一線搜查｜旺角私家車長霸錶位 車頭放紙「24小時離開過」避抄牌？屯門錶位被霸足十年 回收公司咁回應

本港泊車車位供不應求，《一線搜查》接獲多名觀眾報料，指多區有車長期霸佔咪錶事件發生，除了有寶馬私家車長期霸佔公共咪錶位，更有本地網購平台長期用作上落貨、回收公司「咪錶位當舖位」。

影片截圖

影片截圖

影片截圖

寶馬被指長霸旺角咪錶位　投訴人：佢好識走法律罅

其中在旺角，有寶馬私家車長霸佔碧街的咪錶位。投訴人陳先生表示，該車長自從收到匿名投訴後，每隔兩天便會前來倒一倒車，換不同車位繼續停泊，「佢好識走法律罅，佢會前後郁，或者出咗個框再褪返入嚟」。

影片截圖

影片截圖

影片截圖

有街坊報料指，該寶馬的車主動用全家輪流協助入錶，過往曾在同一車位連續停泊三日後企圖移位，並要求其他車主讓出泊車位。「佢叫人哋俾個車位佢，嗰個人話唔俾。第二日佢返嚟就頂住人哋，唔俾人哋走，佢點要攞呢個車位，啲人就覺得佢好過份。」

影片截圖

影片截圖

翻查網上地圖，由2020年12月起，經常看到該寶馬私家車停泊在附近位置。而《一線搜查》攝製隊在上月農曆新年前到現場觀察，亦發現該車連續兩日停泊同一位置，並在車頭放置紙條，聲稱「已在24小時內離開過此車位並再次泊車。如有任何查詢，請聯絡車主。」

影片截圖

街坊：相差幾百元唔泊停車場、好低能

陳先生直言，附近有不少食肆，然而泊車位僅得5個，很多人想泊車也泊不到。「佢哋冇車位泊，而呢個人可以霸住個車位。其實香港咁多停車場，既然你都唔揸走架車，點解你唔泊停車場？唔係但求自己一時方便而去影響其他人㗎嘛，呢啲就係自私行為！」

影片截圖

另一街坊黃先生就說：「點解唔泊停車場呢？一定要泊死呢個位？我知道係話（因此）相差幾百元，所以唔泊停車場，好低能。呢度已經少車位，佢又泊死係到唔郁，好影響！」

影片截圖

公眾咪錶位變公司私家位　屯門回收店長霸四車位做生意

除了旺角外，《一線搜查》亦接獲不少觀眾報料，指屯門建豐街有約12個貨車咪錶位，但有4個車位長期被一間回收店霸佔。雖然員工有定時入錶，然而他們不但將公眾咪錶位變公司私家位，甚至「錶位當舖位」，長霸錶位做生意。

影片截圖

影片截圖

影片截圖

「佢搭把遮又坐咗係到，啲呀婆就推住啲紙皮、爛鐵過嚟，佢就係到收。」投訴人張先生（化名）透露，該回收店有約6至8輛貨車，長期霸佔4個車位，貨車一裝滿便會開另一輛空車頂替車位。「基本上嚟一部（自己公司貨車），佢就褪一部，你行去排咩隊？冇排隊㗎喎呢啲。總之佢一部換一部，睇落去係合法嘅。冇得投訴，用咩方法投訴？」

影片截圖

負責人反駁：錢夠比較少啦！李嘉誠拎出嚟分啦好冇！

涉事的回收店位置與停車位有約9分鐘的路程，翻查網上地圖可見，該回收店原來長霸車位已經長達十多年。

影片截圖

對此，負責人振振有詞，稱並非為了個人利益，而是為了遷就附近長者進行回收，「係啲婆婆話嗰度（車位）近啲佢哋咋嘛，方便啲人咋嘛，我哋自己都有舖頭，就返啲婆婆去嗰度咋嘛。如果係政府話唔得，我哋都可以嚟返呢度收，冇所謂。等啲呀婆走遠啲咋嘛，我哋冇所謂㗎，由得啲呀婆行遠啲、行九里遠，由得佢行囉，有乜所謂。」

影片截圖

影片截圖

被問到香港車位較少，長霸車位行為是否有不妥時，負責人更激動稱：「錢啊夠比較少啦！李嘉誠拎出嚟分啦好冇？香港錢都比較少，叫啲有錢佬拎出嚟，大家分咗佢！」、「佢可以早過我哋去泊咪得囉，我架架車都係咁郁㗎，大家都可以泊㗎，係咪先？你都想人哋唔要咁多錢，畀咗你㗎，你唔去叫李嘉誠畀啲錢你？」

被指長霸5車位上落貨　網購平台：已要求部門跟進改善

除了該回收店外，12個車位中有5個車位亦被一間本地網購平台長期用作上貨落貨，而其貨倉正正在車位對面。而他們不但長霸車位，甚至沒有入咪錶。

影片截圖

翻查地圖，該網購平台則在4、5年前開始長期霸位，即意味著建豐街約12個貨車咪錶位中，有多達9個遭人長期霸佔。而多年來，街坊亦只能啞忍。張先生：「見到有時滾滾地（憤怒），一行過嚟見到又係你哋、又係呢4個位、6個位被你哋霸咗。希望佢哋自律啲，搞返好，唔好成日都係佢哋擺晒。」

影片截圖

影片截圖

警方回覆《一線搜查》查詢時指，去年首11個月，共接獲109宗涉及旺角碧街違泊及霸佔咪錶位的投訴、發出3,043張告票；而屯門建豐街就有149宗投訴、發出2,727宗告票。食環署亦指，接獲5宗涉及屯門建豐街一帶的投訴、發出14張移走障礙物通知書、8張告票。

影片截圖

影片截圖

影片截圖

至於被指霸佔車位的網購平台就指，今年初接獲一宗相關投訴，公司在得知情況後，已要求物流及倉務部立即跟進及改善，包括嚴正訓示相關員工、避免於咪錶位泊車時間過長，以及停泊期間必須按錶付費。

更多詳情請到網站收看：HOY TV《一線搜查》

深水埗主教山僭建問題三年來不僅未獲解決，反而規模日益擴大，原本旨在為街坊提供運動和休憩空間的健身設施，如今已演變成擁有神壇、麻雀室和非官方行山徑的龐大僭建群。地政總署近日張貼告示，要求在12月21日前移除新增的構築物，否則考慮作出檢控。然而，涉事街坊堅稱一切為街坊謀取福利、為街坊服務，甚至質疑政府如何才能合法提供類似設施。

影片截圖

山頭變「露天會所」　健身、神壇、麻雀室一應俱全

《一線搜查》三年前曾報道過深水埗主教山非法僭建問題，當時山頭被加建不少健身設施，原意是讓居民運動，但因非法佔用官地，引發噪音、衛生和土地管理爭議。近日，一線搜查記者於早上10時許重訪現場，從石硤尾巴域街登山，已有不少健身裝備，近20位長者在山上做運動，沿途到山頂更設有乒乓球桌、大大小小的神像，甚至有搭建帳篷的「麻雀室」。更引人注目的是，一條由僭建者自行開闢並命名為「同心徑」的非官方行山徑。

影片截圖

下山至棠蔭街山腳，一排儲物櫃和太陽能燈映入眼簾，對面擺放大量神像，甚至有市民專程前來上香。神壇後方則有一座簡陋竹棚，內裡空無一物。而在標示「政府土地」的牌旁，地政總署於上月中張貼告示，要求在12月21日前停止非法佔用土地。

影片截圖

「我搞呢啲嘢絕對唔係為我自己，係為咗大家。點樣話我哋唔合法，咁點樣合法呢？點樣按規矩做？」人稱「芳姐」的街坊接受《一線搜查》訪問時，承認自己有份興建和打理設施。芳姐強調，一切出發點純粹是為了解決區內運動配套不足的問題，又指香港地方狹窄，居民情緒壓力大，今年家庭倫常慘劇頻發，這些設施能提供寄託，「今年嘅家庭倫常慘劇有幾多單？三年一單都（嫌）多呀！」

稱為街坊謀取福利　芳姐：我一心為人民服務都唔啱？

據芳姐憶述，十多年前已有街坊開始在主教山興建設施，多年來山頭已成為不少居民的晨運和消遣場所。她又指，本來計劃在山上興建文化館，但政府得悉後不僅拒絕，更派人員移除原本的乒乓球桌。芳姐：「我覺得呢個世界好奇怪，我一心為人民服務都唔啱？政府唔做，我哋做、自己做。而家令全部街坊好主動掃地、維護。」

影片截圖

芳姐表示，這些設施讓街坊視山頭如自家般愛護，「有啲老人家凌晨二、三點瞓唔著，大家覺得安安全全咪搞掂佢囉，係咪呀，就畀大家都有寄託，你問啲街坊，以前冇著落㗎，唔知去邊度好，好唔舒服。而家嗰座山好似自己屋企咁，發自內心愛呢個地方。」

強調非牟利　街坊合共捐款2萬助建設

一線搜查記者在現場發現兩把寫有「主教山體育會」的太陽傘。翻查警務處網頁，在已註冊或豁免註冊社團名單中，確有「主教山體育會」，登記地址位於旺角西洋菜街。芳姐承認自己便是該社團的主席，於2022年經區議員提議註冊，目的是方便申請政府轄下康樂設施。「大家一齊玩、開派對、唱歌，整啲嘢食。佢（區議員）話落雨時候無地方打波，我哋可以攞呢個牌申請政府體育設施，俾大家去預約，租地方俾大家活動。」她透露，社團還有兩位街坊擔任幹事，但坦言即使註冊成功，仍不知如何運用相關權利，亦沒有關設相關銀行戶口。

芳姐強調，自己在主教山的一切行為均無私心，設施完全非牟利。「我唔係喺呢度牟利，唔係收錢㗎嘛，仲感動所有市民、義工、所有人幫忙。我一對手做得幾多嘢呢？」她透露，有些街坊會捐錢支持建設，相關捐款有紀錄，山上亦張貼捐款名單，而捐款總額約兩萬元，全交由街坊負責管理。「佢哋睇到我成日用錢好心痛，佢話不如我哋大家捐錢，捐咗錢由我哋嘅群組掌握，邊個攞錢、邊個計數，做乜嘢大家都有商有量。嗰啲錢由佢哋管理，又唔係我揸住，但係我好感動佢哋有呢份心。」

區議會三年前曾討論　因居民反對擱置清拆

翻查深水埗區議會文件，早在2022年，區議會已討論主教山的非法僭建問題。當時，民政事務專員指出，山上有大量非法構築物，阻礙政府增建涼亭和鵝卵石路的計劃。深水埗地區管理委員會曾在相關地點張貼告示，呼籲清拆違法構築物。然而，三年過去，僭建物不但未減少，反而增多，佔地範圍更廣。地政總署回覆查詢時表示，多年前已計劃對非法佔用採取清理行動，但遭居民強烈反對，深水埗區地區管理委員會因此決定暫緩，並探討不同方案以妥善處理。

署方又指，於11月初視察現場時，發現山邊休憩處有新興建的竹棚。針對這新竹棚，署方已發出通告，要求在12月21日前移除，否則考慮檢控佔用人。

更多詳情請到網站收看：HOY TV《一線搜查》