陳敏兒與二仔現身受訪 為紀念老公廖啟智開授生死教育課程

已故藝人廖啟智（智叔）遺孀陳敏兒和二兒子廖文信，日前到新城廣播接受李有毅（Ben）和兒子李國煒（Benson）主持的《Ben同Benson「Chur」到行》錄音訪問。敏兒和智叔育有三名兒子，可惜幼子廖文諾2006年因血癌離逝，智叔於2021年胃癌去世，面對兩位至親的離開，敏兒坦言幸有信仰作依靠，支撐着她的人生。

陳敏兒與二仔廖文信接受新城《Ben同Benson「Chur」到行》錄音訪問。

敏兒表示：「如果冇信仰的話，我今日都冇機會坐喺度同大家講說話，因為真係相當艱難，我可能會一蹶不振，但我諗正正係信仰幫我睇到人生係有意義。」64歲的敏兒直言已屆退休年齡，但好學不倦的她，早前特別到美國攻讀一個研究快樂的課程，成立了「幸福生活協會」的機構，並開設了一間茶室，幫助大家尋回快樂。「人都係追求快樂，但唔係人人都可以快樂，所以我去咗美國讀呢個課程，將我學到嘅嘢融入社會，畀大家跟住呢啲方式，令自己成為一個快樂人。」

左起：李國煒、廖文信、陳敏兒、李有毅

Ben透露曾到訪敏兒的茶室，這間茶室除了用來紀念智叔，敏兒亦在這兒開班授課，「人面對生死，原來係人生一個好重要課題，於是我立志做生死教育課程，包括身心靈課程同手部按摩；當日智叔生病時，佢成個禮拜失眠瞓唔到，我臨時臨急去學，一幫佢按摩，唔夠三分鐘就聽到佢扯鼻鼾，先知原來咁勁，有啲照顧者有需要，我就去開班去教佢哋。」

陳敏兒開茶室紀念廖啟智。

敏兒為了這個生死教育課程閱讀了大量書籍，其中五句是人生很重要的說話，包括「多謝你、我愛你、對唔住、我原諒你、再見」，唔好睇小呢五句說話，喺生離死別的時，呢幾句說話可以減低分離的嗰種遺憾，之後好好講再見，唔好含糊、唔好拖泥帶水，我哋要接納肉體上分離，但可以精神上繼續連繫。」敏兒指這五句說話在安寧病房尤其重要，「我哋見證住嗰啲家人同病者，透過呢五句說話修補咗好多關係，走嘅人會走得冇咁遺憾，在生嘅亦都會將遺憾減到最低。」

至於仔仔文信近年在網上媒體小薯茄擔任全職影片製作人，閒時喜歡玩音樂彈Bass，敏兒形容一隊Band當中，彈Bass的人是最不搶眼，也不多覺得他的存在，文信笑言：「的確係冇咁光芒，但其實我好鍾意呢種感覺，即我喺呢個位係重要的，但最好唔好望住我。」

兩奪金像獎男配角、人稱「智叔」的資深演員廖啟智於2021年病逝。

詳細節目內容，請留意4月12日，晚上11時–凌晨1時，知訊台《Ben同Benson Chur到行》
網址：https://www.metroradio.com.hk/MetroInfo/

藝人譚永浩（Jarryd）日前攜KOL女友杜小喬到新城廣播接受李有毅（Ben）與兒子李國煒（Benson）主持的《Ben同Benson「Chru」到行》錄音訪問，回顧入行以來的辛酸歷程，他透露初入行時經濟拮据，銀行戶口曾一度只剩下雙位數，連增值八達通也無能為力，要問朋友借一百元應急。

譚永浩接受新城《Ben同Benson「Chru」到行》訪問。

Jarryd在節目中憶述當年經濟最困難的時刻，「嗰時其實都真係幾難捱，冇得去做自己鍾意嘅事，冇得去食自己鍾意嘅嘢，燒味飯抵食就食燒味飯。」他慶幸當時與家人同住，至少不用擔心租金開支，但其他生活支出只能靠過往在銀行工作時儲下的積蓄支撐。他透露：「我記得有一次去到戶口真係冇錢，只有雙位數，㩒唔到錢，我增值八達通都冇錢。」

他續說：「記得當時我喺將軍澳，因為我放工喺TVB，然後我要問一個住喺將軍澳嘅朋友，可唔可以過錢畀我，畀我一百蚊增值。」Jarryd坦言：「係試過一段咁樣嘅時間，所以好記得。」他形容這段經歷讓他更珍惜現在擁有的一切。

譚永浩自爆銀行曾剩雙位數。

Jarryd在訪問中亦提到，從TVB藝員訓練班畢業後，與一班同學一同捱過不少苦日子。他說：「一開始訓練班出嚟嘅每個人都係咁，一定演好多劇集入面嘅『茄哩啡』角色，士兵、醫院嘅醫生。」

他分享了一個最深刻的畫面：「記得有一次我哋做清兵，唔使埋位時，我哋一班同學一齊瞓喺廠嘅旁邊，因為我哋要等，冇特別地方，鋪一張紙喺嗰到，成班人都瞓喺嗰到休息，我覺得我哋好似難民咁。」由於是新入行，有時候工作人員對待他們的態度也會較差，但幸好有一班同學共同面對、一同捱過這段時間，他說：「雖然係苦嘅，但都過得開心。」

譚永浩感激「神賜」女友杜小喬。

然而在疫情期間，演藝工作全面停擺，為了不想重蹈戶口沒錢的覆轍，他決定放下身段。他說：「以前我一定唔會應承，我係做演藝，你叫我送外賣？我一定唔會。」但他最終改變心態，與朋友創辦網上買餸平台，親自處理執貨、送貨等工作，這段經歷後來更成為他首支派台歌《光》的MV創作靈感，而他在MV中正是飾演一名外賣員。

談及新歌《光》，Jarryd指歌曲內容正是講述人生中經歷黑暗時期，要抓緊心中的希望。他說：「我哋人生一定會遇到好多黑暗時期，但唔可以放棄我哋心裡面嘅嗰一道光，一定要向住佢進發，先可以走到一個光明嘅對岸。」

左起：李有毅太太、李有毅、譚永浩、譚永浩KOL女朋友杜小喬、李國煒

2019年，Jarryd参演音樂劇《我們的青春日誌》成為重要轉捩點。他說在過程中學到很多東西，「因為做音樂劇，我開始唱番好多歌，重燃我想做歌嗰團火。」他更透過這套音樂劇認識了女友杜小喬。Jarryd說：「其中一個最大嘅得著一定係識到我依家嘅女朋友，嗰時我哋係男女主角。」他形容這段關係是「神賜給我的一個禮物」。