洪卓立開「重感冒版」音樂會 自揭show前禁食減磅慘反彈

去年開始，洪卓立（Ken）於內地舉行《The Other Planet巡迴音樂會》，日前來到中山最後一站，現場3000人的座位全場館爆滿。不過，Ken在開show前發生連環不幸事件，患上流感又減磅失敗，認真慘情！

洪卓立《The Other Planet巡迴音樂會》來到中山最後一站。

Ken在開show前發生連環不幸事件。

為了以最佳狀態見fans及演出，Ken在開show前進行地獄式禁食，但89小時完結後隨即患上流感，食藥食到水腫之餘，連原本減掉的4kg唔見影，更「賺」多了5kg！Ken不禁苦笑道：「餓完又病，病完又脹，好彩開show前調整得切。」雖然Ken帶病上陣，但完全沒有影響表現。粉絲亦十分「貼心」，將現場短片標記為「重感冒版」，十分搞笑！

Ken在開show前進行89小時禁食，但完結後隨即患上流感。

不但食藥食到水腫，體重更「報復式反彈」激增5kg。

音樂會期間，Ken跟歌迷互動傾偈時，歌迷問到這次巡迴後，甚麼時候再見面，Ken邊說邊突然「痰上頸」，最後忍不住自嘲，「好煩呀嗰篤嘢！」引來全場大笑。除了跟「嗰篤嘢」搏鬥，開show前又發生小意外，一條五厘米的頭髮插進Ken的眼內，搞到成場show都眼紅紅，認真「禍不單行」。

雖然帶病上陣，但完全沒有影響Ken的表現。

完成巡迴後，Ken表示先醫好重感冒，「之後就準備錄新歌啦。」這次巡迴走勻東莞、江門、佛山及中山，雖然最後帶住遇上小插曲，但粉絲都表示睇得開心，又大讚偶像專業，為巡迴音樂會劃上完美句號。

Ken透露完成巡演後要醫好重感冒先，之後就準備錄新歌。

洪卓立（Ken）將於今個月30日在旺角麥花臣場館舉行「洪卓立《探索者》巡迴音樂會 香港站」，正式開騷前，今日（11月4日）就率先推出全新廣東作品《愛是克制》。

洪卓立推出全新廣東作品《愛是克制》。

今次Ken轉行做「愛情哲學家」，同團隊跟大家探討一個很「到肉」的話題：「愛你就要放你走」的道理。歌曲說出，有時愛到盡頭，並非瘋狂佔有，而是學會克制，寧願自己提早退場，換個方式遠處守護對方。直白點說，就是「愛你愛到放生你」的終極昇華版。年少輕狂可能會為愛痴狂，但現在Ken跟大家說，遲疑跟克制，其實都是愛的一種表現。歌曲找來唐善行作曲，王澄晞填詞，編曲跟監製則有合作無間的黃兆銘及舒文。Ken指：「成首歌嘅旋律同編曲做到晒愛情裏面嗰種拉扯同掙扎，唱嘅時候都有嗱住嗱住嘅感覺。」

MV圖片

MV圖片

MV方面，Ken表示跟導演討論過，用了一個比較特別的手法，他飾演一名有弱聽的男生。劇情一開始見他經常拒絕女生，又不給電話，十足十「渣男」上身。其實他是因為自己弱聽，害怕連累別人，才扮cool狂派「好人卡」。直到遇上由魔術師Miss Hunny飾演的畫家，她經常找Ken傾偈，才慢慢打開心扉。後來Miss Hunny畫畫向Ken表白，更謂一早知他聽障但完全不介意，認真sweet！

MV圖片

MV圖片

不過，好景不常，當Miss Hunny有機會去外國深造畫畫時，Ken的弱聽突然惡化至完全聽不到。為了不想成為對方的負累，Ken賣掉自己店舖，讓她可以安心追夢。這種「愛是克制」的境界，真的睇到人心up。

MV圖片

MV圖片

Ken透露拍喊戲時，回想起之前自己失聲經歷，完全代入了角色那種「唔想害人」的感受，「我幻想自己冇咗把聲，再加上冇埋聽覺，我嘅人生會點樣呢？其實大家見到嘅嘢係一take過，兩部機一take過無NG，就嗶哩巴啦流晒眼淚。可能又係自己親身經歷冇咗把聲，所以好明白嗰個感受，同埋好明白唔想害人嗰種感受。」這場喊戲導演一take過收貨，絕對是演技大爆發。

觀看相關影片按連結：https://youtu.be/0lXufhqJtZs