奔跑吧！｜吳若希狠飛渣男老公網民嗌好蕭正楠玩快問快答自爆三大愛妻秘技獲讚

娛圈事

奔跑吧！｜吳若希狠飛渣男老公網民嗌好蕭正楠玩快問快答自爆三大愛妻秘技獲讚

2025年01月22日 13:30 最後更新：14:00

雖然蕭正楠在劇中是絕世渣男，但現實生活中，他卻百分百是愛妻號！

《奔跑吧！勇敢的女人們》（以下簡稱《奔跑吧！》）昨晚（1月21日）一集，林采琳（吳若希Jinny飾）決意與出軌老公丁丁（蕭正楠飾）離婚，但為了顧全大局，包括自己的事業及一對仔女，采琳表面與丁丁繼續「扮冇嘢」，同時還全程投入丁丁投資電影的籌備及拍攝工作，拍攝宣傳海報期間更不期然與洛澄（賴慰玲飾）發生拉扯…面對老婆的決絕，丁丁終於意識到自己的問題，一再跪求老婆原諒的同時，亦終醒覺逐漸遠離洛澄…

點擊看圖輯

呢一幕真係大快人心，瀟灑嘅女人就係型！

女人自強金句

呢幕「小三」vs「正印」拉扯戲又係正。

最正係之後演變成圍毆渣男。

蕭正楠現實生活中係不折不扣愛妻號嚟㗎！

昨晚一集最精彩的地方，是決心離婚的采琳，為免丁丁死?，一早準備了「三個不同層次」的離婚Proposal，先是普通level的離婚同意書、再來是采琳自己單方面提出離婚，還有最高層次的「通姦呈請書」，令到丁丁被逼屈服。

對於林采琳的自愛及灑脫，網民無不拍手叫好，並大讚林采琳人設果然是「勇敢的女人們」：「林采琳沒有半拖拉，話走就走，真女人」、「睇倒佢咁對佢老公，好心涼」、「第一份雙方離婚、第二份單方面離婚、第三份通姦呈請書，呢度都好正！」更有網民指，決心離開老公變得愈來愈漂亮的采琳，有當年《家有囍事》吳君如及黃百鳴的影子，相當有想像力。

至於阿蕭劇中角色丁丁雖然被指絕世渣男，但現實生活中的他，卻百分百是愛妻號！無綫官網近日推出一連串《奔跑吧！》主演的「快問快答」（2揀1）遊戲短片，當中阿蕭被問到例牌問題「吳若希定黃翠如」時，即露出詫異表情秒答：「唔使講喇吓嘛！」並笑到走晒音大叫：「黃翠如！」而緊接的一連串答題，阿蕭亦盡顯愛妻本色，除表明「畀老婆話事」、喜歡照顧老婆多過老婆照顧自己、習慣等埋老婆先瞓外，尾段被要求列出三大愛妻秘訣時，更是冧到爆燈，阿蕭正色謂：「佢洗完頭時幫佢吹乾個頭髮啦，每日煮營養嘅嘢畀佢食，同埋佢最鍾意乾淨嘅，所以定時幫佢換好床舖。

阿蕭此舉自然引發大批網民心心眼，紛紛留言大讚：「真係好老公」、「很棒的男人、好老公、很多人都期待」、「阿蕭正楠好男人呀！」、「100分，Happy wife, Happy life！100分！聰明仔！」

Tags:

黃翠如蕭正楠

往下看更多文章

死有對証｜吳若希突然死亡留震撼懸念陳曉華見好友遺體「嘴唇都有戲」

黃偉聲監製、馬焱、麥世龍編審的時裝懸疑法證劇《死有對証》，逢周一至五晚八點半翡翠台播映。主要演員有陳曉華、馬貫東、吳若希、阮浩棕、韋家雄、陳熹潼、王綺琴、王菲、許俊豪、黃嘉雯等。

《死有對証》今晚（10月9日）迎來大結局，所有謎團即將揭曉！昨晚（8日）劇情講述詹柏宇（阮浩棕飾）以為錯手殺害甘世宏（譚坤倫飾），決定與母親馮瑜（韓馬利飾）逃離香港。警員高俊（馬貫東飾）等受公關Anita（關楓馨飾）假口供誤導，將柏宇列為疑犯，柏宇母子只好在花王孔國全（方紹聰飾）協助下藏身村屋。其後警方識破Anita謊言，發現真兇另有其人。另邊廂，柏宇離開村屋跟單佩嘉（吳若希飾）見面，但黃昏時分驚見女方伏屍地上，為大結局留下震撼懸念！

昨晚劇情最大衝擊，是吳若希在毫無預警下離世；而全晚最傷感的畫面，莫過於陳曉華飾演的程芷昕在殮房的獨白戲。當她步入解剖室，強忍傷痛向韋家雄詢問死因時，鏡頭多次特寫陳曉華的嘴部，只見她說話時雙唇微微顫抖，將壓抑的悲痛細膩地表現出來。之後她獨自面對好友冰冷的遺體，陳曉華知道吳若希必定不想她傷心，故起初強忍淚水，笑着連喚三次「單佩嘉」，但最終徹底崩潰，雙膝一軟跪倒在地。她邊哭邊溫柔地輕撫着好友的頭髮，聲淚俱下地哽咽說：「芷昕喺度，唔使驚」、「我會一直陪住你，就好似你陪住我咁。」

網民讚陳曉華喊得靚
這段極致催淚的兩分鐘戲碼，不少網民都表示喊濕幾包紙巾，讚陳曉華的演技漸趨成熟，更有網民指她喊得很靚：「曉華一開始喊住嚟笑，我已經喊咗」、「這套劇個個都做得好好，睇到這幕我都跟住喊」、「陳曉華做得好真，好似吳若希真係死咗咁，未見過佢做得咁好」、「她哭的樣子楚楚可憐。」而吳若希的演出亦收穫不少好評：「越演越好，尤其是同大佬詹嘅感情戲」、「後期吳若希角色開始討好，但咁就死咗。」

對於昨晚毫無預警下「領便當」，吳若希接受官方訪問時笑言，演死屍已相當有經驗：「雖然拍嗰日係夏天，張床亦好凍，不過好彩我喺個死屍袋入面，可以隔水同隔凍，所以喺入面其實都幾溫暖。但因為我有少少幽閉恐懼症，個袋係唔可以拉晒拉鏈。」吳若希更笑言演死屍已「爐火純青」，因首次拍死屍戲時，看見同劇拍檔哭泣，她亦忍不住喊，但之後再拍攝已能控制情緒：「我覺得依家做會做得更加好，因為瘦過之前，塊面削咗，如果化個死屍妝應該會幾似。所以希望之後有警匪劇，就算唔搵我做警察，都可以搵我做死屍。」

至於陳曉華表示拍這場戲，沒有刻意培養情緒，因她步入解剖室看見吳若希時，所有與「單佩嘉」的回憶統統湧現：「反而係唔好望住吳若希，因為我相信第一身嘅感受，所以拍之前我都冇同佢講好多嘢。我記得一take導演就收貨，我諗係因為第一take感受最深。我諗對於三年前嘅我要拍呢啲畫面，第一身嘅感受一定係最深刻同埋最真實。」

另外，首次飾演公關小姐的關楓馨雖然戲份不多，卻憑破格演出吸引觀眾目光。一向多演斯文角色的她，今次在《死有對証》飾演染有毒癮的公關小姐，其中一幕被譚坤倫鎖上手銬的戲份，意識大膽。至於她在警署的兩場盤問戲，更是考驗演技。第一場到警署協助調查時，她態度囂張地說：「一男一女去開房，唔通玩波子棋呀？使唔使畫公仔畫出腸呀！」但之後另一場戲，飾演警長的陳嘉輝表示她有殺人動機時，關楓馨的態度即時「笠水」，嚇到全身發抖、聲淚俱下地說：「我真係冇殺佢呀，唔關我事㗎」、「我係衰貪心，但佢嘅死真係唔關我事㗎！」前後兩場戲的反差極大，表現亮眼。

關楓馨接受官方訪問時表示，拍《死有對証》時正修讀演技課程，最難忘是拍第二場警署戲：「拍攝時不停運用學到嘅技巧，一直揣摩角色心態，喺腦入面不停諗『死啦！佢哋拉錯人，可能會坐監，要點樣解釋！』」她最開心是獲得前輩陳嘉輝讚賞：「嘉輝哥同我講：『你頭先好入戲，我相信晒成件事，你做得好好，你係咪有學過演戲？』聽到佢咁講，令我覺得有一種成功感，演繹到呢個角色出嚟。」

你或有興趣的文章

奔跑吧！｜吳若希狠飛渣男老公網民嗌好 蕭正楠玩快問快答自爆三大愛妻秘技獲讚