本港網絡瘋傳1段影片，疑有1對中學生情侶在將軍澳海濱公園海邊亂石堆上就地親熱！兩人痴纏到難捨難離，其間仲要不時有人經過！
將軍澳海濱公園。資料圖片
中學情侶大膽親熱
有港女在threads發片，並指「中學生情侶海邊亂石親熱」，「乜日光日白搞啲咁嘅嘢阿」。片長約5秒，可以見到當時正值白天，一對身穿體育校服的中學生情侶，在海邊亂石上就地親熱！更大膽的是，女方不但趴在男方身上激吻，而男方的手亦放在女方下體位置，疑撫摸女方私處。
threads截圖
公眾場合且路人眾多
該情侶親熱間，周圍有不少人在跑步或遊玩。每當有人近距離經過，男方即警戒地張望，惟女方未有特別反應，安心靠在男生胸膛上。
網民搞笑補鍋：人地女仔低血糖暈低咋
網民紛紛震驚，但又搞笑地為小情侶找藉口補鍋「又可以證實到土地資源太短缺了」、「救緊命人工呼吸啫」、「成個過程係女仔行行下突然血糖暈低，喺面落地之際個男仔即刻攝係地下做人肉軟墊保護佢，唔係大家諗緊嗰啲嘢」、「我都可以做證，我係嗰日喺個低血糖女仔上面飛過嘅小鳥，個男仔反應真係好快！如果唔係個低血糖女仔一定會仆直」、「人哋都玩到落海邊，無諗過會有人落去跑步㗎嘛」、「真係慘，已經匿埋到喺呢啲位，畀啲空間年輕人啦！」。
threads截圖
網民批離譜
同時，有不少網民炮轟2人行為離譜，「世風日下」、「毀三觀」、「咁揚嘅咩，搵嗰隱蔽嘅嘅地方都唔肯咁扯火」、「咩學校㗎黐線」。
公眾地方猥褻可罰款及監禁 發布者或犯法
根據《刑事罪行條例》第148條「在公眾地方的猥褻行為」，任何人無合法權限或辯解，在公眾地方或公眾可見情況下，猥褻暴露其身體任何部份，即屬犯罪，一經定罪，可處第1級罰款（2,000元）及監禁6個月。
threads截圖
另外，根據《淫褻及不雅物品管制條例》（第390章）第21條，任何人如在香港發布淫褻物品，不論是否知道該物品是淫褻物品，均屬犯罪。一經定罪，最高可判處罰款100萬元及監禁3年。如相關社交媒體或即時通訊群組的伺服器設於香港，亦受規管。
