吳文忻患癌令內心變強大 無懼haters批評平靜快樂面對

50歲前港姐吳文忻（現名吳忻熹）去年8月自揭乳癌復發已是第三期，更擴散至淋巴腺，她一真積極接受不同的治療和輔助治療，腫瘤亦曾一度縮小，同時癌指數亦有下降，但早前她因心肺積水入院，之後細胞變異惡化至乳癌第四期，更擴散到尾龍骨。雖然情況反覆，但她依然沒有放棄，繼續以正面的心態抗癌，她目前選擇「大包圍」的治療方式，即化療同時採用其他治療，但卻惹來網民抨擊，對此，她開Live更新身體狀況，並直接回應批評。

吳文忻乳癌惡化至第四期，更擴散到尾龍骨。

她目前選擇「大包圍」的治療方式，即化療同時採用其他治療。

吳文忻表示已預料會被攻擊，「當然每樣對我有用，但對你未必有用，反應亦唔一樣……你哋覺得有需要咪了解吓，利申我冇收錢，我只係用家分享。」她指因為患乳癌的經歷，令她知道要養成強大的內心，「呢段時間都需要內心強大，所以咁容易畀網民打倒我，即係代表自己未夠強大。唔緊要，呢場風暴突然間嚟，冇諗過個post會引嚟咁大迴響，亦冇諗過delete，因為我性格就係咁，我又冇做錯咩事，你哋唔信唔鍾意冇問題㗎，我講你知，你哋咪選擇去唔去睇下」，所以她覺得自己保持內心平靜和快樂即可，如果激動回應haters，只會令身體和情緒波動，兩敗俱傷。

影片截圖

對於有網民指可以靠信仰面對一切，吳文忻就回應，「我知，我就係靠住呢個信仰，唔再理一啲唔好心地嘅人，或說話不負責任嘅人，我都戥佢哋難過，如果要用唔好聽說話去踩低人、批評，呢個人本身都幾負面，所以我都希望佢哋身體健康，唔需要有我呢個煩惱。」

影片截圖

吳文忻又指患乳癌雖然為她的身心帶來挑戰，但同時令她變得更成熟，「如果唔係今次學習，我50歲人都可能仲係一個，未經歷太多高低起跌嘅死𡃁妹」，並透露兩個囡囡沒有因為媽媽患癌，而變得鬱鬱不歡，「可能見我都冇乜嘢，佢哋又冇乜嘢。作為病人，唔好覺得自己係病人，幾痛都好，都要行出去曬太陽；幾痛都好，都要拉下筋。」

影片截圖

此外，吳文忻自爆有個歌手夢，之前計劃製作一首歌，但因心肺積水入院，所以一直未完成，因此她托好同屆港姐好友的女兒製作一首屬於她與兩個囡囡的歌《Bald Mommy Bold Mommy》，「即係光頭同勇敢嘅媽咪！其實患癌媽咪都唔需要太沉重，所以想用一個輕鬆表達方式，透過歌曲演釋一個患癌媽咪與女兒嘅關係，歌詞好sweet，係我朋友填，佢個女就作曲。」 她還透露母親節將帶同兩個囡囡一齊出席慈善活動，並計劃7月出半自傳新書，收益將捐作慈善用途。

影片截圖

影片截圖

前港姐吳文忻（Natalie）日前現身新城廣播接受葉文輝（啤梨）主持的《梨事會》訪問，Natalie以51歲之齡勇敢實現歌唱夢想，推出首支個人歌曲《重生》，並在訪問中詳細透露了積極對抗癌症的心路歷程，透過音樂向大眾傳遞堅毅與希望的信念。

吳文忻接受葉文輝新城《梨事會》節目訪問。

吳文忻以51歲之齡勇敢實現歌唱夢想。

Natalie在節目中透露，她於三年前一次通淋巴，被按摩師按到胸部有硬塊，進行身體檢查後，確診罹患癌症。最初她僅接受了部分腫瘤切除手術，然而病情於去年復發，今年二月更因嚴重積水入院，情況危急，一度面臨「拔喉」的生死抉擇。

正是這個關鍵時刻，醫生的話點醒了她，她坦言：「醫生呢句說話成為咗重要嘅轉折點，令到我決心擺脫『拖延症』，立即實踐夢想。」當時她的身體狀況極差，Natalie透露：「連走路都有問題，但諗到自己一直以來嘅歌唱夢想，加上聽到Sammi（鄭秀文）獲獎感言，突然想到如果51歲嘅吳文忻能夠獲得新人獎會係點樣，嗰團火突然之間出咗嚟。」

推出首支個人歌《重生》。

面對疾病，Natalie從信仰中找到了極大的力量，她分享道：「我從小就係天主教徒，喺演藝圈嘗試過各種信仰，最終喺患病後回歸天主教，搵到心靈嘅平靜。」她深信一切都是最好的安排，並感謝在追夢過程中出現的「天使」們無條件幫助她完成歌曲製作。

Natalie兩位分別11歲和8歲半的女兒，是她最重要的精神支柱。她分享去年向女兒坦承病情時，女兒以輕鬆態度回應，反而讓她學會以更積極的態度面對治療。Natalie更預告將與女兒合作推出英文歌曲《Bald Mommy Bold Mommy》，記錄化療期間與女兒的珍貴點滴。

訪問中，吳文忻詳細透露了積極對抗癌症的心路歷程。

最後，Natalie透過節目向所有正在面對健康挑戰的朋友送上鼓勵，她語重心長地說：「你嘅念頭會帶你去嗰個方向，如果你覺得自己喺到等死，呢個念頭就會帶你去嗰個方向。」她鼓勵大家保持正面信念，必要時依靠信仰獲得力量，並強調「及時行樂」的重要性。

吳文忻預告將與女兒合作推出英文歌曲，記錄化療期間與女兒的珍貴點滴。

詳細節目內容，請留意12月17日，下午6:00 – 7:00，新城知訊台《梨事會》節目，網址：https://www.metroradio.com.hk/MetroInfo/