周家怡與黎峻（Kenneth）日前出席瑞士護膚品牌Cellcosmet活動，二人於活動上除了分享護膚秘技，家怡自揭拍攝劇集《導火新聞線》時爆發「暗瘡災難」，Kenneth則趁機向家怡自薦做男友。
周家怡
黎峻
家怡跟Kenneth都是愛美之人，Kenneth入行前更於國際知名化妝品牌任職化妝師，對化妝護膚甚有研究。問到二人護膚最注重哪一部份？家怡直言，「我成塊面都注重㗎！我唔可以揀一樣最注重喎，我注重我全個人。」Kenneth指住眼圈，「因為熊貓眼咁出嚟就會唔精神。」
點擊看圖輯
家怡表示下月出席香港電影金像獎頒獎禮的「戰衣」只求行動方便，但如果靚，性感都可以。
二人出席瑞士護膚品牌活動，並分享護膚秘技。
雖然二人皮膚白滑，但原來家怡早前拍攝劇集《導火新聞線》時曾試過暗瘡大爆發，「我諗真係由讀書到做嘢，未試過咁爆瘡法。嗰陣時可能因為好大壓力，跟住就生咗好多暗瘡，主力係面嘅下半部。」她指爆瘡的嚴重程度，是就算打燈都無法掩蓋，最後想到奇招遮醜，「拍親開會嘅場口，我成日都會用手托住或者遮住下巴呢個『沉思』嘅動作，哈哈，主要遮住啲暗瘡。最後都係睇醫生就冇事。」
家怡自爆拍攝《導火新聞線》時曾試過暗瘡大爆發。
另外，家怡近日經常被追問感情狀況、識男仔問題，家怡表示多謝關心，指現在生活得很愉快，「大家真係好可愛，成日話要唔要介紹男仔俾我識，唔駛㗎啦，多謝。」問站在旁邊的Kenneth有冇好介紹，Kenneth謂：「我自薦吖，哈哈。」殺家怡一個措手不及，Kenneth續說：「我覺得佢平時做嘢見到咁多男神、咁多靚仔，佢可能已經有佢嘅目標呢。」家怡即秒回：「咁又暫時未有，隨緣囉。」更說已經成功「洗腦」父母，「爸爸媽媽一啲都唔擔心，因為我已經潛移默化話俾佢哋聽，拍又未必好、唔拍又未必唔好，所以佢哋都ok呀，我多啲時間陪佢哋咪仲好。」
Kenneth自薦做家怡男友但慘被派「檸檬」。
提到下月舉行的香港電影金像獎頒獎禮，家怡指「戰衣」要求好實際，「希望揀行動方便啦，又可以好自在地行到、講到嘢啦，因為喺金像獎有嘢要宣佈，我又唔想太過顧慮其他嘢，總之唔好跌落嚟、唔好好長。」至於會否性感，她笑言：「性唔性感就要睇吓條裙靚唔靚，如果靚，性感又無妨。」
家怡表示下月出席香港電影金像獎頒獎禮的「戰衣」只求行動方便，但如果靚，性感都可以。
世界宣明會全球性籌款活動「Global 6K for Water」，去年在香港首辦已獲得大批市民參與及體驗。為繼續支持非洲缺水社區的水利衛生工作，香港世界宣明會 (宣明會) 於添馬公園舉行第二屆「Global 6K for Water」(G6K)，活動大使陳家樂與周家怡親身落場挑戰6公里賽事，體驗每日為了取水而步行6公里的實況，活動當日吸引近1,500名參加者齊心為缺水地區籌款，現場更設攤位活動及展品，讓大眾了解貧困地區缺乏清潔食水的情況。另外，因應大埔火災嚴重傷亡事故，活動善款除了用於支持所承諾的水利衛生工作外，宣明會將額外配對相等於所有參加者報名費的同等金額，用作支援大埔受災兒童及家庭。
活動大使陳家樂、周家怡
陳家樂
第二屆「Global 6K for Water」國際性跑步活動
第二屆「Global 6K for Water」國際性跑步活動
第二屆「Global 6K for Water」國際性跑步活動
第二屆「Global 6K for Water」國際性跑步活動
第二屆「Global 6K for Water」國際性跑步活動
第二屆「Global 6K for Water」國際性跑步活動
第二屆「Global 6K for Water」國際性跑步活動
第二屆「Global 6K for Water」國際性跑步活動
第二屆「Global 6K for Water」國際性跑步活動
活動開場前，由司儀帶領全場默哀一分鐘，悼念大埔宏福苑火災的受害者。香港世界宣明會董事會主席陳朝光先生隨後領禱，並由香港世界宣明會總幹事馮丹媚女士向火災的罹難者表達深切哀悼，向他們的家屬和痛失家園的災民致以摯誠慰問，並感謝前線救援人員的無私奉獻。隨後，由活動大使陳家樂與周家怡聯同香港世界宣明會總幹事馮丹媚女士、董事會主席陳朝光先生，以及韓國世界宣明會代表共同將象徵清潔食水的「藍色膠波」倒入水桶中，並由韓國代表將水桶拿到起跑處，寓意透過籌款項目，幫助貧困家庭輕鬆取水，隨後眾人一同鳴槍主持起步儀式。
活動大使陳家樂、周家怡落場挑戰6公里賽 體驗「撲水」之苦
陳家樂指出是次活動「跑得有意義」，可親身體驗當地孩子和婦女步行約6公里取水，而參與者的汗水與付出，直接為該孩童身處的缺水社區改善水利衛生設施，使區內所有兒童與居民受惠，並表示：「其實我已經好耐冇練長跑喇。為咗今次宣明會嘅G6K，我搵咗一班認識十幾年嘅朋友一齊訓練，大概練咗兩個月。今日大家都破咗自己嘅個人紀錄，係幾開心！我仲帶咗媽媽一齊嚟，佢練得最少但跑得超快，仲一度跑喺我前面，最後我先追上佢。」家樂透露媽媽是位運動健兒，60歲後仍有一直在運動，喜歡滑艇、 行山、跑步，更笑指今日活動中跑得快過自己的朋友。
陳家樂
活動大使陳家樂、周家怡
第二屆「Global 6K for Water」國際性跑步活動
第二屆「Global 6K for Water」國際性跑步活動
活動支持非洲缺水社區的水利衛生工作
活動支持非洲缺水社區的水利衛生工作
活動支持非洲缺水社區的水利衛生工作
活動支持非洲缺水社區的水利衛生工作
陳家樂
周家怡
陳家樂
第二屆「Global 6K for Water」國際性跑步活動
第二屆「Global 6K for Water」國際性跑步活動
第二屆「Global 6K for Water」國際性跑步活動
而身為宣明會助養者的周家怡亦分享道：「喺參加呢個活動前，我哋拍咗一啲短片。拍攝時，睇到好多當地小朋友缺水嘅片段，睇到佢哋點去取水，真係好感動。有呢個機會幫佢哋籌款，我就喺群組裡面同朋友分享，仲錄咗段音去話佢哋知，當地嘅水源其實只係個小水塘，有時落雨後地上形成嘅小水窪，佢哋就用杯去舀水。我覺得真係好需要幫佢哋，等佢哋有乾淨嘅食水。朋友聽完都好支持，我都覺得很開心。」又呼籲大眾參與助養兒童計劃，期待更多人能分享愛。
兩人事後受訪，家樂提及今天除了帶媽媽，更帶同男跑友來參與慈善跑，趁機為家怡「穿紅線」：「但你（家怡) 本身有個氣場，你都唔準備好。我今天帶咗幾個男跑友嚟跑，我留意到本身你係『落咗閘』，因為你一眼都冇望過我朋友，你連搭訕嘅衝動都冇，哈哈。」 家怡直指：「我冇咗識男生條天線。」更謂家樂從來都很幫忙的，在任何時候都想介紹男生給她，家樂則搞笑回應：「你有時間裝返條天線上去再搵我。」家樂亦透露正為電影忙於操練。
活動大使陳家樂、周家怡
今年慈善跑除了6公里個人組外，更新增3公里個人及親子組，以及特設的「6公里Jerrycan隊際賽」，讓參加者手持水桶負重上陣，模擬貧困地區婦女與孩童每日取水的辛勞。場內更設巨型水桶打卡裝置及互動攤位，別具教育意義。
宣明會宣佈將按參加者報名費額外配對金額 支援大埔受災兒童及家庭
是次活動除了為非洲水利項目籌款外，香港世界宣明會亦宣布將額外配對相等於所有參加者報名費的同等金額，用作支援大埔受災兒童及家庭。場內更特設「心意牆」，讓不少市民寫下支持與祝福字句，將祝福化作力量傳遞予所有受影響人士。
活動不單融合體育與公益，更凝聚藝人與市民的力量。香港世界宣明會表示，希望透過今次慈善跑讓公眾了解更多清潔食水的重要性，一同為世界送上希望與關懷。
