衣食先，食到咁純粹真係好X肉酸」、「食淨飯冇意見，但食得好肉酸。點解唔係放近枱面，反而要放咁高仲要咁大堆，人地執野好易整跌，搞到周圍都係，冇品」、「睇張枱就知個人既素養去到邊」、「故意食到噉都衰㗎啦！仲要勁冇品成枱面都係用過嘅核突紙巾！」
不過都有網民晒出有朋友都係叫壽司，只吃魚生不吃飯。網上圖片
網民倡加收懲罰式費用
事件亦引發網民討論如何杜絕類似情況，不少人建議店方可讓食客選擇走飯，以及職員應收取懲罰式費用以阻止「大嘥鬼」行為。有網民提出「要比人揀走飯或者淨刺身」、「壽司郎應該在menu 內俾多一個選擇，就係壽司走飯！」、「壽司郎要考慮唔食一舊飯要逐一收費」、「其實呢啲職員睇到真係應該要罰」。
