就快踏入2025年，究竟香港明年是福是禍？著名堪輿學家李居明接受《巴士的報》專訪，為香港來年的運程進行大預測！
李居明預測香港明年運勢。（本網記者攝）
李居明指在中國的傳統文化當中，其中以易經睇運程是十分準確！他形容易經講到2025年的香港行的是「革卦」，即如一塊皮革，經過掹毛的過程才能夠升值：「易經中講2025年，行緊一個叫『革卦』，代表皮革，皮革意思就係一塊獸毛，要掹晒啲毛，佢就會值錢。」
點擊看圖輯
相信香港人明年必須繼續保持正能量，以良好的心態面對逆境中找突破。
運卦「先苦後甜」。（本網記者攝）
他也指香港人在邁向2026年之前，必須面對和克服一系列挑戰：「佢嘅意思就係我哋邁進2026年之前，要掹晒啲毛，先至可以值錢，所以係一個歷史時刻，係坎坷㗎，有邊個想俾人掹毛呢？」
不過「坎坷過後有艇搭」。
李大師形容：「2025年係一個七星逆轉年，係好少有七個星都喺度逆轉嘅，所以可以睇到2025年真係有一個陰影，係有啲麻煩，咁呢個陰影嘅麻煩呢，我哋要好樂觀咁去睇，就係可以話係黎明前嘅黑暗，不過喺最後。因為我哋要睇香港，佢係1997年7月1日出世，所以佢都係一個baby，所以我哋可以起一個八字。」
李居明強調看到香港正行一個十年的「伏吟伏吟 涕淚吟吟」運：「係因為佢行咗一個『甲辰』嘅大運裡面，呢啲就係術家所演繹嘅，但係呢個十年嘅坎坷，喺香港過去十年係涕淚吟吟，我相信大家都有感受啦，但係我哋行到第九年啦，仲有一年，最後一年就係2025年，呢個就係我研究落嚟嘅一個重要訊息。」
相信香港人明年必須繼續保持正能量，以良好的心態面對逆境中找突破。
由測量師轉戰幕前、憑《東張西望》中敢言採訪風格令人印象深刻的俞可程（Kanis），近日接受本網專訪，暢談參選港姐的另類原因、父親對其轉行的反對，以及擔任主持的各種「奇遇」。
「東張女神」俞可程（Kanis）近日接受本網專訪。
俞可程憑藉在《東張西望》中敢於挑戰棘手個案的硬朗作風，迅速獲得觀眾注目。
Kanis接受專訪時直言，轉行全因想「走出舒適圈」，即使面對父親的傳統觀念，她亦選擇以行動證明自己，將一切視為推動工作的力量。
分手後想搵新目標 計過數覺得選美「冇蝕底」
Kanis參選港姐的決定，背後有段鮮為人知的故事：「當時同男朋友分手冇幾耐，個人空虛虛，想搵啲嘢填滿個生活。」恰巧完成測量師牌照考試及累積四年工作經驗後，她對刻板生涯感到「好悶」，渴望「走出舒適圈」。她更以一套現實計算解釋動機：「出面學禮儀班、化妝班好貴㗎！選港姐免費有得學，仲可以去旅行拍外景，我覺得點計都冇蝕底。」她笑言自己首次面試時「求其打個底，連眼影都冇化」，正是抱著學習心態踏出第一步。
現年27歲的俞可程為2024年港姐十強佳麗之一。
Kanis在決賽當晚表演空中瑜伽獲得不少掌聲。
俞可程坦言選港姐是分手後想填滿生活。
她更笑言：「免費學禮儀化妝，點計都冇蝕底」。
父親傳統盼女穩定 三女一男家中靠母親家姐支持
轉行之路並非一帆風順，Kanis透露父親一直不贊成：「佢好傳統，覺得我讀咁多書應該做返份穩定工，唔好拋頭露面。」她理解父親的擔憂：「佢覺得呢一行好唔穩定，都擔心我收入唔穩定同壓力大。」然而，家中「三個女人」——母親同家姐均全力支持她追夢，父親最終亦無奈尊重女兒選擇。Kanis坦言現時父親態度沒有改變過，但她會以行動證明自己。
俞可程於香港城市大學測量學學士畢業，2023年正式考獲測量師牌照。
參與過大大小小許多不同的建築項目。
雖然落選但俞可程仍獲TVB賞識簽約成為旗下藝員，擔任收視保證節目《東張西望》主持。
Kanis毅然放棄工料測量師的高薪厚職。
但轉行之路未獲父親支持，幸得媽媽家姐鼓勵。
俞可程坦言父親至今仍不認同其轉行。
但她決心以行動證明自己。
早前她與網民玩「你問我答」時，意外曝光索爆家姐。
主動要求追訪棘手個案 試過驚到心都離一離
加入《東張西望》後，Kanis主動要求挑戰前線追訪工作：「我專登打聽邊組係做麻煩個案，主動加入，反正入得行就想試多啲啦！」她分享曾因追訪一名樣子兇神惡煞的健碩男子而感到害怕，但更多時候是為受訪者故事動容。她特別提到「名校補習社」及「虐老」兩個個案，直言聽到受害人心聲時感觸落淚：「做人點可以咁冇良心？」
俞可程憑「靚樣靚身材」而深受網民追捧，成為「東張女神」之一。
她亦非常識做，不時在社交平能分享靚相派福利。
俞可程IG圖片
俞可程專揀《東張西望》最麻煩個案，希望挑戰自己。
Kanis淡定而充滿智慧的主持方式贏得了眾多觀眾的讚賞。
為了做好訪問，她每單個案都會親自上網「起底」，做足功課。
面對採訪對象兇神惡煞，俞可程都試過驚到心都離一離！
本網記者攝
本網記者攝
俞可程表示會反省網上負評，主動同節目組溝通求進步。
認真備案親自「起底」 網民Cap圖當宣傳
Kanis對工作極為認真，每接到個案都會提前做足功課：「會自己上網『起底』，睇晒對方嘅舊Post，諗定幾個訪問方法。」對於網民經常截圖其採訪畫面，戲稱為「魔鬼視角」，她大方回應：「我覺得其實都幾creative，最緊要大家肯關注單新聞，係好事。」
俞可程展現高情商，大方回應「魔鬼視角」截圖。
俞可程更笑言樂於為網民提供新Cap圖。
《東張西望》節目截圖
《東張西望》節目截圖
本網記者攝
面對負評反省調整 盼嘗試拍劇拓展戲路
面對網絡負評，Kanis自認是「絲打」，會仔細審視網民留言：「最唔開心係連自己都覺得做得唔好嗰陣。」她以「公屋賣淫」個案為例，指曾反思自己語氣是否過硬，並會主動與監製、編導溝通，尋求改善。展望未來，她希望嘗試拍劇：「咩類型都得，我係新人乜都想試！」她更不介意被傳媒稱為「意外界KOL」，笑言：「希望下年可以大紫大紅！」
俞可程去年非常黑仔，曾遇上恐怖車禍，在左臂留下巨大傷疤。
之後接受激光矯視手術又發生罕見意外，令「眼角膜皺摺埋一齊」。
展望2025年，Kais希望嘗試拍劇：「我係新人乜都想試！」
場地提供：Madame Fu-Grand Cafe Chinois
