黃嘉雯Boxing Day約好姊妹性感過節 梁敏巧Join拍跳舞片舞姿生硬好有喜感

四女合體好歡樂！

TVB小花黃嘉雯（Carmaney）憑着傲人身材成功彈出，與同樣樣靚身材正的鄧伊婷（Irina）、譚嘉儀及梁敏巧（Maggie）一向好老友，不時都會相約一齊去玩，來到聖誕節，好姊妹當然要相聚一下！

梁敏巧與黃嘉雯、鄧伊婷及譚嘉儀好老友。

曾結伴一同參與「S2O亞洲潑水音樂節2024」。

之後又一齊去「The Nextwave沙灘音樂節」。

萬聖節時更齊齊扮美少女戰士去海洋公園玩。

黃嘉雯、鄧伊婷與譚嘉儀於Boxing Day相約到AIA嘉年華玩，眾人齊齊以短裙、短褲上陣，大騷白滑美腿！期間，鄧伊婷玩攤位遊戲贏了一隻巨大型熊啤啤毛公仔，令譚嘉儀愛不釋手，「贏左隻大熊仔呀！！！！@irinateting 好叻呀！全靠伊婷掉中左，先可以借比我影下相都已經好滿足，太開心！，今年聖誕節過得好開心！除左玩掉公仔仲玩左機動遊戲，超正！Love u girls Irina, Carmaney! Merry Christmas!」

鄧伊婷好厲害！

譚嘉儀愛不釋手。

三人還贏了很多小毛公仔。

三人都是E人！

譚嘉儀IG圖片

之後，身穿黑色連身短褲搭配西裝褸的梁敏巧會合三人，四女合體即時興奮合拍跳舞片，黃嘉雯在IG貼出片段，可見她與鄧伊婷、譚嘉儀跳得性感，好有女人味，但去到梁敏巧，她的舞姿明顯有些生硬，加上笑得非常燦爛，看上去充滿喜感，令另人三人都不禁表示：「Maggie好正！完全成條片嘅highlight」、「MVP」、「完全係亮點！」而梁敏巧亦笑言：「認真跳起舞上嚟我自己都...」

梁敏巧會合眾人！

鄧伊婷

黃嘉雯

譚嘉儀

梁敏巧跳得好可愛。

又好有喜感！

不少網民看過影片後都留言大讚：「So funny! 見到你地 #Watergirl 合體玩得好開心」、「你哋跳得好好」、「四位女神好靓好可爱跳得好好睇」、「條片拍得好鬼正」、「妳地好可愛！」

歌手譚嘉儀日前到新城廣播接受李有毅（Ben）和兒子李國煒（Benson）主持的《Ben同Benson「Chur」到行》錄音訪問，除了分享當年參加《超級巨星》的入行經過，更為獨立發展後首支派台歌《告別的平行線》作宣傳。

譚嘉儀接受新城《Ben同Benson「Chur」到行》訪問。

嘉儀當年在紐西蘭攻讀大學音樂系，二年級時申請了回港交流生計劃，獲學校批准返港一個學期。就在準備回港之際，恰巧遇上《超級巨星3》公開招募，她決定一試。「我喺嗰邊申請，之後收到電視台通知面試日期，但時間同我考試日期相撞，我話唔好意思我嗰日唔得，想問仲有冇第二日。其實都已經打定輸數，咁大間公司點會為咗我改期。」

出乎意料的是，電視台答應第二天進行面試，嘉儀隨即更改機票提早回港。「但好奇妙嘅係，我飛咗嚟香港之後嘅第二日，如果我真係遲咗一日返嚟，我就飛唔到。因為紐西蘭嗰邊有個火山爆發，所有飛機都唔可以飛。」她直言：「所以我真係好感恩，如果真係遲一日，就去唔到面試。」

左起：李有毅（Ben）、譚嘉儀、李國煒（Benson）

憶《超級巨星3》面試險受阻 火山爆發令行程現奇蹟 譚嘉儀透露新歌《告別的平行線》源自真實戀情。

去年，嘉儀離開效力十四年的舊公司，展開獨立歌手之路。她坦言這個決定與新歌《告別的平行線》有著微妙呼應：「呢首歌係我做獨立歌手之後第一首歌，源自一段真實戀情，兩個人喺一齊嘅時候就好似平行線一樣，各自有自己嘅目標，永遠都去不到一個交叉點。我要留喺香港，佢又要留喺外國生活，最後唔係因為唔愛大家分開咗，好無奈。」嘉儀續說：「其實有啲似離開咗舊公司，我哋都係互相祝福。」

回望入行以來的種種，嘉儀感恩整個過程彷彿有上天帶領：「神好似有時未必喺嗰個時候畀你，但突然間又會做一啲奇蹟畀驚喜我。」她形容從參加比賽、入行、推出代表作《印記》，到如今獨立發展推出新歌，每一步都見證著這些奇蹟。

譚嘉儀憶《超級巨星3》面試險受阻。

火山爆發令行程現奇蹟。

詳細節目內容，請留意4月18日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/