失婚變小富婆？李彩華雪地騷身材賀年 靠買樓吸金 身家過億

保養得宜！

41歲李彩華（Rain）近年主力內地搵真銀，工作排到密麻麻，財源滾滾，盛傳身家已突破2億，晉升「圈中小富婆」行列！日前佢喺IG大派福利，晒出一輯雪地靚相，留言：「新嘅一年勝舊年，最緊要係身體健康，身邊圍住你嘅全部係愛你嘅人，真係諗起都開心 PS: 真係多謝呢位朋友幫我影到我身材咁玲瓏浮凸，所以話新嘅一年隨時咩都有機會發生 」。

今年大年初一又於內地出騷

相中見到，Rain身穿吊帶Bra Top，加上一件貴氣皮草，喺冰天雪地下大擺S形Pose，襯埋「高炒」角度，成功突顯好身段，完全唔似41歲！唔少網民睇到都大讚佢保養得宜。

好有睇頭

擺出多個甫士留倩影

而講到桃花運，Rain自爆離婚後唔乏追求者，最爆係追佢嘅竟然大多數係00後小鮮肉！她曾說有富二代以一億向她求婚，但都遭她拒絕。

41歲有呢個身材難怪多小鮮肉埋身

早年以玉女歌手形象入行嘅Rain，感情路一波三折，曾經同男星何遠恆拍拖3年，2019年閃嫁內地富商黃彥書，可惜婚姻只維持咗19個月就收場，恢復單身後佢全力拼事業，成為圈中低調收租婆！據悉，Rain多年嚟賺到嘅片酬同商演收入，大部分都投資落物業，現時名下擁有12個單位，遍佈香港、澳洲、英國、泰國等地，市值已過億！

李彩華（Rain）近年轉戰內地市場，工作檔期排得密密麻麻。近日她趁工作空檔飛往泰國旅遊叉電，到訪近年深受港人歡迎的北碧府野生動物園。Rain更在社交平台大方分享多張性感照片及短片，以一身野性裝扮與野生動物進行零距離接觸。

從Rain分享的照片中可見，她為配合動物園的主題，特別穿上虎紋Bra Top，露出白滑雙肩及豐滿身形。她頭戴牛仔帽、紮起活潑孖辮，下身則配搭軍綠色短褲及長靴，造型既有牛仔的率性又不失性感，完美融入野生環境。

特別穿上虎紋Bra Top配合動物園的主題

另一張照片，Rain毫不畏懼地與小獅子趴在地上互動。她雙手依偎在小獅子身上，臉上露出興奮驚喜的表情。

Rain毫不畏懼地與小獅子趴在地上互動

除了與「萬獸之王」互動，Rain亦乘坐動物園標誌性的斑馬紋吉普車。她在車頂大晒招牌長腿，身邊則圍繞著多隻長頸鹿和斑馬。面對長頸鹿爭相搶奪手中的飼料，Rain表現得從容不迫，更顯得玩得相當投入。

與長頸鹿超近距離接觸

玩得相當投入

對於今次的親親動物之旅，Rain顯然感到意猶未盡，並已定下未來的旅遊目標，於文中表示：「下個願望，去睇動物大遷徙。」預告未來去非洲玩。