近日，有市民在Threads上發帖，指位於旺角西洋菜南街與山東街交界的「旺津菓汁小食」已經結業，感嘆「呢個位間小食店終於執咗，算唔算一個時代嘅終結？」。
青春回憶已閉幕
從上傳相片可見，「旺津菓汁小食」的店位已經有大批木板圍封，門店亦已停止營業。翻查資料，「旺津菓汁小食」經營至少10多年，主打燒賣、魚蛋、格仔餅、煎釀三寶、蔗汁、果汁等港式街頭小食，曾是不少人的青春回憶。
Openrice圖片
網民力數黑歷史
然而，網民對這間店的印象似乎多為「暗黑往事」，紛紛留言回憶：「呢間嘢起碼廿年」、「賣到50蚊一兜魚蛋都要執」、「一份牛丸加魚蛋收我50」、「我要淨牛丸，剪到一半先同我講話要50」、「我要淨牛丸，剪到一半先同我講話要50蚊一碗」。
香港街頭小食示意圖。資料圖片
Openrice圖片
網惋惜：真係時代嘅眼淚
雖然黑歷史居多，但無可否認，店鋪仍是一代港人的回憶。有網民指，「印象中呢個位對上一次執都係7至8年前左右」、「當年會去飲崩大碗，佢執咗，無得飲了」、「我人生中第一次飲嘅珍珠奶茶就係呢間。當年附近無咁多專賣奶茶嘅鋪頭，呢間嘢開咗起碼廿年，啲奶茶舖都係呢10年先開得多」，感慨「真係時代嘅眼淚」。
Threads圖片
銅鑼灣時代廣場香港曾經的潮流地標，如今在周末晚飯黃金時段，竟被網民形容為「靜過圖書館」。近日有網民在社交平台發文，貼出商場中庭人流稀少的照片與影片，感嘆昔日車水馬龍的盛況不再，引發一輪集體回憶與「死因」分析。
資料圖片
有網民早前在Threads發文，指周末放工後途經銅鑼灣，因離食晚飯尚有一段時間，所以順道到時代廣場閒逛。但他卻發現商場頗為冷清，據其拍攝照片及影片所見見，商場中庭及部分樓層人流稀少，形容「成個商場竟然靜過圖書館，人影都冇乜，真係有啲心酸。」
網嘆：靜了好幾年了
帖文引來不少共鳴，網民紛紛留言：「依家去親都係借廁所」、「千禧年嗰陣時好旺，現在世事只能回味了！」。有人直言這種冷清已非一日之寒，「靜了好幾年了」，並回憶當年商場幾部玻璃升降機「車車爆站站停」的熱鬧，對比如今「一人包lift直上直落」的落差。
資料圖片
分析人流下滑三大主因
過於側重奢侈名牌店
網民將人流下滑歸咎於三大主因。首先是商場定位過於側重奢侈名牌店，缺乏能吸引大眾消費的民生或人氣店舖。有留言直指：「啲商場係咁塞啲名店入去，名店不嬲少人行。去親都買唔到嘢，咪唔再去囉」、「踢走曬啲人氣舖頭」。這種「離地」的商戶組合，加上食肆集中於高層的「食通天」，被認為難以吸引普通市民專程到訪。
位置不便利滿佈競爭對手
其次是地理位置與競爭對手的夾擊。不少網民認為，從港鐵站A出口前往時代廣場的通道「太辛苦又遠又暗斜」，相比之下，更多人會選擇從F出口直接前往街口的希慎廣場。有分析指：「比希慎係街口食晒啲人流，再高級嘅客又冇必要出銅鑼灣。」加上SOGO、利舞台等鄰近商場分薄客源，時代廣場在便利性與吸引力上似乎兩頭不到岸。
相比之下，更多人會選擇從F出口直接前往街口的希慎廣場。網上圖片
設計老化與缺乏革新
最後是商場本身設計老化與缺乏革新。有網民批評其設計「完全過晒時，返咗去90年代」，直言需要一次大裝修來革新形象。亦有人從更宏觀角度分析，指香港商場過剩，而時代廣場的店舖組合在其他地區商場也能找到，加上網購與北上消費等大趨勢衝擊，令市民不再需要「特登過海」去銅鑼灣消費。
網友分析加上SOGO、利舞台等鄰近商場分薄客源，時代廣場在便利性與吸引力上似乎兩頭不到岸。資料圖片
人流並非全場皆淡
不過，亦有網民為時代廣場「平反」，指出人流並非全場皆淡。有人表示：「上高層數，好多大眾店，好多人，你唔好去樓下名店就ok」、「最多人行是頂樓的電器店及Lego」。「唔係不嬲只係最頂嗰3-4層先多人流咩？2層賣電器，2層賣運動服飾。最低嗰3-4層名店一向都冇人流㗎啦」。
