【2025.4.29娛圈熱點】一連四場「謝霆鋒進化演唱會」完滿落幕 謝霆鋒尾場騷前與兩子共進午餐

關注一下過去24小時娛圈事Top 5熱話。

一連四場「謝霆鋒進化演唱會」完滿落幕 尾場感言引爆全城不捨！

一連四場的「謝霆鋒進化演唱會」於週日（日期）在啟德園圓滿落幕，尾場演出不僅為歌迷帶來視聽震撼，充滿驚喜與感動，謝霆鋒在最後一曲《活著VIVA》前感性喊話：「好多謝由世界各地來同我完成呢個夢想嘅你哋，其實如果重有期，我會繼續開嘅！」全場觀眾隨即高呼「安歌！再開！再開！」霆鋒鬼馬笑道，「但係冇，哈哈。」氣氛沸騰，為未來加場、part2留下無限期待！

▼詳情點擊圖片查看或按連結

謝霆鋒尾場騷前與兩子共進午餐 三父子互動勁溫馨

謝霆鋒一連四場《Evolution Nic Live進化演唱會》連日來成全城熱話，除獲女友王菲、老友陳奕迅捧場外，更驚喜見到霆鋒兩位囝囝17歲謝振軒（Lucas）及14歲謝振南（Quintus）現身，成網民討論焦點。

▼詳情點擊圖片查看或按連結

螢幕初戀「羅晶晶」現身謝霆鋒個唱 張新悅在社交平台發文懷念

謝霆鋒一連四場的啟德體育園演唱會，昨晚（27日）正式圓滿落幕。自首場開唱以來，網民們幾乎天天洗版，社交平台滿是現場片段，氣氛熱烈，鋒芒再現。而無綫也識做，特地在週末深夜時段重播霆鋒25年前主演的經典處男劇《撻出愛火花》，瞬間勾起無數人的青春記憶。

▼詳情點擊圖片查看或按連結

羅敏莊為女兒選擇泰國旅居三年 坦言適應慢活節奏

藝人羅敏莊（Mimi Lo）三年前毅然帶同女兒移居泰國曼谷，成為港人熱門移居地的親身例子。近日，她接受旅遊達人胡慧冲專訪，細談當初決定來泰國的原因、生活點滴及面對泰國「慢活」文化的心路歷程，並分享作為母親的堅持與轉變。

▼詳情點擊圖片查看或按連結

大S大女生日慶生 後母費心思氹小玥兒開心

台灣女星大S（徐熙媛）今年2月不幸離世，一對子女由前夫汪小菲接手照顧。有「大S翻版」之稱的大女小玥兒，日前迎來11歲生日，汪小菲特別在北京為女兒舉辦生日派對，全程甜到漏！

▼詳情點擊圖片查看或按連結

曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」

伍樂城

於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」

謝霆鋒唱《無聲彷有聲》表達對愛不後悔。

伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」

見證Twins痴線時間表。

伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」

今日(12月6日)，下午二時至三時於雷霆881商業一台播放的《星光背後》，主持人梁泰來邀得伍樂城任嘉賓。