公共交通工具上的關愛座一直有「批鬥座」之稱，而最近有女網民在社交平台發文，指早前搭港鐵有位年輕乘客坐關愛座即被1對夫婦怒斥。
年輕乘客一坐關愛座被「指一指」
樓主在社交平台Threads上發文，表示早前乘搭港鐵到旺角時，因有許多乘客下車，所以車廂上有不少空位。後來1名年輕乘客上車並坐在關愛座，隨即被1對同樣剛上車的老夫婦「指一指」。
港鐵圖片
「位係畀老人家」 老婦斥年輕男「讀屎片」
老夫婦「指一指」似乎係示意對方往旁邊非關愛座坐，「仲講咗句『你坐咗senior嘅位，this is for senior』」。樓主續指，本來該名乘客似乎都唔係想坐關愛座，而係「預備緊坐過一格」。罵人的老婦坐低後，仍罵不停，「話咩個位係畀老人家㗎，又無端端話個個人讀屎片？」。
資料圖片
老婦身份大揭祕 「鬧到本身另一個坐關愛座嘅人都走」
樓主表示，老婦看似是有學歷或曾移民外地再回流的港人「成程得佢自己狂鬧，鬧到本身另一個坐關愛座嘅人都走」。
《愛回家之開心速遞》劇照。
樓主斥不良關愛座風氣
樓主在帖文批評現時有奇怪的關愛座文化，「究竟幾時有吉位都唔可以坐關愛座，係邊個畀啲錯誤訊息佢哋得老人家可以坐，點解後生一坐就好似有罪咁？」，又指不論所坐的位置是否關愛座，看到有需要的人，也應自動讓座，反批「而家搞到成日驚畀人鬧，避開啲關愛座，好似坐咗就係罪人咁」。
示意圖。設計圖片
網上不時流傳外賣食物藏有異物的事件，蟲屍、毛髮屢見不鮮，但日前有女食客在社交平台分享的經歷可謂離奇到極點。事緣她點了一份海南雞飯外賣，吃到尾聲之際，竟發現外賣盒底部凸起，隨後更傳出電話鈴聲，揭發飯盒內竟藏有一部手機，螢幕上顯示的聯絡人姓名更是泰文，接聽後一度被人懷疑偷手機，令她無奈大嘆「廚師呀廚師，點解你會將個電話擺咗落個飯盒到？」
threads截圖
該名女食客在threads發帖，憶述當日點了一份海南雞飯外賣，形容即將吃完之際「我見到個（外賣）盒（底）凸起咗，有嚿好硬嘅嘢」。樓主當時已覺奇怪，未幾突然聽到盒內傳出電話來電鈴聲，才赫然發現飯盒底部竟藏有一部手機，她直言「我本身覺得個飯好好食，但我宜家真係有少少反胃」。
手機未響時，樓主完全察覺唔到飯底有部手機。threads圖片
threads圖片
從樓主上傳的影片和照片所見，黑色外賣膠盒底部平放一部智能電話，電話表面沾滿黃色飯粒，由於螢幕當時是黑屏，不仔細看的確難以發現電話。而樓主幾乎吃完整個飯盒，電話鈴聲才響起，手機螢幕亦隨之亮起，可見來電的聯絡人姓名顯示為泰文，估計機主並非港人，只能無奈表示「廚師呀廚師，點解你會將個電話擺咗落個飯盒到？」
threads圖片
樓主續稱，接聽電話後對面傳來女聲，猜測是機主的同事，不過對方第一句竟然是「點解我朋友電話喺你度？你係邊個？做咩偷咗我朋友電話？」經過一輪了解後，有兩人上門欲取回電話，樓主指他們「好緊張咁企喺門口唔敢拍門」，她之後將外賣盒連電話歸還對方，獲給予100元以作補償，並稱「佢又真係咁啱得咁蹺，喺我啱啱食完嘅時候打嚟，遲多1分鐘我都當垃圾掉咗」。
threads圖片
帖文曝光後隨即引來大批網民熱議，不少人驚呼嘔心，並指出手機含菌量極高，「第一張圖係完全保護色咁隱藏咗」、「據講手機表面比廁板含菌量更勁喎」、「好恐怖，成個電話都可以擺得入去個飯到」、「所以你係食緊佢啲面油」、「同奶佢個mon冇分別」、「我睇緊啲咩，AI都作唔到」、「好彩你趁熱食，如果你成盒拎去叮就大鑊」、「我估阿廚師應該係平時貪方便玩手機，將個手機放喺啲外賣兜到，咁啱忙起嚟又唔記得咗電話放咗喺入面，就直接𢳂咗啲飯落去」，並建議「報食環啦」。
threads圖片
有人則調侃樓主，「咁開心，食海南雞飯送電話」、「你就好，平時通常係生菜墊底，你係電話好高級」、「宜家啲商家為咗俾少啲飯真係無所不用其極」、「成餐飯最值得開心就係真係泰國人整」、「唔知以為執行緊臥底任務」，又玩諧音留下爆笑留言，「海南機飯」、「泰識phone味」。
