演唱會加開4月24日一場 謝霆鋒：感謝大家嘅支持

兩場變三場

《宏利呈獻Evolution Nic Live謝霆鋒進化演唱會》 將於2月19日公開發售，自公布2025年再次舉行個人演唱會後，霆鋒即引發全城搶飛效應，優先訂購即時秒殺，正當歌迷擔心不知是否可以搶到票之際，主辦單位英皇娛樂昨日公布好消息，霆鋒為大家加開4月24日一場，兩場變三場，希望大家可以搶到票。

謝霆鋒終於開騷！

謝霆鋒推出全新廣東作品《逆行》。

謝霆鋒

這次霆鋒演唱會，票價分為HK$1380 / 1180 / 980 / 680 ，每人限買4張。購票攻略，坐位同時亦有企位，據知這次舞台除了本地所有精英一齊合力，大會還邀請到國際級的舞台制作公司Stufish為舞台做設計，Stufish曾經為Adele、Beyonce、Blackpink、Lady Gaga、U2等等設計舞台，創意無限。啟德體育園的啟德主場館場地比較大，舞台設計上，如何令入場觀眾於聽覺、視覺上有不同感受，也是目前團隊正努力共同籌劃的目標，希望第一次香港的超級大型演唱會，能帶給觀眾聽覺視覺感受上不同體驗。所以因應舞台設計及製作上的特別元素，企位與坐位都將有不同體驗或近距離觀賞到表演的機會，觀眾最好視乎個人喜好自行選擇。

這次霆鋒演唱會，票價分為HK$1380 / 1180 / 980 / 680 ，每人限買4張。

是次霆鋒演唱會，製作上所有配套均為啟德主場館而設，由於是一個全新場地，團隊都面對很多不同的新挑戰，可以形容為香港演唱會制作史上，一個全新的突破，所有基建及舞台，期望可以為香港演出業寫下歷史一刻。由於舞台配套專為香港啟德主場館而設，這也將會是一個香港特定版的制作，其他地方是沒有可能重現同樣效果，意味著霆鋒暫不會開啟巡唱，世界各地歌迷務必要飛來香港參與。

謝霆鋒昨日亦出 post 表示，「真係好感謝大家嘅支持！雖然隔了20多年再開演唱會，但大家都係咁熱烈，真係好感動。可能大家都會諗點解隔了咁多年先再開演唱會，當然有好多考慮因素，合適嘅場地、合適嘅時間先可以呈現我心目中嘅音樂旅程俾歌迷。對我嚟講，今次唔只係一個演唱會，而係我同大家一齊見證香港啟德場館啟動呢個歷史性時刻，亦係香港演唱會文化嘅另一次「進化」。有好多歌迷都擔心搶唔到飛會好失望，我真係有聽到㗎！所以我哋盡力爭取加場！現爭取到4月24號多加一場，往後我會繼續爭取，雖然檔期唔一定能連續加，但我一定會喺將來安排更多場次，盡量滿足大家，希望大家唔洗花嗰啲唔合理嘅價格去買飛。

四月見！??」

謝霆鋒昨日亦出 post

《宏利呈獻Evolution Nic Live謝霆鋒進化演唱會》

日期：24-26 / 4 / 2025

時間：7:30PM

地點：啟德主場館

票價：HK$1380 / 1180 / 980 / 680

門票由2025年2月19日起於Cityline公開發售

電話購票︰2111 5333（星期一至五上午10時至晚上7時，公眾假期休息）

網上購票︰www.cityline.com

節目查詢：2835 6688

查詢網址：www.eeg.zone

主辦：             英皇娛樂

冠名贊助：      Manulife 宏利
指定信用卡：  滙豐銀行

旅行夥伴：      Trip.com Group

贊助：             英皇鐘錶珠寶

英皇金融集團
英皇酒店集團

逐電追鋒：      商業電台

票務：             Cityline

場地：             啟德體育園

曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」

伍樂城

於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」

謝霆鋒唱《無聲彷有聲》表達對愛不後悔。

伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」

見證Twins痴線時間表。

伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」

今日(12月6日)，下午二時至三時於雷霆881商業一台播放的《星光背後》，主持人梁泰來邀得伍樂城任嘉賓。