巴士迷對巴士的熱愛程度一般人都較難理解，日前就有網友在一架雙巴士上影到有相信是巴士迷的朋友，竟然自備「軚盤」坐在巴士上層車頭的位置，一嘗「揸巴士」的樂趣！
FB截圖
自備「軚盤」戴上黑色手套「揸車」
網友日前在FB群組「屯門公路塞車關注組」以「呢個巴士司機好Pro（專業）」為題上載相片，相中一名疑似巴士迷的朋友竟然自備一個「軚盤」坐在巴士上層車頭的位置。他雙手戴上黑色手套，左手放在椅柄和軚盤上，正在全神貫注地「駕駛」中，而窗前有兩個疑似車門的開關掣，欄桿前更豎着一張「車長證」，非常專業！
FB截圖
網民：落足成本的上層車長
網民見帖即熱烈留下回應，「呢啲咪叫Pro（專業）囉」、「新軚環Wo（喎），邊到淘寶淘返嚟」、「咦，個軚盤係最新款」; 有網民更形容巴士迷為「特級車長」、「落足成本的上層車長」、「上層車長」、「副手？」，也有人笑稱「以前唔敢坐樓上因為樓上無司機，而家有就好，可以放心上樓上坐」。
FB截圖
網民發現欄桿上有「車長證」
更有不少人留言曾經遇過這位「車長」「我今日（8日）坐960（巴士線屯門建生邨往來灣仔會展站）都見到」、「969（線巴士）天水圍出銅鑼灣都見過佢，有埋手制」。有眼利網民見到更發現欄桿上的「車長證」，可想而知這位巴士迷對這程車有幾認真！
FB截圖
日前一名老翁疑因追不到巴士上不了車，竟用拐杖擊打車窗洩憤，導致車窗玻璃整塊破裂，車上乘客受驚尖叫。城巴證實事件並已報警處理，案件現正由警方調查。
threads 截圖
乘客驚魂：車窗突整塊破裂
有乘客在社交平台Threads發文，指日前乘搭一輛往杏花邨方向的城巴8號線巴士時，巴士下層後排左邊座位旁的玻璃窗突然整塊破裂「爛咗」，車上乘客嚇得尖叫。定神後發現，原來是一名老翁因追不到巴士，憤而以拐杖擊打車窗洩憤。從相片可見，該塊玻璃布滿裂痕，顯示撞擊力度相當大，幸未有乘客因此受傷。
示意圖。AI生成圖片
涉事老翁事後急步逃離
發文者補充，該名老翁在打爛車窗後便「急急腳走咗去」，目擊者感嘆「阿伯走得好快捉唔到」。事件在網上引起熱議，有網民戲稱「到底係塊玻璃太脆弱定係個阿伯太強」、「阿伯功力深厚」、「少林金鋼棍」、「阿伯走得快，今次有古怪」。
threads 圖片
然而，更多網民批評涉事老翁行為離譜，指其「損人不利己」、「如果有乘客坐喺個度，係咪可以民事索償定用咩條例告佢？追唔到巴士就敲玻璃，佢睇人唔順超會唔會一嘢用拐杖扑人哋個頭」、並認為「絕不可以姑息縱容」，應報警處理「截停咗部巴士但係唔搭，係咩玩法？」、「報警，最少都刑事毁壞破壞公物」
資料圖片
城巴證實報警最高可囚10年
城巴回覆傳媒查詢時證實，4月15日下午約2時30分，一輛8號線巴士於柴灣道懷疑被途人蓄意刑事破壞車窗，公司已就事件報警。根據香港法例，任何人損壞巴士，可被罰款5,000元及監禁6個月。若觸犯「刑事毀壞」罪行，一經定罪最高更可判監禁10年。
