三人相識四十載。
「人生有個真正朋友,的確好極!」因無綫節目《歡樂今宵》結緣眨眼40載的阮兆祥、梅小惠、江欣燕,是娛樂圈知名好朋友,除了經常結伴三人行,三人又不時與對方家中長輩聚餐,感覺儼如一家人。為了紀念這段難能可貴的友誼,三人早前合作拍攝節目《友乜唔講得》,並邀請《歡樂今宵》伯樂吳雨大哥、草蜢、汪明荃、黃百鳴、陳欣健、薛家燕、陳彥行、鄧兆尊、陶大宇、胡楓、廖碧兒、蘭茜、錢嘉樂、米雪、陳芷菁、鄧梓峰及曾志偉齊齊開心RE-U兼話當年,堪稱電視史上首個資訊量極大的電視歷史Talk Show。
點擊看圖輯
阮兆祥、梅小惠與江欣燕因無綫節目《歡樂今宵》結緣。
三人為了紀念這段難能可貴的友誼,早前合作拍攝節目《友乜唔講得》。
阮兆祥、梅小惠與江欣燕因無綫節目《歡樂今宵》結緣。
三人為了紀念這段難能可貴的友誼,早前合作拍攝節目《友乜唔講得》。
40年前《健美小姐》青澀樣出土!
每次見面都必定雞啄唔斷的三人,一開始即輪流自爆入行時的難忘事、趣事甚至瘀事。當年因為仰慕家姐梅小青,一心想先加入幕前再轉做幕後的小惠,18歲時已急不及待參加無綫當年舉辦的《健美小姐》競選,並成為大熱之一,節目亦爆光了當年小惠弗到漏油的青澀樣!小惠還會親自揭開當年參選時皮膚過黑之謎。談到被指大熱倒灶,小惠忽然爆料指何守信(何B)是「罪魁禍首」:「我輸嘅原因應該係得罪咗何B先生。」到底真相是甚麼?小惠又自爆當年宣布賽果時,因一心覺得自己贏硬差點闖下大禍,幸獲何B打眼色提醒才免於當眾出醜。小惠又指比賽後更獲何B師傅親自打氣:「佢話雖然你輸咗,唔緊要,但係你好醒,你都應該啱做呢行嘅。」
至於祥師兄及欣欣,原來於中四期間已經透過電台節目認識,當年二人的花朵分別是「學界梅艷芳」及「學界陳百強」。祥師兄坦言當年第一次見到欣欣時,第一次感受到真正反差萌,皆因望落平平無奇、兼戴住玻璃樽底一樣厚眼鏡的欣欣,轉妝上台後即變了第二個人:「佢一變妝唱梅艷芳嘅歌,即刻變成迷你梅艷芳,似梅艷芳程度同依家一樣。」並不忘搞笑扮窒欣欣:「即係由中四開始到依家扮梅艷芳嘅能力冇進步過嘅!」被問到如何發現自己似梅姐,欣欣搞笑謂:「有日喺屋企睇睇吓電視,覺得佢把聲好得意,然後就咦?我都得喎。」欣欣又指自己其實完全唔識唱歌,當年參加《新秀》只是為了追星:「我係因為阿梅參加新秀嘅,太鍾意佢,當年演唱會百幾蚊張飛,但新秀報名費只係50蚊,我就可以見佢,好抵!」
廣邀圈中好友話當年。
首集邀約吳雨暢談《歡樂今宵》。
汪明荃
祥師兄則謂難忘參加《新秀》期間,先後獲梅姐及張國榮當面鼓勵:「比賽完我喺走廊撞到梅姐,我問:『梅姐你有冇睇我表演呀?』,梅姐話:『有有有,你唱得幾好吖,有機會頒獎畀你呀!』跟住完SHOW見評判,就見到我兩個偶像張國榮同陳百強,哥哥仲同我講:『其實雖然輸咗,但如果你真係鍾意唱歌嘅話,唔好放棄!」
首集嘉賓是吳雨,電視製作經驗相當豐富的吳雨,當年除有份打造《歡樂今宵》成經典節目外,亦是《翡翠歌星賀台慶》的始創人。出名願意畀機會有潛質新星的吳雨,當年代表作絕對是第一個睇中戚美珍有走紅潛質!吳雨:「記得當年要搵『歡樂小姐』,嗰時有本藝人簿畀我哋揭,有次見到有個真係好靚嘅,原來係戚美珍!我就心諗點解呢個咁靚冇人要架?」吳雨又透露首屆《翡翠歌星》前夕,電視台意外發生大火,就在大家都覺得節目要胎死腹中之時,吳雨卻沒有放棄,結果創造收視傳奇,整個故事相當峰迴路轉,當中更涉及群眾吃瓜心態!吳雨另外還會大談當年金牌司儀鼎立時、幕後如何絞盡腦汁讓一眾阿哥阿姐覺得沒有被厚此薄彼、爆出昔日電視台爆粗情況最嚴重的兩位前輩,以及直指Live Show對電視台成長的重要性,話題要輕鬆有輕鬆、要認真有認真,萬勿錯過。
草蜢
陳彥行與鄧兆尊
曾志偉
汪阿姐:「我覺得TVB啱我咯,而且公司都好錫我!」
因無綫節目《歡樂今宵》結緣眨眼40載的阮兆祥、梅小惠、江欣燕,早前合作拍攝節目《友乜唔講得》,本周日(2月9日)晚播出的第三集的嘉賓,是TVB鎮台之寶汪明荃!
阿姐今次名副其實迷人Pink Lady。
齋睇相,都感受到佢哋同阿姐感情有幾好啦。
阿姐私下又玩得又有幽默感。
左起:阮兆祥、汪明荃、梅小惠、江欣燕
予人感覺專業又嚴謹的阿姐,私下原來相當玩得,除了一出場就把玩身上的「荷花裝飾」,更與祥師兄鬥「食字」。談到阿姐,祥師兄三人讚不絕口,除大談與阿姐第一次見面的感受及經歷,又爭先分享阿姐如何提攜及照顧後輩。小惠與欣欣於1997年曾與阿姐合作綜藝節目《電視大贏家》,小惠大爆當年阿姐主動幫她們爭取靚衫:「係你幫我哋同服裝講,我哋三個要一樣咁靚!」又指阿姐出動私家髮型師幫她和欣欣梳頭,相當暖心,欣欣亦感嘆謂:「我哋真係好感謝阿姐。」 阿姐聞言即說:「好係大家架嘛,我哋要講團結!」阿姐又指當年與鄭少秋及林曉峰(阿Lo)一起主持綜藝節目時,已不斷叫監製給予阿Lo唱歌機會:「我嗰時成日要求監製畀佢唱啦,我話我可以同佢唱架,佢真係唱得好架…後尾佢喺內地紅咗,我幾戥佢開心呀。」欣欣席間又大爆阿姐當年如何一句化解「口花男」,萬勿錯過。
梅小惠1990年同1991年嘅台慶表演都好精彩。
小惠話呢個表演,令到邵逸夫爵士記得佢個中文全名,令到佢好開心!留意番,白布上嘅紅色「身影」,全部都係小惠用驚人體力整出嚟架。
祥師兄都會分享當年嗰對「Rain眼」係點整出嚟。
難忘昔日好拍檔沈殿霞轉數快:幾尷尬嘅場面佢都兜得翻
談到當年與阮兆祥、王祖藍、李思捷合作拍攝《荃加福祿壽》,阿姐坦言接拍前有猶豫:「佢哋話想要我帶一帶啲後生喎,我話我點帶呀,我唔係搞笑架喎,咁佢叫我一齊玩,我都當學吓嘢,試啲新嘢啦。」祥師兄即大讚阿姐勇於跳出自己框框嘗試不同造型,對此阿姐又再發揮專業本色謂:「每個人都要有啲貢獻架,我咪貢獻我所長咯!」談到拍攝期間的難忘事,祥師兄指當年四人重現「四朵金花」經典時,看到阿姐眼濕濕煞是感觸,令眾人十分擔心,阿姐亦直指當時自己是「冇辦法錄落去」,阿姐說:「當時佢(祥師兄)好似肥姐,王祖藍又係好似(張德蘭),唱歌時嘅郁動又全部都一樣…」阿姐邊說邊不斷讚嘆昔日好拍檔肥姐實在「太叻」:「幾尷尬嘅場面佢都兜得翻,仲要喺片場打滾咗幾十年」,阿姐又笑言曾遭小時候的欣宜批評英文叻但「Not that fluent(唔夠流利)」,相當搞笑。
阿姐當年為咗幫小惠同欣欣扮到同自己一樣咁靚,出咗唔少力。
阿姐話當年喺福祿壽重現「四朵金花」,一度感觸到眼濕濕亦「錄唔到落去」。
對挖角價零興趣:冇問過幾多錢,唔係錢嘅問題
四人又談到當年電視圈的挖角潮,對此阿姐坦言曾遇上幾次被挖角機會,第一個機會在拍畢劇集《家變》後已出現,但阿姐不但每次都不為所動,而且就連挖角價也從來沒有過問:「冇問過幾多錢,唔係錢嘅問題。我覺得一個人最緊要搵一個適合嘅環境,喺TVB只係做好自己工作就夠,唔使靠關係,又唔使搵角色,我覺得TVB啱我咯,而且公司都好錫我。」對公司有著深厚感情的阿姐,還與三位主持大談昔日拍攝《千王之王》、《家變》及《京華春夢》等經典劇集的趣事,除了有謝賢因為謝霆鋒出世、在拍攝期間「話走就走」外,又大讚名導演杜琪峰說:「佢係將我個樣拍得最靚嘅導演。我覺得《京華春夢》係我代表作,因為拍得好靚呀。」阿姐在節目中還會大爆自己最不喜歡的家英哥的一個壞習慣,更無奈感嘆:「講咗好多次佢都唔改咁點吖?」到底家英哥有甚麼壞習慣令阿姐如此苦惱?
阿姐話當年喺福祿壽重現「四朵金花」,一度感觸到眼濕濕亦「錄唔到落去」。
阿姐話當年喺福祿壽重現「四朵金花」,一度感觸到眼濕濕亦「錄唔到落去」。
阿姐仲會分享當年拍劇趣事。
梅小惠35年前台慶表演出土技驚四座
另外今集三位主持還會分享最難忘的台慶表演,觀眾更會有幸目睹小惠於1990及1991年在台慶夜的高難度精彩表演;另原來祥師兄之所以會提出如果小惠50歲前嫁唔出會娶她做妻子,起源亦是來自台慶表演,想知箇中因由,密切留意周日晚播出的第三集《友乜唔講得》。