《恨駕女團》變「靈異事件」？周家怡紅衫截的士 李靖筠車廂變「猛鬼燈光show」

由周家怡、李靖筠（Gladys）及海兒（Hedy）主持的節目《恨駕女團》一向不單止講車經咁簡單，最近又有新搞作，推出「車主日常小劇場」，之前的「燥底司機」、「霸王硬上車」及「野餐人」等主題已經笑到觀眾肚痛。今次趁着臨近農曆七月，「恨駕」團隊決定「應節」玩吓鬼，最後嚇鬼變成嚇自己！

臨近農曆七月，「恨駕」團隊決定「應節」玩吓鬼。

首部「嚇鬼」系列，家怡跟Gladys於車廂中試玩新買的「氣氛燈」，本來想營造浪漫feel，點知變成恐怖片現場！一開始家怡按下開紫色燈，Gladys還冧爆地說「少女感爆棚」，但家怡即刻耍手擰頭：「唔好啦掛？」轉紅色燈後，家怡又謂似神枱燈；轉橙黃燈，家怡直說「似入咗賭場」；最後轉到青色燈，光線由下而上射住塊面，Gladys指「幾有feel」，但家怡已經面都青埋，「唔好呀嘛，鬼節咁喎！」正當家怡想再轉燈之際，卻發現轉不到，原來已經被二人玩壞咗，熄唔到又轉唔到，兩個人頂住「青光面」開車走人，街坊見到仲以為「陰間專車」出巡，真係嚇鬼。

影片截圖

影片截圖

影片截圖

第二個小劇場更驚嚇，Gladys正在開車，突然見到前面有個「紅衣女人」，全身泛住詭異紅光向她招手，嚇到Gladys震晒！定神一看，原來只是家怡着住紅色連身裙截的士，又正正站在新型過路裝置下，紅燈公仔亮起時會投射紅光提醒行人，結果家怡成個人「紅噹噹」，Gladys回過神來道：「唓，好人好姐做咩着到咁呀，黐線㗎，啲阿姑真係吖！」雖然不少網民都話嚇死人，不過都大讚內容高質兼爆笑，「真係好鍾意你哋啲短片。」

影片截圖

影片截圖

影片截圖

影片截圖

影片截圖

李靖筠（Gladys）今日（2月23日）推出全新廣東作品《最好比我懶》，新歌由Gladys親自操刀作曲，夥拍老拍檔填詞人林寶，加上由合作無間的蘇道哲編曲及監製。歌曲走R&B風格，當中rap的部份找來同門師妹VALC@VIVA主理，配合Gladys那種慵懶到極的唱腔，成件事出來就是想跟大家講：「喂，放慢腳步啦，抖吓氣啦！」

李靖筠推出全新廣東作品《最好比我懶》。

講到創作靈感，Gladys表示想表達愛情最理想的狀態，「最舒服嘅關係，就係可以喺對方面前做最真實嘅自己。就算一齊懶惰、一齊Hea、一齊無所事事，其實都係好幸福嘅事。」她又笑言，錄音時為了投入那種「懶到出汁」的感覺，一踏入錄音室已經開始「入戲」，「一行入去，就即刻攤咗喺張梳化度先，到正式錄音，我對腳行入錄音室都係拖住咁行，哈哈，keep住個feel。」最終出來的效果出奇地好，認真貼題。

李靖筠

李靖筠

李靖筠

歌名《最好比我懶》表面上有點懶洋洋，但內裏其實十分浪漫，完全說中不少煙韌情侶的心聲。Gladys解說歌曲想帶出的訊息，「如果兩個人可以一齊無無聊聊，但又一啲都唔覺得悶，仲覺得好正，呢啲先係真愛。」她又搞笑呼籲大家聽完歌曲後，不妨跟另一半來一場「鬥懶比賽」，「睇吓邊個可以賴喺床上面最耐，唔願起身嗰個就贏，因為佢最唔捨得你嘅，哈哈。」

李靖筠

李靖筠

李靖筠

觀看相關影片按連結：https://youtu.be/Pib__wYIpww?list=RDPib__wYIpww