「TVB御用壞人」邵卓堯再婚相識逾40年好友歐瑞偉任證婚人

娛圈事

「TVB御用壞人」邵卓堯再婚相識逾40年好友歐瑞偉任證婚人

2025年02月27日 17:30 最後更新：02月28日 14:13

恭喜！恭喜！

60歲的TVB緣葉邵卓堯近日再婚，與圈外女友註在沙田婚姻登記處冊結婚，「綠葉王」湯俊明在社交平台分享當日盛況，人緣甚佳的邵卓堯獲大班圈中好友到場見證！

點擊看圖輯

邵卓堯（右）與郭政鴻（左）、歐瑞偉（右二）等為同期訓練班同學。

邵卓堯在沙士期間因被TVB減騷減人工，加上女兒剛出生，所以兼職揸夜更的士幫補生計。

更多相片

TVB緣葉邵卓堯近日再婚。

影片截圖

邵卓堯（右）與郭政鴻（左）、歐瑞偉（右二）等為同期訓練班同學。

21歲就當上電影《小毛孩奪寶奇緣》男主角。

後來轉投地產行業，但1989年地產市道不好而加入TVB。

至今參演了過百部劇集。

邵卓堯在沙士期間因被TVB減騷減人工，加上女兒剛出生，所以兼職揸夜更的士幫補生計。

影片中可見，當日出席觀禮的賓客清一色都是TVB綠葉，包括湯俊明、徐榮、鄭世豪、杜大偉、陳俊安（前名：陳志健）、曾慧雲、區靄玲、黃梓瑋、何偉業、張國洪，而相識逾40年的好友歐瑞偉更充當證婚人。新郎邵卓堯當日亦打扮得官仔骨骨，白色恤衫外搭西裝外套，而新娘雖然被「美人」標貼遮着樣子，但她一身白色露肩婚紗，看上去身形纖細，而且皮膚白滑，難怪抱得美人歸的邵卓堯全程笑容滿臉！

邵卓堯19歲時投考TVB第2期藝員進修班，同期有歐瑞偉、郭政鴻、陳小春等，初入行便擔任電影《小毛孩奪寶奇緣》男主角，但後來轉投地產行業，惟1989年地產市道不好而加入TVB，至今參演了過百部劇集，同時因所飾演的角色都是以奸角為主而被稱為「TVB御用壞人」。此外，在沙士期間，邵卓堯因被TVB減騷、減人工，加上女兒剛出生，所以兼職揸夜更的士幫補生計。

往下看更多文章

電視城內｜KC歐瑞偉首揭拍劇險死經歷親述武師專業精神坦言「搵命搏」

TVB網絡系列《電視城內》第二擊，請來歐瑞偉擔任嘉賓，為大家訴說他的電視故事。現年 64 歲、1985年加入無綫的歐瑞偉，近年憑《愛．回家之開心速遞》 KC一角深入民心。其實歐瑞偉當年是由體操代表隊走到龍虎武師，期間經伯樂唐佳介紹到無綫做替身武師，從而展開了長達40+年的無綫生涯。

與第一集「胡楓的電視故事」一樣，歐瑞偉分享了不少鮮為人知的經歷，雖然當中不少是辛酸史、甚至是險死經歷，但難得的是見慣風浪的KC仍能雲淡清風地說出來，盡顯人生歷練。

在十多分鐘的專訪片段中，KC罕談了其中一次拍劇時的險死經歷，相當震撼！當時KC拍攝的是一場由水爬上遊艇的戲份，由於他未有為意自己的腳意外被快艇的繩索纏住，故當船一啟動，他就在水中被拖行了接近1分鐘：「真係唔知道過咗幾耐，45秒？1分鐘？感覺好耐，我喺水底不停飲水，望住水上嘅陽光，我郁唔到，我冇力喇，想放棄」、「奇怪嘅係，當時畫面回到小時候，一幕一幕咁，見到爸爸媽媽、所有家人，每一件自己認為重要嘅事都喺畫面中出現。」幸好最好有人將KC救起，而專業的KC稍作休息後，便已馬上回復拍攝。

「做武師，無事咪無事囉！有事嘅，唔識講…搵命搏架其實」、「武師好奇怪架，要你做，就一定要做到，當然喺合理情況下啦。做到之後你會覺得好開心，覺得自己係超人」。深明作為武師的難度及專業的KC，坦言轉型演員後仍會盡量親身上陣應付動作場面：「自己親身做動作真實感大好多，可以嘅話，我都會自己去做，因為自己本身都係武師，我亦都有咁嘅技巧，可以盡量令自己受傷（機會）減到最低。」談到當年由武師轉型演員，歐瑞偉坦言不容易，並親揭曾被叫「返去耕田」：「因為我係武師，我唔識做戲，我行位都唔識，我就畀攝影師鬧，『其實你點做演員㗎？你咁樣不如返去耕田啦！』」

有辛酸史、自然亦有開心事，自言「唔貪心，安穩已經夠」的KC，坦言在無綫多年感覺開心，加入《愛‧回家之開心速遞》後，更加是work life balance：「公司對我幾好，我都叫做咁多年嚟冇乜點樣停過。入咗《愛‧回家》大家庭更加係安穩啦，起碼有個好安穩嘅時間，由朝早去到（夜晚）七點收工，你返到屋企就可以陪屋企人」、「我哋呢班演員有晒默契，一埋位已經知道自己要做啲乜。」

觀看相關影片按連結：https://youtu.be/nP-F9bk80yU

難忘張國榮一暖心舉動

歐瑞偉又透露，自己第一次的替身工作，是為《武林世家》嘅張國榮擔任替身，歐瑞偉大爆哥哥除了十分關心他外，過了多年後還仍然記得他的名字，令他十分難忘又感恩：「張國榮真係好好人，因為嗰場要撻落嚟，佢一直問我墊好Pad未，我話墊好咗，後來佢仲係唔放心過嚟再摸一摸我，又吩咐我小心一啲」、「我記得好多年之後，佢見到我，都仲記得我個名」。

除了專訪，《電視城內》每集都會帶大家遊電視城，今集歐瑞偉就帶大家暢遊了電視城中的教堂景及民初街，歐瑞偉期間還走到當年《城寨英雄》的大對決場口懷緬一番，別具意義！除了帶大家遊電視城，歐瑞偉與修哥一樣回應了不少坊間傳聞，方式更是逐點擊破維基百科上的不準確資訊，十分有趣。今集，製作組更帶歐瑞偉衝出電視城、一圓他恨了多年的騎馬夢，想一睹歐瑞偉的馬上英姿，就要重溫《電視城內》喇。

你或有興趣的文章

「TVB御用壞人」邵卓堯再婚 相識逾40年好友歐瑞偉任證婚人