有港女於網上發相發文大呻，日前到旺角食品店買喉糖時疑取1張$100紙付款，惟店員以1個原因拒收，最終「嬲爆」表示「不買了」！
$100紙因1原因拒收
樓主於Facebook群組「香港突發事故報料區及討論區」發相發文，指她到旺角新世紀廣場某間食品店想買50元3包喉糖。然而，當她從銀包取出1張$100紙幣付款時，被店員以銀紙「損爛」為由拒絕收取，「唔好意思，呢張錢爛嘅唔收，可否換1張？」。
FB截圖
拎另1張$100再拒收
樓主取出另1張$100紙付款，沒想到職員再以「損爛」為由拒絕收取，「唔好意思，呢張都係爛嘅唔收」。樓主聞言超不滿，直接離開並指「唔好意思我冇全新嘅銀紙！不買了」，隨後又不忿說「我想講這200也是別的店舖找我的」。
2張銀紙上有約1厘米的裂痕
從上載相片可見，2張$100紙上方中間位置都有約1厘米裂痕，但其餘部份完好無缺，也沒有嚴重污漬，外觀可以稱得上為「新簇」。
FB圖片
網民批「吹毛求疵」
帖文引來熱議，有網民直指店舖做法不妥，「咁小裂紋都唔收」、「呢種爛法間間都收啦」、「可以攞去銀行換返」、「呢少少殘嘅痕好多錢都有，應該係間舖想焗你用電子貨幣」、「叫人以後唔好幫襯」、「過猶不及，吹毛求疵，去另外舖買吧！」。
有人指做法無可厚非
但亦有人認為店舖做法無可厚非，「佢真係有權唔收嘅」、「可能佢老闆要求唔收，否則罰個員工錢」、「因為銀行提款機入唔到」、「問題在於張一百蚊爛嘅可以拒收，就算人哋找錢張紙幣爛嘅都可以叫佢畀第二張」。
示意圖
網民曬同款經歷
另有人分享同類經歷，「最近試過又係爛咗少少唔收，連銀行只要砌到完整一張都會收，唔知佢咩玩法，以前好多銀紙爛得仲勁都係咁用無試過唔收」、「試過去7仔……個5蚊有啲污糟，有一面太黑，都唔收」、「我以前做過快餐收銀，有同事收過斷開左嘅銀紙，只要個爛個位無整到個冧巴，係可以去返發行銀行更換」。
「霉霉爛爛」紙幣可否用？金管局拆迷思
「霉霉爛爛」紙幣到底是否可以使用？根據金融管理局網頁，「崩角」、「污漕」的銀紙仍可以使用；如有疑慮，可拿到發鈔銀行回收。
示意圖
日前網上一宗「尋人啟事」引起網民熱議，事主指自己城門隧道轉車站候車時，終於接到應徵公司的錄取電話，惟傾談不足兩句，手機卻因沒電自動關機，幸獲身旁一名陌生女士借出「尿袋」解燃眉之急，最終成功接通電話並獲聘。事主事後在Threads發帖尋人，希望歸還充電器並親口道謝。
《愛回家》劇照。示意圖片
這則尋人帖文引來不少網民共鳴，眾人紛紛盛讚該女士的善心，直言「呢個舉手之勞並非人人做得到」。亦有網民認為，即使事主最終未能尋回恩人，只要日後繼續將這份善心傳揚開去，本身已是一種報答方式，「希望你可以將佢嘅無私同大愛傳承落去，因為我相信鍾意幫人嘅人，並唔係希望得到回報」。
threads圖片
事主以「今日想尋找一位好心人」為題在threads發帖，講述事發經過。事緣周三（8月12日）下午近4時，事主正在城門隧道轉車站候車，期間手機響起，來電者正是早前曾前往應徵的公司，內容關乎錄取邀請。事主直言「（呢個電話）真係等咗好耐，真係好重要」，未料雙方「傾咗唔夠兩句」，手機便因電量耗盡而自動關機。事主形容當刻「真係慌到個人呆咗，好驚就咁錯過咗呢個機會」。
《愛回家》劇照。示意圖片
眼見情況危急，事主瞥見身旁有一名短髮、戴眼鏡的女士，於是鼓起勇氣上前詢問對方有否攜帶外置充電器。對方二話不說願意借出，讓事主的手機得以充電重啟，最終成功接通電話並獲聘。
事主在帖文中向該熱心女士隔空喊話，「你可能覺得只係幫咗一個小忙，但對我嚟講，真係好大、好大嘅幫助」。由於對方當時趕着上車，事主未有機會詢問其聯絡方法。事主事後發現，該充電器價值約200多元，因此希望透過帖文尋人並將充電器物歸原主，「如果你咁啱（睇到）呢篇嘢，麻煩DM（私訊）我」。
網上圖片
帖文發布後，不少網民對該女士的善舉表示欣賞，留言包括「好人好事」、「呢個尿袋好靚喎，好彩遇到佢，真係幫咗個大忙」、「呢個舉手之勞並非人人做得到」、「香港其實好多善心人士，幫到人其實自己都會好開心，係一種得着」、「呢啲叫遇到貴人，希望（事主）有個好開始，之後一切順利」，以及「恭喜事主，祝新工作順利，同時祝借尿袋的好心女士手機永遠有電」。
事主其後再更新帖文，表示「當事人已聯絡我」，終於成功尋回借出「尿袋」的好心女士，更透露對方大方表示「唔使還」，令事主大為感激。事主又向協助轉發帖文的網民道謝，稱「都多謝大家幫手推post」。
