謝霆鋒相隔四年再出新歌 演唱會前推親自作曲作品《逆行》

前行不求同步，逆行堅守才是命途。

謝霆鋒日前宣布將於今年4月在香港啟德主場館舉行《Evolution Nic Live謝霆鋒進化演唱會》，成為首位於啟德主場館開show的亞洲歌手。除了演唱會，相隔四年，霆鋒今日（1月23日）推出全新廣東作品《逆行》，歌曲由霆鋒親自作曲，喬星填詞，曲風繼續個人的搖滾引力，貫徹不求大同的經歷。自出道以來，霆鋒就是「逆行」 的代言人，常人愛好的安穩，他偏要在不安下前行。

謝霆鋒推出全新廣東作品《逆行》。

霆鋒是「逆行」 的代言人。

MV以童年、少年及成年的三個人生階段為主軸，一開始男童在每張畫紙上像是亂塗黑色，男童父親不明所以，一直責罵他；中學階段雖然成績欠佳，但美術科取得95分，卻依然被同學欺凌，甚至受到老師處罰；成年後，他未有違背自己初心，一直從事時裝行業，卻又被老闆指責，但他堅持沒有放棄。

MV以童年、少年及成年的三個人生階段為主軸。

同時MV中的階磚，由兒時到中學階段砌得完整，但成年時卻變得粉碎，最後由男童及中學男生重新砌好，就如給予成年人的一份力量，始終有成功的一天。逆轉、逆境、逆行，是警告也是出路，放下單一標準的追求，堅持自己與眾不同的感受，到最後可成就不一樣的人生，建構獨一無二的你。

觀看相關影片按連結：https://youtu.be/MWYz42g8TuU

除此之外，霆鋒亦有於MV中穿插，拍攝地點則是啟德主場館，「其實當日主要係想喺場地試音，之後就順便影埋演唱會海報。拍拍吓，大家忽發奇想，其實係咪可以喺度拍埋新歌MV呢？因為都覺得係一件好有代表性嘅事。有關方面亦都好好，最後俾我哋喺度拍埋MV。」

霆鋒亦有在MV中穿插。

並在啟德主場館拍攝。

好有型！

張栢芝同謝霆鋒的大仔謝振軒（Lucas）轉眼已經18歲，由昔日嘅小朋友正式升呢做型男。今年Lucas更踏入人生新階段，正式入讀澳洲頂尖的澳大利亞音樂學院（AIM），主修音樂。

Lucas轉眼已經18歲

小時候很可愛

貴為星二代，Lucas一舉一動自然備受關注，不過佢私下生活一向相當低調。近日就有網民喺內地一間大牌檔「野生捕獲」Lucas，見到佢同好友圍坐喺簡單嘅餐枱食飯。

早前都被捕獲過去平民餐廳食飯

餐枱上冇咩豪華美食，反而只見幾碟平價家常小炒同汽水，一班人食得相當開心，氣氛熱鬧。Lucas當日身穿簡約休閒服，頂住一頭自然微捲短髮，面對周圍路人目光依然表現得相當淡定，完全冇避忌。

今次就喺內地一間大牌檔食飯

呢種貼地作風隨即獲網民激讚，認為Lucas雖然自細喺鎂光燈下長大，但依然相當接地氣，冇架子之餘亦相當自然。

從側面望過去，Lucas擁有高挺鼻梁、分明眉骨同利落輪廓，五官輪廓相當突出，被指完美遺傳爸爸謝霆鋒媽媽張栢芝嘅靚樣。甚至有網民認為佢散發住幾分陽光氣息，18歲型男感直接拉滿。

Lucas由細靚到大

就連食飯期間夾餸嘅動作都被捕捉到，有網民形容Lucas舉手投足間帶住一股瀟灑霸氣，連夾菜都夾得相當豪邁。