新手爸爸沉迷BB香 蕭正楠自爆聞頭油香聞到醒神

自從黃翠如和蕭正楠成功升呢為人父母，兩公婆就由「旅遊打卡情侶檔」變身「BB日常狂晒族」，社交平台幾乎每日都見到BB可愛登場。而今日（5日），蕭正楠更公開分享一個超甜蜜又搞笑的新癖好：聞BB香聞到上癮！

新手爸爸有新癖好

他在社交平台上載數張抱BB的照片，只見他滿臉陶醉，一邊抱BB一邊猛聞，寫道：「對於香味，每個人有唔同的愛好，有人鍾意咖啡香、花香、腳香，我就十分非常嚴重地鍾意呢種香味，特別係未洗之前，油油騷騷奶奶的。」仲hashtag埋：「#哈頭香 #第二最愛的氣味」。

勁鍾意BB頭油香

其實媽媽黃翠如都鍾意聞BB聞腳仔

「第二」最愛？即係「第一」係翠如香？網民都忍唔住笑爆留言：「咁癡線又咁sweet嘅爸爸，真係唔多見！」、「BB頭油香＝爸爸的提神藥」。連鍾嘉欣都留言認證：「Me too！」

BB出世後，爸爸周圍派祝福俾同事

藝人黃翠如與蕭正楠於去年3月迎來愛情結晶「簫哈哈」，二人榮升父母後盡心盡力照顧囝囝，時常在社交平台分享一家三口的溫馨日常，可謂「有仔萬事足」！不過，兩公婆有時候都需要一些「me time」，二人近日就暫時放下囝囝，到郊外影靚相！

一家三口

兩公婆近日暫時放下囝囝，到郊外影靚相！

黃翠如在IG分享老公兼「御用攝影師影」蕭正楠為她拍攝的照片，並留言：「我跟我的攝影師說，最近電話幾乎所有照片都找不到自己，他說以後每幾個月幫我隨拍一輯，這輯命名為『亂』，我很喜歡！」相中，黃翠如沒有華麗的服裝和精緻的妝容，只是一身簡約的間條套裝，隨心所欲擺出不同pose，而且笑容真摰，散發出獨屬她的隨性自然美！

蕭正楠擔任老婆的「御用攝影師影」。

黃翠如IG圖片

黃翠如IG圖片

黃翠如IG圖片

黃翠如IG圖片

黃翠如IG圖片

黃翠如IG圖片

不少網民看過照片後都大讚又靚又充滿活力，「啲相完全係好放鬆， 做返自己嘅你」、「輯相好有十年前嘅你嘅感覺」、「喜歡這樣你呀！ ！ ！ 好靚女」、「御用攝影師影出黎係唔同啲，亂中有美呀」、「美！很喜歡隨意的你！」也有人留言：「因為電話全部都係哈哈相。。。你而家影完，過幾日都係找唔唔到自己」，黃翠如即幽默回覆：「你太聰明啦！」