今晚乜都拗｜吳若希自封義氣仔女堅決舉報出軌男 李旻芳自揭曾遇出軌渣男靠好友一個舉動重拾幸福

吳若希話所以撞到好友另一半出軌一定會講番出嚟。

無綫推出全新辯論形式綜藝節目《今晚乜都拗》，由出名轉數快的森美擔任主持，並邀請一眾牙尖嘴利兼富有邏輯思維的藝人組成「包拗團」，就每集的貼地「拗題」進行正反討論，之後再由40位來自不同界別的觀眾／專業人士組成「包拗谷友」，選出最終支持正反哪一方。《今晚乜都拗》第三至第四集題目先後為「發現好朋友嘅另一半出軌，應唔應該同好朋友講」及「第一次約會，應該由男仔畀錢嗎？」，參與藝人則有吳若希、戴祖儀、丁子朗、李旻芳、梁競徽、安德尊、周吉佩、鄧智堅、陳曉華、及陳懿德。

陳曉華嬌俏送飛吻。

齋睇相，都感受到德德同吉吉唇槍舌劍氣氛幾咁激烈。

最後因為德德條短打，搞到個緊張氣氛散晒，大家瘋狂爆笑，德德仲好慘豬咁問大家係咪嬲咗佢。

戴祖儀為好友設想反被絕交留陰影
昨晚（12日）播出一集，正方藝人為吳若希、李旻芳、安德尊，反方藝人則為戴祖儀、丁子朗、梁競徽。出名烈女的吳若希，斬釘截鐵表示若發現好友另一半出軌，必定第一時間告訴好友：「我係義氣仔女，我對朋友忠誠，都希望朋友對番我忠誠，朋友之間唔應該有嘢隱瞞。」並謂不怕揭穿殘酷真相後會惹來禍端：「我覺得我話畀佢知係啱嘅，佢有咩反應，係佢自己個人嘅選擇同權利。」「東張女神」李旻芳則自揭曾遇出軌男，當時全靠好朋友通風報訊才果斷分手，並輾轉遇到現在的老公兼找到真愛，獲得全場如雷掌聲。不過性格同樣剛烈的戴祖儀，則同樣因為親身經歷，覺得「唔講好過講」，以免兩面不是人：「我曾經係道德人，我講咗，但最後佢兩個嗌咗一陣交就好番，但我就成為咗二五仔，大家都同我絕交。」

陳曉華係咁呵番德德。

仲想幫口解圍，點知講多錯多。

最後佢哋兩個爆笑到一發不可收拾，係咪見圖都好似聽到有笑聲咁？

丁子朗爆森美「性無能」？
值得留意的是，由第三集開始，《今晚乜都拗》的爭拗激烈度突然三級跳，不但嘉賓拗到企晒起身兼拍晒枱，就連主持森美也連環加入戰團，笑料不斷。以昨晚為例，當安德尊滔滔不絕發表偉論時，突然發揮「嗌交王」本色，連環向疑似偏幫另一方的森美發爛：「你唔好咁鄙視我喎！」、「你作為企喺中間嘅（主持Suppose主持公道），你企晒佢立場嘅？！」森美聞言即反擊：「你冇point咋嘛！」頓時引發高潮。之後丁丁發言時，又拉森美落水謂：「即係我同森美咁friend，但佢性無能唔會同我講架嘛！」森美即醒目自兜：「我有性無能我會講，所以我係冇性無能嘅。」

到底森美會點樣主持呢個亂局呢？

吳若希話佢係義氣仔女，所以撞到好友另一半出軌一定會講番出嚟。

李旻芳曾遇出軌渣男。

德德被質到唔識反應
今晚播出的第四集，口水戰情況更加激烈，而焦點人物則落在支持第一次約會男仔埋單的周吉佩，以及反方的陳曉華和陳懿德。事緣由於陳曉華提出若首次約會不是AA制，自己會就住就住唔敢嗌嘢食不夠暢快，德德對此亦予以和應，相關論點惹來吉吉強烈反對，並強勢質問德德如果男方因為她吃多了一件豬扒，而問她收回HK$5.5她感覺如何；問題一出，正方三名隊員同一時間一輪嘴質問德德「感覺」，被質到無空間發言的德德，除了一味係咁笑，只能像跳線般反覆大叫：「你冷靜啲先」、「你冷靜啲先」、「你冷靜啲先」！不過吉吉未有因而罷休，反而愈講愈激動兼企埋起身指住德德繼續予以質疑，德德無計可施下只能鬥激動鬥站起身兼爆出一句：「你係咪嬲我呀？」全程食足花生的森美，則反高潮將矛頭指向德德的短打裝束：「你條褲咁短嘅？你唔企起身都唔覺！」令德德陷於極度尷尬困局，並無力地傻笑發問：「（到底）依家問題係咩呀？」場面極度爆笑。

混亂期間，陳曉華與鄧智堅一度企圖出手為德德打圓場，豈料竟遭森美訓斥謂：「你兩個唔好劖亂歌柄！」並乘勢指出陳懿德辯論時犯下三大問題！曉華見狀決定出口幫忙，但反而越幫越忙，連她自己也不知道自己想表達甚麼，最終這場口水戰變成兩位港姐的「失控爆笑現場」，身為港姐冠軍的陳曉華更笑到冇晒儀態，相比起出場時可愛派飛吻的狀態有極大反差，氣氛熱鬧。

安德尊係咁投訴森美唔公平，點知畀森美一句KO。

戴祖儀曾經因為講事實搞到兩面不是人。

丁子朗無啦啦用「森美性無能」做例子，嚇到森美腳仔軟兼要急急解話。

由無綫與優酷聯合出品，鍾澍佳總監製，關文深監製，郭健樂編審的台慶劇《康業信貸快遞呈獻：新聞女王²》，逢周一至周五晚八點半翡翠台播映。領銜主演：佘詩曼、黃宗澤、李施嬅、高海寧、王敏奕；特別主演：馬國明、夏文汐；主演：譚俊彥、陳曉華、鄧智堅、龔慈恩、蔣祖曼、何廣沛、吳業坤。

齋睇相都感受到李施嬅／張家妍嘅心痛。

齋睇相都感受到李施嬅／張家妍嘅心痛。

齋睇相都感受到李施嬅／張家妍嘅心痛。

齋睇相都感受到李施嬅／張家妍嘅心痛。

昨晚（12月3日）播出的《新聞女王²》絕對可以高潮迭起形容，除了夏文汐的出場帶來非一般張力，張家妍（李施嬅飾）離開SNK、及Man姐（佘詩曼飾）與唐芷瑤（陳曉華飾）的當面對質，亦在網絡引發極大迴響。

在Man姐長達五分鐘的「橫掃」唐芷瑤場口，不但佘詩曼（阿佘）精彩的一人Carry全場演技令人讚嘆，編劇針對時下自媒體質素參差、為追流量不求Fact Check、錯誤地以「標題字眼」及「揭人瘡疤」等作招徠的社會亂象，一針見血指出問題、利弊及如何扶正歪風，亦突顯了場口的張力及意義。以緊貼社會議題為宗旨的《新聞女王²》劇組，意旨透過「唐芷瑤惡意消費Man姐」事件，來帶出自媒體日趨失控及道德淪陷的社會亂象；並希望透過Man姐這位專業媒體人、向各界指出不負責任自媒體以「流量為王」的操守問題。

Man姐一嚟就先禮後兵。

唐芷瑤相對小家好多。

Man姐真係好有霸氣。

阿佘一秒即由嘲笑去到怒火mode，勁。

翻查資料，近年網絡盛行名為「Rage Bait」的詞彙，被牛津字典選為「2025年度詞彙」的「Rage Bait」」，意指「故意設計」的線上內容，透過挑釁或冒犯的方式，引發觀看者的憤慨；「Rage Bait」與標題黨不同的地方，是除了透過誇張標題吸引讀者點擊，還會煽動受眾情緒、絕對有欠道德，是相當具探討價值的現象。

說回劇情，保健品個案水落石出，世雄（嘉駿飾）之死亦證實與Man姐無關；沉冤得雪的Man姐決定踩唐芷瑤場討回公道兼順便以正「食花生網民」視聽。阿佘一出場傲氣十足的「掃射全場」眼神加自信笑容已相當吸睛；之後再以霸氣招牌手指指「Madam甫」、開宗明義搵唐芷瑤算帳更是精彩，Man姐：「錯嘅係你，我嚟係接受你下跪道歉！」面對唐芷瑤一再狡辯，Man姐同樣簡潔KO對方：「我唔係同你玩捉字蝨」、「唔好再為自己搵藉口喇」，並以唐芷瑤以可貴的「公信力」換取流量，及依靠誣蔑別人或挑釁方式引發事端追流量」，完全違反新聞從業員應有專業，每句話都擲地有聲諷刺時弊，網民看畢亦大讚Man姐教訓唐芷瑤句句到肉：「現在大家看速食化新聞，故事剛發生就想看總結…熱度過了沒人關心」、「每句對白互相針對都很精彩」。

Man呢吓嘲諷芷瑤之餘，亦突顯了自己的俯視感。

聽到唐芷瑤一再狡辯，Man姐呢吓表情絕。

陳曉華自然反應到位前途無限
阿佘這一場雖然要應付大量對白，但她仍花足心思根據對白走向設計微表情。當說到唐芷瑤的不足時，Man姐除了霸氣手指指、還會不時露出皺眉藐嘴樣，爽感十足；而當說到唐芷瑤是新聞系出身時，Man姐的嚴厲突顯了對行業壞份子的痛痕；到了最後，Man姐全ACE擊敗唐芷瑤後，大力放下直播咪兼帶笑離場一幕，亦符合Man姐高人一等的身價。至於陳曉華，在場口中的演出同樣稱職，無論是強辭奪理或是驚惶失措，她都演出了自然的真實感，直到最後被阿佘說中痛處後，陳曉華還落下了一滴不甘心又慚愧的眼淚，亦大大增加了網民的投入感：「最鍾意睇佢哋互battle」、「芷瑤根本說不過Man姐」、「唐芷瑤說到後面底氣越來越不足」。

有種叫唐芷瑤好自為知嘅感覺。

陳曉華呢場都演得好唔錯。

至於李施嬅的獨腳戲，劇情講述張家妍以晶耀學院個案資料換取Kingston（黃宗澤飾）批准其即時離開SNK；當家妍故作瀟灑地離開SNK新聞部時，同事們只是竊竊私語卻未有送別，全公司唯一為家妍抱不平的只有Ivan（何廣沛飾）：「最黯然嘅落幕，係喺度走嘅時候，一個送你嘅人都冇」，短短一句，道盡了家妍在SNK的痛與唏噓。性格硬淨的家妍縱然被觸動仍選擇堅強，直到走到SNK大門外，累積的不甘委屈、再加上回憶蜂擁而來的不捨，令家妍終忍不住崩潰大叫！

這場兩分鐘告別「成長地」的戲碼，李施嬅極富層次的遞進式哀痛感，配以片尾曲《Crystal Clear》及劇組一直以來用心鋪排的劇情，令不少網民看畢直呼心痛：「最賣力付出換來其他人的冷淡無情」、「李施嬅這裏的表情演的真好，有委屈有不甘有不捨」、「心痛家妍，一次過將累積的怨氣發洩了」、「到底誰人明白張家妍的感受呢」。更有眼利網民發現直到昨晚，李施嬅整套劇「笑了不足三次」，更忍不住「責問」劇組：「為甚麼今季要把家妍弄得這樣慘。」