黃智雯春晚表演跳踢躂舞 豐滿上圍「迫」到爆

畫面吸睛！

黃智雯（Mandy）一年前宣布約滿離開效力16年的TVB，嘗試發掘更多可能性，早前現身HOYTV的春晚，更表演跳踢躂舞，雖然她透露已經10多年沒跳踢躂舞，但依舊「有板有眼」。春晚播出她在社交平台貼出當日妝容，並留言：「新年限定妝」。

黃智雯跟TVB結束16年賓主關係

轉投新公司成為成為朱茵、蔡少芬同門師妹

狀態極佳

而黃智雯相片中身穿黑色透膚打底搭配紅色吊帶裙。豐滿的上圍都「迫」到爆，畫面吸睛。不少網民都讚不絕口：「真材實料」、「越老越正」、「好有女人味」、「禾稈冚珍珠」。之後黃智雯亦分享今次表演與綵排的花絮，留言送祝福：「大年初一 祝大家心轉運轉，好運轉到大家身邊。好榮幸可以參與今次融合中國鼓和踢踏舞的大型表演，排練的過程大多數時間都係狂記steps，數拍子，甩拍子 ，再mark steps，抽筋 再拉筋。繼續溫習steps到正式演出 就全力以赴吧！演出未必係最完美，但感恩仍可以為自己熱愛的事情而瘋狂！」

貼出當日妝容

身材超正

《今晚睇李思捷加黃智雯一個因慈善演唱會2025》日前在溫哥華列治文河石劇院隆重舉行，Mandy黃智雯相隔10年再度與李思捷合作，更難得是二人在音樂領域上首次同台演出，叫座力當然十足，吸引不少當地華僑到場支持，其中前輩級人馬黃淑儀亦驚喜成為座上客，令黃智雯受寵若驚，感動不已。

李思捷、黃智雯

為著舞衣 節食健身

演唱會上，黃智雯獻唱多首歌曲，又跳又唱，演繹《隆重登場》及《另眼相看》，黃智雯說：「為咗今次演出，事前都有練歌同排舞，呢兩個月都有健身做運動，保持最佳狀態，因為今次會有勁歌熱舞，件舞衣都有少少性感，為咗件舞衣，我都刻意節食，唔食最愛零食、雪糕，務求有好嘅體態。」

黃智雯

黃智雯

除了獨唱，黃智雯首度與李思捷合唱《來夜方長》與《陪著你走》，令觀眾大叫encore，黃智雯表示：「初出道就同思捷合作《老婆大人II》，飾演佢女朋友，當時我係一個新人，新到不得了，而佢又係一位前輩、又鍾意玩，當時同佢合作心情係戰戰兢兢，到第二次合作係《超能老豆》，思捷可以話睇住我成長，不過音樂舞台上我哋今次係第一次合作，佢好專業，好有台風，同思捷合唱好開心。」李思捷則表示同黃智雯合作感覺儼如兩兄妹：「咁多年來，都知Mandy跳舞叻，係個全能藝人，但估唔到我哋兩個把聲黐埋一齊都幾夾，聽落好舒服，好似兩兄妹咁，同聲同氣，幾有默契。」

黃智雯

黃智雯

演唱籌款 別具意義

此外，對於今次演唱會，黃智雯表示有很意義，除了可以為兒童醫院籌款，亦可以重臨舊地、與昔日的「戰友」、前輩見面，特別見到Gigi姐黃淑儀到場，更是受寵若驚，黃智雯謂：「對上一次嚟呢個舞台，係12年前嘅事，重臨呢個地方，亦見番之前合作過嘅工作人員，佢哋見證住我演藝路成長，所以內心有啲激動同感動，特別見到前輩Gigi姐，我同佢合作過好幾次，佢仲飾演過我媽咪，見證不同階段嘅我，所以見到佢，我忍唔住第一時間要同佢擁抱。」

黃淑儀、黃智雯

李思捷、黃淑儀、黃智雯