譚玉瑛２月跌斷腳 療傷近四個月正式回歸 台長程凱欣夥何基佑 黃筠兒送香檳蛋糕慶祝

新城廣播節目《QK玉瑛室》主持譚玉瑛（阿譚），今年2月跑樓梯時意外跌斷腳，後來更要入院接受手術治療，留醫一個月後休養至今，於今天（22日）正式復工；阿譚的兩位拍檔何基佑、黃筠兒及知訊台台長程凱欣，特別送上香檳及蛋糕慶祝她回歸，阿譚更即場開香檳暢飲，現場歡笑聲不絕。

阿譚更即場開香檳暢飲，現場歡笑聲不絕。

阿譚今天撐住拐杖亮相，雖然行動緩慢，但精神不俗。當看到大家送上兩支香檳及蛋糕，阿譚更是笑逐顏開，而程凱欣則率領眾人和阿譚舉杯，慶祝阿譚正式回歸新城廣播，並祝福阿譚：「最緊要身體健康。」阿譚聞言表示：「收晒，多謝大家！」眾所周知阿譚是愛酒之人，問她受傷期間可有戒口？阿譚稱：「病嘅時候，就算有幾靚嘅紅酒，你都唔想飲，當我想飲時，就覺得好番啲喇！」

雖然行動緩慢，但精神不俗

慶祝阿譚正式回歸新城廣播

當看到大家送上兩支香檳及蛋糕，阿譚更是笑逐顏開

事後，阿譚重提受傷過程，她指當時自己心急追車，並於跑上梯級時不慎跌倒，以至左腳受傷，她語重心長表示：「原來一次唔小心帶出嚟嘅後果都好大，大家都要小心啲，唔係自己覺得得就得，好多意外都可以避免。」她又自嘲：「我以為自己仲後生，都唔記得咗自己幾多歲。（醫生話幾時好返？）我年尾仲要做多個小手術，攞番啲幫助骨復元嘅物件出嚟。」

阿譚重提受傷過程

提到休養期間有不少好友前往探望，阿譚直言料不到有這麼多朋友關心自己，就連平時甚少聯絡的友人都專程到醫院探望，令她感到十分窩心；對於梁芷珊登門探訪，以至她的豪宅曝光，阿譚笑言：「唔好當係我屋企。（網民讚你屋企有品味？）淨係得個咁嘅景就講到咁，真係誇張。」

藝人胡渭康（William）9月29日到新城廣播接受譚玉瑛（阿譚）、何基佑及麥皓兒主持的《QK玉瑛室》訪問，大談當年參加完第一屆新秀歌唱大賽後，首個主持的就是兒童節目《430穿梭機》，阿譚笑指：「你當年咁虛榮要做明星？」William澄清：「唔係虛榮，我嗰時成日參加歌唱比賽，一星期出去比賽兩三日。」

左起：何基佑、胡渭康、譚玉瑛、麥皓兒

問William比賽完即調入兒童節目可有失望？他表示：「我嗰時只有15歲，點會識得失望，可以上電視，又可以同阿譚做兒童節目，我就係咁認識阿譚。」阿譚揚言當年跟William相當投契，William即表示：「可能我細個，妳母性又好。」他指當年自己只是小朋友，對電視台每樣事物都感到很新奇，令他大開眼界，William笑稱：「不過我成日畀人笑，生得牛高馬大，明明係細路，但我嘅動靜同身高唔匹配。」

之後William與林利和蔣慶龍組成小虎隊，並獻唱多首經典歌，包括《忍著淚說Goodbye》及《伴我啟航》等，何基佑即表示：「我四歲就成日聽你唱歌，好深刻，《忍著淚說Goodbye》我日日聽，嗰時覺得呢班哥哥好勁，首歌好好聽。」William亦一臉自豪：「以我所知《伴我啟航》到今日警隊步操都有用，因為好代表到嗰種精神。」

胡渭康接受新城廣播《QK玉瑛室》訪問。

詳細節目內容，請重溫9月29日，下午3:00 – 4:00，新城知訊台《QK玉瑛室》節目，網址：新城知訊台 (FM 99.7 - 102.1)