年初公開外籍男友合照 謝婷婷晒相賀囡囡6歲生日意外曝光真．生父國籍？

一家人過得開心就足夠啦～

42歲的謝婷婷（Jennifer）近年淡出幕前，並返回加拿大低調生活，但2019年突然宣布誕下囡囡Sara，但一直未有公開囡囡的生父身份。直到今年初，謝婷婷公開與外籍英俊男友的合照，可見男方與Sara相處融洽，但謝婷婷依然未有透露男友是否囡囡的生父。近日，謝婷婷一次過分享10幾張Sara的日常照為囡囡慶生，除了可見「一家三口」的溫馨合照，謝賢、狄波拉和謝霆鋒都有現身！

謝婷婷於2019年秘密誕女。

今年初公開與外籍男友的合照。

但一直未有透露男友是否囡囡的生父。

男友和囡囡相處融洽。

謝婷婷以英文祝囡囡6歲生日快樂，「生日快樂，寶貝女兒。你是現實生活中的天使，我確信這一點。謝謝你給予的每一瞬間，我愛你勝過天上所有的星星！」雖然謝婷婷一直用Emoji遮着囡囡的正面，但仍可見Sara遺傳了媽媽的窈窕身型，已長得好高大，而且甫士多多，與媽媽男友亦相處得非常好，還一齊整蛋糕，相當有愛！

囡囡已經6歲了！

遺傳了媽媽的窈窕身型。

長得好高大。

又甫士多多。

謝婷婷IG圖片

謝婷婷IG圖片

一家三口好溫馨。

「兩父女」齊齊整蛋糕。

值得注意的是，平日一向cool爆的舅父謝霆鋒見到Sara都化身慈父，不但親自餵食點心，又陪玩桌上遊戲，而且正所謂「外甥多似舅」，Sara亦和舅父一樣喜愛滑雪，小小年紀已滑得非常不錯！

謝賢、狄波拉和謝霆鋒都有為Sara慶祝生日。

謝霆鋒更化身慈父。

好錫Sara！

Sara亦似足舅父喜愛滑雪。

小小年紀已滑得非常不錯。

叻女！

此外，有眼利的網民從謝婷婷與男友及囡囡的合照中，見到Sara身上掛着的姓名牌寫着「Sara Dejaeghere」，並根據拼寫和結構推測，「Dejaeghere」很可能是比利時人的姓氏，所以估計Sara生父應該是比利時人，但從謝婷婷的帖文留言中可得知她男友名叫Mathew Milne，所以Sara生父身份只能等謝婷婷自己公布了。

有眼利的網民從謝婷婷與男友及囡囡的合照中見到Sara的全名。

Sara Dejaeghere，推測Sara生父應該是比利時人。

不過，謝婷婷男友應該是叫Mathew Milne。

曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」

伍樂城

於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」

謝霆鋒唱《無聲彷有聲》表達對愛不後悔。

伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」

見證Twins痴線時間表。

伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」

今日(12月6日)，下午二時至三時於雷霆881商業一台播放的《星光背後》，主持人梁泰來邀得伍樂城任嘉賓。