吳文忻患癌令內心變強大 無懼haters批評平靜快樂面對

50歲前港姐吳文忻（現名吳忻熹）去年8月自揭乳癌復發已是第三期，更擴散至淋巴腺，她一真積極接受不同的治療和輔助治療，腫瘤亦曾一度縮小，同時癌指數亦有下降，但早前她因心肺積水入院，之後細胞變異惡化至乳癌第四期，更擴散到尾龍骨。雖然情況反覆，但她依然沒有放棄，繼續以正面的心態抗癌，她目前選擇「大包圍」的治療方式，即化療同時採用其他治療，但卻惹來網民抨擊，對此，她開Live更新身體狀況，並直接回應批評。

吳文忻乳癌惡化至第四期，更擴散到尾龍骨。

她目前選擇「大包圍」的治療方式，即化療同時採用其他治療。

吳文忻表示已預料會被攻擊，「當然每樣對我有用，但對你未必有用，反應亦唔一樣……你哋覺得有需要咪了解吓，利申我冇收錢，我只係用家分享。」她指因為患乳癌的經歷，令她知道要養成強大的內心，「呢段時間都需要內心強大，所以咁容易畀網民打倒我，即係代表自己未夠強大。唔緊要，呢場風暴突然間嚟，冇諗過個post會引嚟咁大迴響，亦冇諗過delete，因為我性格就係咁，我又冇做錯咩事，你哋唔信唔鍾意冇問題㗎，我講你知，你哋咪選擇去唔去睇下」，所以她覺得自己保持內心平靜和快樂即可，如果激動回應haters，只會令身體和情緒波動，兩敗俱傷。

影片截圖

對於有網民指可以靠信仰面對一切，吳文忻就回應，「我知，我就係靠住呢個信仰，唔再理一啲唔好心地嘅人，或說話不負責任嘅人，我都戥佢哋難過，如果要用唔好聽說話去踩低人、批評，呢個人本身都幾負面，所以我都希望佢哋身體健康，唔需要有我呢個煩惱。」

影片截圖

吳文忻又指患乳癌雖然為她的身心帶來挑戰，但同時令她變得更成熟，「如果唔係今次學習，我50歲人都可能仲係一個，未經歷太多高低起跌嘅死𡃁妹」，並透露兩個囡囡沒有因為媽媽患癌，而變得鬱鬱不歡，「可能見我都冇乜嘢，佢哋又冇乜嘢。作為病人，唔好覺得自己係病人，幾痛都好，都要行出去曬太陽；幾痛都好，都要拉下筋。」

影片截圖

此外，吳文忻自爆有個歌手夢，之前計劃製作一首歌，但因心肺積水入院，所以一直未完成，因此她托好同屆港姐好友的女兒製作一首屬於她與兩個囡囡的歌《Bald Mommy Bold Mommy》，「即係光頭同勇敢嘅媽咪！其實患癌媽咪都唔需要太沉重，所以想用一個輕鬆表達方式，透過歌曲演釋一個患癌媽咪與女兒嘅關係，歌詞好sweet，係我朋友填，佢個女就作曲。」 她還透露母親節將帶同兩個囡囡一齊出席慈善活動，並計劃7月出半自傳新書，收益將捐作慈善用途。

影片截圖

影片截圖

98年獲港姐季軍入行，現年51歲的吳忻熹（前名：吳文忻），為圓夢推出首支個人單曲《重生》接受雷霆881商業電台《星光背後》專訪。去年曾分享抗癌出現曙光的她，今年初卻因癌細胞突變，擴散至尾龍骨成乳癌第四期。雖然經歷心臟及肺部積水留醫16日徘徊鬼門關，但吳忻熹從沒絕望，更因重拾信仰完成人生兩大心願出書又出歌，希望以生命影響生命。節目中，吳忻熹除了披露曾迷信令抗癌情緒陷低谷外，更首度承認與前夫離婚已始於患病前，她說：「感情有問題非一日之寒，唔止一個人責任。」她更坦言要平反外間對前夫的誤會，「佢未必係個好伴侶，但一定係個好爸爸。」。

現年51歲的1998年港姐季軍吳忻熹（前名吳文忻），日前在電台節目中分享對抗乳癌第四期的心路歷程。

當年美國大學畢業回港選美入行的吳忻熹，稱小時候夢想當歌手，可惜98年華星新秀停辦轉而選港姐踏足娛圈。而事隔廿七年唱歌那團火重燃，是始於年初看《叱咤頒獎禮》直播，她說：「好歌手嘅得獎感言，話自己畀想像中強大，作為患病者去聽，係份外入心。之後Sammi(鄭秀文)話自己係52歲嘅我最喜愛女歌手，當刻就幻想51歲嘅自己，出年可唔可以企喺台上做樂壇新人？就即刻幫自己拍咗條片，希望可以圓呢個夢。」奈何對自己許下承諾不久，癌細胞突變擴散至第四期，更因心臟及肺部積水留醫16日一度徘徊生死，這次經歷促使她立志要今年達成心願，「尤其係留醫期間，醫生同我講咗一句話，佢話：『吳小姐，你要諗定，話定畀家人聽拔唔拔喉。』當刻聽落係覺得好離譜，但之後，我會反思原來我咁接近死亡，就反而激勵我唔好再拖延。」

不僅透露曾因迷信玄學令情緒陷入低谷，更首次親口承認，與前夫陳劍陵的婚姻問題，早在自己患病前已存在。

吳忻熹表示選擇現在才公開離婚消息，是尊重圈外前夫的意願，不欲「擺他上枱」作宣傳。她為前夫平反道：「他未必是個好伴侶，但一定是個好爸爸。」 兩人目前關係和平，再見亦是朋友。

吳忻熹坦言因信仰及祈禱，幫助她振作渡過留醫16日的難關外，亦助她捱過出院要坐輪椅、撐拐杖與及多次電療的痛苦。今日能完成《重生》一曲，她指亦因為信仰令她遇上一眾基督徒音樂人天使，他們全都不收分文助她完成單曲。她說：「係好神奇，心靈同念向好之後，好多天使出現，好似有力量Guide住我行呢條路，好感恩。」不過談及2013年曾改名吳忻熹，中小學已是天主教徒的吳忻熹，亦坦承入了娛樂圈後走過不少歪路，「當年睇好多風水命理，有人講吳文忻三個字係大兇孤寡數，係驚到連身份證都改埋。其實我一出世就領咗洗，但入咗娛樂圈乜都拜吓，越行越遠。直至Cancer舊年復發，唔少人話畀我聽係冤親債主，帶我做好多嘢，燒好多嘢，燒銀紙咁燒；但越燒越不安，情緒仲跌入低谷。直至今年有個導師導返我信，之後日日祈禱，心靈真係平靜返，情緒直接影響我病情，之後好多嘢慢慢向好，令我發覺呢件事真係存在。」

宗教令吳忻熹對人生重燃希望，亦令她反思放下執著。節目中，她罕有談及今年年中親口證離婚的前夫，「之前唔講，因為對方係圈外人，不嬲佢都唔鍾意，我亦唔想好似擺佢上枱咁。」對於前夫被指吳忻熹一患病就撇下她，她說：「我要為佢平反，其實件事發生咗一段時間，係病之前。感情有問題係非一日之寒，有問題咗好耐，我都有問題，唔止係一個人嘅責任，每個人都有自己問題。唔想講太多，係唔想畀人以為我攞嚟宣傳，我只想講，佢未必係個好伴侶，但一定係個好爸爸。」她亦指與前夫和平分開，再見亦是朋友，「由頭到尾我哋都係好好朋友，我哋美國讀書已經識，做唔成伴侶，做朋友都無問題。」

吳忻熹與節目主持梁泰來合照。