由CHAT六廠策展人王慰慰策展的「湧動的暗線——遊走在民間智慧與當代視野之間」，通過絲網印刷的中國織物、傳統印尼織物以及中亞裝飾圖案等，探究傳統民間工藝如何啟發當代藝術。谷德超、陳果、區丁平、毛舜筠日前來支持本地藝術家姚君潔，觀賞其作品及一起交流。
谷德超、陳果一同觀賞藝術品
參展藝術家一同交流
區丁平、毛舜筠結伴觀賞藝術展
大合照
姚君潔與谷德超、陳果等合照
「湧動的暗線——遊走在民間智慧與當代視野之間」展覽現在舉行
本次展覽展出了來自亞洲各地藝術家合共13套作品，其中一半以上是全新委約創作。參展藝術家包括：阿里．貝瓦吉（印尼）、薩莉瑪．哈基姆（印尼）、韓夢雲（中國內地）、何永娣（中國內地）、洪英仁（南韓）、小林七生（日本）、阿瑪古兒．門利巴耶娃（哈薩克斯坦）與蘇阿德．加拉（亞塞拜疆）、艾希莎．沙迪諾娃（哈薩克斯坦）、古納斯．特科爾（土耳其）、葉甫納（中國內地）、嚴潤森（馬來西亞）、姚君潔（香港）、張徐展（台灣）。展覽由即日起至7月13日（逢星期二休館），於荃灣南豐紗廠二樓CHAT六廠舉行，開放時間則為上午11時至晚上7時。
點擊看圖輯
「湧動的暗線——遊走在民間智慧與當代視野之間」展覽現在舉行
林日曦早前推出《林日曦2026乜都唔知優先訂飛》，反應熱烈，吸引大批癲喪劇迷盲撐搶飛！林日曦終於正式揭曉，今年年度癲喪舞台劇為《大死撐日》，並宣布邀得毛舜筠領銜主演，聯同白只、楊偉倫及胡麗英合力演出，一連37場，將於8月28日起假香港演藝學院歌劇院隆重上演。門票將於5月28日（星期四）上午10時起於 Cityline 公開發售，各位癲喪劇迷記得把握最後搶飛機會，萬勿錯過！
毛舜筠
楊偉倫
林日曦
林日曦、毛舜筠、楊偉倫
是次宣傳海報亦相當吸睛，一眾演員以粵劇花旦及小生造型驚喜亮相，令人眼前一亮。林日曦透露，今次作品將融入粵曲元素，但並非傳統大戲，更笑言屆時可能會「跳唱粵曲一兩隻」，請觀眾拭目以待。他表示：「一直想寫一齣喜劇，去重新宣揚一下呢個香港重要嘅文化。於是五年前去搵我哋嘅粵劇及粵曲顧問江駿傑先生，向佢學習當中嘅歷史、文化，為寫劇本做準備。當中經歷疫情，所以呢個project推遲到五年後嘅今日先發生。」
談到今次邀請毛舜筠參演，林日曦直言對方是自己心目中的唯一人選：「五年後當我攞返呢個劇本出嚟嘅時候，第一個諗起嘅就係毛姐。我好鍾意毛姐獨特嘅喜劇節奏，佢做喜劇，就好似經典嘅《家有囍事》，唔係首先引你笑，而係全心投入去角色嗰度，完全相信個角色，自然散發嗰種喜感出嚟。一路都想搵佢合作，所以好耐之前已經鋪排定，不斷邀請佢哋睇我嘅舞台劇，慢慢搵機會。」
首次參演林日曦作品的毛舜筠（毛姐）坦言，私底下其實並不認識對方，但早已是其忠實粉絲：「我係佢Fans嚟，我成日睇佢啲舞台劇㗎！佢嗰種舞台劇嘅演繹方法成日都令到我大笑，有時仲會無端端笑到好大聲，睇完演出又想搵佢影相！」
談到今次破天荒接演舞台劇，她坦言感覺非常奇妙：「其實以前有兩次演舞台劇嘅機會，但最後都因為一啲事取消咗，明明連約都簽埋……」她表示，當時曾以為自己與舞台劇無緣，直到收到林日曦的劇本後，卻有一種命中注定的感覺：「我直情覺得點解好似為我而寫咁，莫非佢好了解我？」不過林日曦原來是在完全不知道毛姐背景的情況下創作角色，令毛姐更相信這次合作是一種緣份：「所以今次一定要搏一搏！」
她亦透露，被劇本中的喜劇元素深深吸引，幾乎是一看完便決定接演：「我一直都好想做一個舞台喜劇，而家個氣氛好多嘢都令人笑唔出。如果可以透過一個戲令大家開心大笑，而個演出又畀到驚喜大家，我覺得作為演員已經好滿足。」
除了喜劇元素外，林日曦亦透露：「雖然呢齣係一齣喜劇，但真係會有幾首短嘅粵曲，全部原創，由我創作曲詞。」他苦笑指：「記得毛姐聽完後，佢一邊話好好，一邊問我係咪用AI。非常hurt。我同佢澄清，喺我最迷惘唔知點寫嘅時候，真係有試過去學人搵嗰啲AI試吓，點知原來嗰啲AI根本就冇粵曲呢個選項，完全幫唔到手。最後我係靠不斷重複聽一啲經典嘅粵曲，再向我哋嘅粵曲顧問問咗好多好多好多好多問題，了解咗粵曲嘅一啲規範同埋特性，終於勉強寫咗出嚟。」
林日曦年度癲喪舞台劇 ——《大死撐日》將於今年8月28日起，一連37場假香港演藝學院歌劇院盛大公演，門票將於5月28日（星期四）上午10 時起於 Cityline 公開發售！癲喪劇迷敬請準時搶飛，齊齊見證一班人查篤撐！
