情侶在公眾有親密行為可以理解，但似乎都應有底線！有網民目擊到一對情侶在麥當勞公然做出「呢個舉動」，嚇到影低在Threads上大呷。
情侶親密行為大膽到令人側目
該名目擊者在社交平台Threads上傳照片，指自己在麥當勞吃東西的時候，突然看見一位女子把手塞進入男方褲裏「係咁整嚟整去」，事後更「(女方)將隻手拎返出嚟之後，揩咗落個男仔個嘴度。」由於女方行為太過大膽，嚇到樓主不禁吐槽「 大佬呢度係麥當勞啊，想食雞去kfc啦」。
Threads截圖
網民嘩然大批「不雅」
網友看後紛紛嘩然，表示情侶間情到濃時難免親密，但在公眾場合且旁人正在用餐的情況下，如此行為實在不妥：「其實喺大庭廣眾人哋食緊嘢嘅情況下做埋啲咁嘅嘢，其實自己唔覺得尷尷尬嘅咩？」、「你們可能覺得是情趣，但其他人看到只會覺得反胃。」、「諗起佢哋之後仲要拎住隻手食薯條，真係反胃到極！」有網民更諷刺道：「咁心急建議返屋企先做。」
Threads圖片
薯條。示意圖片
網民戲謔：隔住mon都有味
不少網友批評該對情侶行為不雅，更指「其實幾不雅，仲要係女仔之家，有番小小矜持」、「男就話背後伸手入女就摸到，但女背後伸手入男摸到咩呀，有味」、「喺隔離望住都覺得有味 」。
示意圖。資料圖片
網上不時流傳外賣食物藏有異物的事件，蟲屍、毛髮屢見不鮮，但日前有女食客在社交平台分享的經歷可謂離奇到極點。事緣她點了一份海南雞飯外賣，吃到尾聲之際，竟發現外賣盒底部凸起，隨後更傳出電話鈴聲，揭發飯盒內竟藏有一部手機，螢幕上顯示的聯絡人姓名更是泰文，接聽後一度被人懷疑偷手機，令她無奈大嘆「廚師呀廚師，點解你會將個電話擺咗落個飯盒到？」
threads截圖
該名女食客在threads發帖，憶述當日點了一份海南雞飯外賣，形容即將吃完之際「我見到個（外賣）盒（底）凸起咗，有嚿好硬嘅嘢」。樓主當時已覺奇怪，未幾突然聽到盒內傳出電話來電鈴聲，才赫然發現飯盒底部竟藏有一部手機，她直言「我本身覺得個飯好好食，但我宜家真係有少少反胃」。
手機未響時，樓主完全察覺唔到飯底有部手機。threads圖片
threads圖片
從樓主上傳的影片和照片所見，黑色外賣膠盒底部平放一部智能電話，電話表面沾滿黃色飯粒，由於螢幕當時是黑屏，不仔細看的確難以發現電話。而樓主幾乎吃完整個飯盒，電話鈴聲才響起，手機螢幕亦隨之亮起，可見來電的聯絡人姓名顯示為泰文，估計機主並非港人，只能無奈表示「廚師呀廚師，點解你會將個電話擺咗落個飯盒到？」
threads圖片
樓主續稱，接聽電話後對面傳來女聲，猜測是機主的同事，不過對方第一句竟然是「點解我朋友電話喺你度？你係邊個？做咩偷咗我朋友電話？」經過一輪了解後，有兩人上門欲取回電話，樓主指他們「好緊張咁企喺門口唔敢拍門」，她之後將外賣盒連電話歸還對方，獲給予100元以作補償，並稱「佢又真係咁啱得咁蹺，喺我啱啱食完嘅時候打嚟，遲多1分鐘我都當垃圾掉咗」。
threads圖片
帖文曝光後隨即引來大批網民熱議，不少人驚呼嘔心，並指出手機含菌量極高，「第一張圖係完全保護色咁隱藏咗」、「據講手機表面比廁板含菌量更勁喎」、「好恐怖，成個電話都可以擺得入去個飯到」、「所以你係食緊佢啲面油」、「同奶佢個mon冇分別」、「我睇緊啲咩，AI都作唔到」、「好彩你趁熱食，如果你成盒拎去叮就大鑊」、「我估阿廚師應該係平時貪方便玩手機，將個手機放喺啲外賣兜到，咁啱忙起嚟又唔記得咗電話放咗喺入面，就直接𢳂咗啲飯落去」，並建議「報食環啦」。
threads圖片
有人則調侃樓主，「咁開心，食海南雞飯送電話」、「你就好，平時通常係生菜墊底，你係電話好高級」、「宜家啲商家為咗俾少啲飯真係無所不用其極」、「成餐飯最值得開心就係真係泰國人整」、「唔知以為執行緊臥底任務」，又玩諧音留下爆笑留言，「海南機飯」、「泰識phone味」。
