Aiden除了找來George擔任副導演，還請了George妺妹Venus任MV女主角。
洪助昇（Aiden）全新廣東作品《別想跟我再和好》今日（2月28日）上架。作為今年首支派台作品，Aiden嘗試挑戰自己，首次執導自己MV，收起平日的內斂，能力全展現。
點擊看圖輯
Aiden推出新歌《別想跟我再和好》。
今次是Aiden第一次自編自導自演MV。
Aiden還找來好友George@P1X3L任副導演。
George妹妹Venus任MV女主角。
Aiden讚Venus像韓國藝人韓素希，氣質特別。
Aiden自爆拍攝前已有蝦碌事出現。
Aiden推出新歌《別想跟我再和好》。
Aiden第一次自編自導自演MV，當中加入了很多自己的愛情觀，相信人與人之間的緣份是有時限，緣盡時就好似相隔兩個空間，今次正好讓Aiden盡情發揮，「一出道已經好想試吓拍自己歌嘅MV，好想喺畫面呈現自己嘅idea。」
今次是Aiden第一次自編自導自演MV。
這次Aiden找來好友George@P1X3L任副導演、George妺妹Venus任MV女主角，「搵George因為佢夠搞笑，現場可以舒緩一下緊張嘅氣氛，哈哈。其實佢一知道我要想試吓做導演時，就即刻舉手話要一齊玩。如果搵副導，我會想搵一個同自己審美比較相近嘅人，幫手睇住件事會比較安心，而且我哋識咗好耐，有一定嘅默契，唔使每一樣嘢都要解釋。」
Aiden還找來好友George@P1X3L任副導演。
雖然係好朋友，拍攝期間亦有鬧意見，更差點炒大鑊，Aiden表示：「喺拍攝前期，因原本嘅故事不斷修改下同之前嘅完全偏離，George心裡面有意見，但唔想令大家有壓力，所以冇提出，溝通咗幾次先至講真話，最終演變成激烈討論，都係好事嚟嘅，之後大家都直接表達自己嘅想法及運作，長經驗嘅。」
觀看相關影片按連結：https://youtu.be/LQzjWSUJg3M
至於找來George妹妹Venus任MV女主角，Aiden指覺得她像韓國藝人韓素希，氣質特別，很適合拍攝這個故事，不過原來一開始是拒絕，「多次誠意邀請，最後成功打動佢。我覺得佢都好叻，第一次就已經好專業！今次係佢第一次拍攝MV，之前有拍過廣告。」
George妹妹Venus任MV女主角。
Aiden讚Venus像韓國藝人韓素希，氣質特別。
問到拍攝趣事，Aiden指拍攝前已有蝦碌事出現，「拍攝前一日，因為拍攝嘅地方太偏僻，我喺附近租咗一間酒店方便休息，準備瞓覺前，發現唔記得帶hard disk，然後用咗八百蚊嘅的士來回 ，就係為咗攞番個hard disk，呢一程暫時係我人生坐過最貴嘅的士，哈哈。」
Aiden自爆拍攝前已有蝦碌事出現。
