錢嘉樂獲錢小豪引薦做龍虎武師 自爆曾嫉妒胞兄做主角：我就要跳樓跳車被火燒

藝人錢嘉樂接受李有毅（Ben）和兒子李國煒（Benson）主持的新城《Ben同Benson「chur」到行》節目錄音訪問，嘉樂80年代在麗的電視台做龍虎武師，由特技人轉做動作導演，再化身遊戲節目的「獎老」，嘉樂當年是由胞兄錢小豪帶入行，然而當初他曾因哥哥擁有「主角光環」而心生嫉妒。

左起：李有毅、錢嘉樂、李國煒

嘉樂透露小時候是一名經常模仿哥哥的小屁孩，兩兄弟同樣不是讀書的材料，看書本總是打瞌睡，所以小豪十多歲便投考邵氏訓練班，當年未畢業的他被張徹導演看中，年紀少少便擔綱電影男主角，嘉樂稱：「佢嗰年只有十五歲，不過邵氏人工唔能夠滿足佢，所以佢要『秘撈』。」

錢嘉樂

在圈中打滾一段日子，小豪便介紹嘉樂入電視台做龍虎武師，嘉樂指當年純粹「搵啖飯食」，並沒想過要拍電影做主角，他說：「哥哥帶我學一門技能，我就誤打誤撞入咗行，不過都幾好玩，有錢嘛，雖然日薪唔多，得百二蚊，但日日出現金，銀包好漲卜卜，買燒鵝髀可以唔使斬，成隻買嚟扯。」後來嘉樂加盟影壇「大哥大」洪金寶的「洪家班」，開始其電影生涯。

錢嘉樂分享當年做龍虎武師的點滴。

嘉樂在「洪家班」是最年輕的龍虎武師，包辦所有高難度動作，雖然身經百戰，但也多次因意外而斷手斷腳，直到有天醒覺生命有周期，體能會下降，他說：「見啲前輩無論以前幾威都好，年紀大咗都冇得威，就開始識得尊重拍戲。」

錢嘉樂在「洪家班」是最年輕的龍虎武師，所以包辦所有高難度動作。

問嘉樂多年來做替身不見樣可有感到遺憾？他說：「冇！惟一係哥哥早熟，高我成個頭，又靚仔過我，我哋好close，有一年邵氏首映，見到哥哥畀咁多記者圍住，點解佢可以做主角？點解我就要跳樓、跳車、被火燒？我哋一齊成長，大家應該平起平坐嘛，我又被人冷落，當時有少少感覺！我都係靠自己努力，唔係靠面口搵食，冇話做替身唔抵，只係為人服務。」

錢嘉樂坦言曾嫉妒哥哥錢小豪。

嘉樂直言初入行時被影視圈的花花世界吸引，又跟很多紅星合作過，例如與鍾鎮濤和葉蒨文拍攝電影《殺入愛情街》時，他便替鍾鎮濤拖實葉蒨文隻手，嘉樂笑言：「我嗰時直情以為自己係鍾鎮濤。」

左起：李有毅、錢嘉樂、李國煒

詳細節目內容，請留意5月24日，晚上11時–凌晨1時，新城知訊台《Ben同Benson Chur到行》，網址：https://www.metroradio.com.hk/MetroInfo/

藝人譚永浩（Jarryd）日前攜KOL女友杜小喬到新城廣播接受李有毅（Ben）與兒子李國煒（Benson）主持的《Ben同Benson「Chru」到行》錄音訪問，回顧入行以來的辛酸歷程，他透露初入行時經濟拮据，銀行戶口曾一度只剩下雙位數，連增值八達通也無能為力，要問朋友借一百元應急。

譚永浩接受新城《Ben同Benson「Chru」到行》訪問。

Jarryd在節目中憶述當年經濟最困難的時刻，「嗰時其實都真係幾難捱，冇得去做自己鍾意嘅事，冇得去食自己鍾意嘅嘢，燒味飯抵食就食燒味飯。」他慶幸當時與家人同住，至少不用擔心租金開支，但其他生活支出只能靠過往在銀行工作時儲下的積蓄支撐。他透露：「我記得有一次去到戶口真係冇錢，只有雙位數，㩒唔到錢，我增值八達通都冇錢。」

他續說：「記得當時我喺將軍澳，因為我放工喺TVB，然後我要問一個住喺將軍澳嘅朋友，可唔可以過錢畀我，畀我一百蚊增值。」Jarryd坦言：「係試過一段咁樣嘅時間，所以好記得。」他形容這段經歷讓他更珍惜現在擁有的一切。

譚永浩自爆銀行曾剩雙位數。

Jarryd在訪問中亦提到，從TVB藝員訓練班畢業後，與一班同學一同捱過不少苦日子。他說：「一開始訓練班出嚟嘅每個人都係咁，一定演好多劇集入面嘅『茄哩啡』角色，士兵、醫院嘅醫生。」

他分享了一個最深刻的畫面：「記得有一次我哋做清兵，唔使埋位時，我哋一班同學一齊瞓喺廠嘅旁邊，因為我哋要等，冇特別地方，鋪一張紙喺嗰到，成班人都瞓喺嗰到休息，我覺得我哋好似難民咁。」由於是新入行，有時候工作人員對待他們的態度也會較差，但幸好有一班同學共同面對、一同捱過這段時間，他說：「雖然係苦嘅，但都過得開心。」

譚永浩感激「神賜」女友杜小喬。

然而在疫情期間，演藝工作全面停擺，為了不想重蹈戶口沒錢的覆轍，他決定放下身段。他說：「以前我一定唔會應承，我係做演藝，你叫我送外賣？我一定唔會。」但他最終改變心態，與朋友創辦網上買餸平台，親自處理執貨、送貨等工作，這段經歷後來更成為他首支派台歌《光》的MV創作靈感，而他在MV中正是飾演一名外賣員。

談及新歌《光》，Jarryd指歌曲內容正是講述人生中經歷黑暗時期，要抓緊心中的希望。他說：「我哋人生一定會遇到好多黑暗時期，但唔可以放棄我哋心裡面嘅嗰一道光，一定要向住佢進發，先可以走到一個光明嘅對岸。」

左起：李有毅太太、李有毅、譚永浩、譚永浩KOL女朋友杜小喬、李國煒

2019年，Jarryd参演音樂劇《我們的青春日誌》成為重要轉捩點。他說在過程中學到很多東西，「因為做音樂劇，我開始唱番好多歌，重燃我想做歌嗰團火。」他更透過這套音樂劇認識了女友杜小喬。Jarryd說：「其中一個最大嘅得著一定係識到我依家嘅女朋友，嗰時我哋係男女主角。」他形容這段關係是「神賜給我的一個禮物」。