友乜唔講得｜多年來致力行善獲封「演藝圈救護車」 曾志偉親揭對《歡樂滿東華》有情意結

由阮兆祥（祥仔）、梅小惠、江欣燕主持的娛樂圈秘聞Talk Show《友乜唔講得》昨晚（5月18日）播出最後一集，壓軸嘉賓是TVB節目內容營運總經理曾志偉。

《友乜唔講得》最後一集壓軸嘉賓是TVB節目內容營運總經理曾志偉。

上回講到志偉多年來一直致力幫忙提拔有潛質的影視新血，其實除了幫忙圈中人，志偉多年來亦熱心公益，祥仔即笑言志偉除了是「演藝圈救護車」，亦是「慈善救護車」：「我覺得阿爸（眾人對志偉暱稱）係火燭車火速的到埗嗰隻救護車。逢親要救亡又好、救急扶危又好，佢都會係第一個挺身而出。」志偉即謙稱每次舉辦慈善show能如此成功，全靠香港演藝人夠團結以及港人夠有心。

《友乜唔講得》最後一集壓軸嘉賓是TVB節目內容營運總經理曾志偉。

志偉續指難忘當年華東水災十分成功，其中一件開心事是獲得不少的士司機及十四座小巴幫忙：「好多的士大佬啦、十四座啦，一話：『你去馬會呀？去賑災呀？唔使錢車你去！』所以唔止係我哋呢個行業，係靠香港所有嘅行業都出嚟幫手。香港咁細嘅地方，喺咁短嘅時間，可以出咁多錢去幫手，呢樣嘢個message先係最大嘅。我記得嗰年最感動係，突然間聽到何伯（已故大慈善家）嘅電話，就係話今晚你哋籌款，籌到一蚊我就捐一蚊。」

《友乜唔講得》最後一集壓軸嘉賓是TVB節目內容營運總經理曾志偉。

難忘屋邨善長行善顧已及人 志偉：佢哋捐錢係捐好多嘅

細細個已通宵睇東華體驗港人齊心行善精神的志偉，坦言自己十分熱愛《歡樂滿東華》這個節目，並坦言想「做到我冇能力做為止」。而東華最令志偉動容的，是屋邨街坊「顧己及人」的精神：「令我最感動係，屋邨嘅人係捐錢捐好多嘅。我都成日問啲屋邨，點解你哋捐咁多嘅呢？原來因為佢哋就係受惠者。佢哋一有咩事，會去東華旗下嘅機構睇病、做手術、住院咁，就咁畀一百蚊嘅啫。所以佢哋覺得冇事冇幹嘅話、有多餘錢要捐番出嚟。」

《友乜唔講得》最後一集壓軸嘉賓是TVB節目內容營運總經理曾志偉。

志偉又談及了當年如何與好友譚詠麟及梅艷芳攜手策劃行善，志偉說：「以前我哋梅姐阿倫呀成日一齊，一有咩事我哋就互通電話話想幫，點匯錢呀點捐錢呀咁。我哋做咗咁多年賑災，其實我地做幾樣嘢嘅啫，就係有咩事發生，就諗需唔需要幫？要幫嘅話，點幫？幫咗之後啲錢點用？」並指出藝人在籌款／賑災活動中所扮演的角色，第一是廣播、第二是身體力行、第三是深入了解善款走向：「我哋其實係一個喇叭，等大家知有件咁嘅事。而我哋藝人要有個代表，去完災區再返嚟話返畀廣大巿民知發生咩事，咁樣先唔會話空口講白話。同埋我哋要幫手做調查嘅工作，保證啲善款冇攞咗去做第啲嘢，呢個最緊要。」

《友乜唔講得》最後一集壓軸嘉賓是TVB節目內容營運總經理曾志偉。

曾拍住志偉參與不少慈善工作的祥仔，憶述有次獲志偉邀請齊齊到馬來西亞做慈善，當志偉發現當地人要「排好耐隊」才能洗腎時，即二話不說表示要捐兩部洗腎機，並提出其中一部他付錢購買的洗腎機以祥仔名義捐出；祥仔眼濕濕憶述說：「唔少錢㗎嗰度！志偉一嚟就話一部你送，一部我送…入我數，不過用你名義去捐。」志偉還提及了一個自己親身經歷的「150萬」與「100萬」的故事，帶出行善不要計較、不要動氣：「只要件事係好事，唔好計較太多，唔好以自己為中心，唔好成日用自己做出發點。」

年度盛事《澳娛綜合呈獻：萬千星輝頒獎典禮2025》圓滿結束，曾志偉獲特別頒發「萬千星輝榮譽傳奇」大獎，他在台上宣布將卸任總經理一職，結束5年任期，隨後TVB發聲，公布曾志偉將出任新成立的諮詢委員會召集人。 

TVB截圖

曾志偉接受訪問時，表示已一早向公司申請離任，但公司一直游說他留下，更自爆已經辭了五次職，而今次頒獎禮是最合適宣布的時機，「5年都唔長唔短，自己可以做嘅七七八八，我亦都培養咗一班我覺得係可以接到班嘅同事。」

本網記者攝

曾志偉透露他於5年前的1月21日正式成為總經理，所以今個月的21日將會是他卸任日子，雖然在個多月前已開始放假，但每個星期仍會回公司開會，之後亦答應公司以顧問的身份每月回來跟同事開會、見面，並表示仍有些新的東西想跟TVB做，「我想同TVB做啲未來嘅嘢，好似TVB依家做AI，都係我舊年叫啲同事做......我覺得TVB未來係可以雙線去行。」

本網記者攝

問到請辭的原因？曾志偉否認是因為健康問題，只是「不習慣」的問題，他自言拍慣電影，是一個自由人，因為拍電影可以自己選擇拍與不拍，或自己拍完之後選擇休息再做，但電視不能休息，例如做完香港小姐便要籌備台慶，台慶完後又要籌備頒獎禮、賀年節目及慈善節目等等。他又表示雖然節目是重覆，但內容需要有新意，還要比去年好，以及想傳達甚麼訊息予觀眾，非常勞心勞力。

另一樣「不習慣」的就是做總經理經常要開會，而且要在早上9點、10點開會，曾志偉笑言自己並不是一個習慣準時開會的人，通常都是下午2點才出現，但在TVB有很多會議需要他主持，行政工作、定時定候的會議並不是他喜歡的事，自己最愛是度橋。而卸任後，他亦相信會有更多時間跟觀眾見面、跟觀眾分享，更坦言過去愛口沫橫飛，但成為總經理後每一句說話都代表着TVB，所以不能亂說話、不能開玩笑，令他非常辛苦，「不如做返個自由人，對我嚟講冇咗束縛，反而可以帶到更多嘅歡樂比觀眾。」

本網記者攝

問到之後會否先休息一下？曾志偉表示自己有計劃重返電影界拍電影，有感過去五年沒有關注電影，感覺自己脫了節，而且現時電影市道低迷，希望可以為業界出一分力，「電影係我入演藝界學嘅嘢最多、自己最有興趣嘅嘢 ，所以我都想返出嚟拍下，亦都有好多新嘅導演我都冇合作過，我都想同大家了解下，希望拍返多啲香港電影同我哋香港嘅觀眾再接軌。」他又表示自己最享受拍戲，而做導演、監製甚至投資電影是需要使命感，自己亦愛栽培新導演，愛拍新題材。

本網記者攝

提到獎項由好友譚詠麟頒發，曾志偉覺得意義非常特別，而且有這麼同事支持，自己很感恩、感動，證明在過去5年的付出獲到大家認同，亦是他入TVB最想得到的東西，所以今次獲得獎項可以說是功成身退。他又指今次向公司呈辭時除了因為子女想他休息一下，亦向公司派定心丸，承諾不會跟TVB斷絕關係，希望想為TVB想多些新發展。問到接班人問題？他就表示不清楚，要交予主席許濤去決定，自己也沒有特別指明誰接任。

本網記者攝

問到過去5年有沒有做到他想做的東西，曾志偉表示「算OK」，自覺只有50多分，因為自己並不擅長做管理，而且仍有些東西很想做未能做到，例如全面電腦化，並形容TVB像郵輪，不能一下子電動化，只好像汽車半行電半行油。他坦言周遭製作劇集的市場都在委縮，但TVB仍有不同製作，有不少電影界人士來TVB拍劇，坦言TVB是一個很多的踏腳石，讓年青人去了解行業。

提到任內令TVB業績轉虧為營，曾志偉認為最大成功感是從觀眾口中聽到TVB的節目好看，並自言：「我係一個敗家仔，我唔係賺錢，我賺個節目俾佢賣廣告，但係廣告唔係落我袋，所以我係洗錢。我屋企係洗錢，但係我洗屋企錢，我係冇幫屋企賺到錢。最緊要係咩？最緊要大家覺得，而家TVB廣告返哂嚟。點解廣告返哂嚟，因為佢哋覺得喺TVB賣廣告真係生意好咗好多，咁呢個就係最緊要嘅。即係而家講，大家禮拜日都返屋企睇《中年好聲音》，呢個係一個成功嘅例子。好多綜藝節目大家都睇到我哋想講乜嘢，同埋好多藝人，大家都返嚟幫手拍嘢，都係對TVB嘅肯定。」

本網記者攝