王浩信遭爺爺反對入行 夥汪明荃演戲緊張手震

藝人王浩信接受新城《QK玉瑛室》節目主持譚玉瑛（阿譚）和何基佑錄音訪問，祖籍新疆的王浩信於深圳出生，約半歲跟隨父母來港定居，他自小在港接受教育及成長；浩信透露小時候放學回家，最愛收看阿譚有份主持的兒童節目《閃電傳真機》，充滿童年回憶，他表示：「見到譚玉瑛姐姐就有一種好親切嘅感覺。」

王浩信接受新城《QK玉瑛室》訪問。

浩信又稱4、5歲時經常跟家人回新疆探親，去年亦曾回鄉自駕遊，大讚家鄉，「其實依家烏魯木齊已經好發達，商場好似中環啲大型商場咁靚。」之後繼續自爆：「好多人仲會問『你哋仲會唔會騎馬返學』、『你哋係咪識騎馬射箭呀』，真係有人咁問！」

浩信入行前任職平面設計工作，他透露兒時曾想過做童星，可惜被家中最有權威的爺爺阻止，他表示：「佢話唔鍾意個孫去電視台做『茄哩啡』。直到20歲，我參加Neway卡啦OK舉行嘅試音活動，當時唱謝霆鋒嘅歌，跟住誤打誤撞入咗行，屋企人唔支持，但我瞞住佢哋簽約。」

左起：何基佑、王浩信、譚玉瑛

後來，浩信成功由歌手轉型做演員，並於07年與汪明荃（阿姐）、胡杏兒及黃宗澤等拍攝劇集《野蠻奶奶大戰戈師奶》，飾演「富二代」的浩信首次與阿姐有對手戲，他表示：「我緊張到手震，嗰時完全唔識演戲，係一張白紙，喺咁多前輩面前，我惟有盡力做，做到七成都好，阿姐可能洞察到我好緊張，佢話『你放鬆啲啦後生仔』，仲手把手教我點演繹一個富二代。」

另外，浩信早前夥吳卓羲、郭晉安、歐陽震華及高鈞賢參與內地網上直播節目，5位男星大跳《晚安大小姐》舞步，主持何基佑形容「網上有好多唔同聲音衝擊」，問浩信如何處理這些聲音？他笑言：「我覺得OK喎！今日仲見到（網民）叫我去海底撈度撈，我都想試吓係咪真係得，我未去過海底撈見過咁嘅跳舞場面，真係孤陋寡聞。」

王浩信上內地節目跳舞引網民熱話。

之後浩信一臉嚴肅，他指很多時一些表演或事情發生了，反而多了人去關注和討論，但大眾一是喜歡，一是不喜歡，總不能強迫對方喜歡自己，他稱：「我哋盡咗力去做好件事就OK，好榮幸可以同呢幾位前輩去玩吓，同埋的而且確當日節目數據對工作係滿足到，亦都多咗人關注我哋，當下有兩個字呈現出嚟，TVB出嚟嘅人係敬業，那怕幾多歲都好，就係敬業。我覺得冇所謂，每個人都有佢年紀增長，繼續與時並進做啲畀大家睇得開心嘅嘢。」

詳細節目內容，請留意6月27日，下午3:00 – 4:00，新城知訊台《QK玉瑛室》節目，網址：https://www.metroradio.com.hk/MetroInfo/

《中年好聲音3》鍾凱瑩（車仔）日前到新城接受老公何基佑(Kay)與譚玉瑛、黃筠兒主持的《QK玉瑛室》訪問，分享她人生首支派台歌《不散筵席》的背後故事，以及她從破碎家庭中走出來的心路歷程。

《中年好聲音3》參賽者鍾凱瑩（車仔）日前到新城接受老公何基佑（Kay）與譚玉瑛、黃筠兒主持的《QK玉瑛室》訪問，分享首支派台歌《不散筵席》背後的心路歷程。

車仔在訪問中透露，自己來自一個聽障家庭，父親聽力受損，小時候她與父母溝通主要靠手語。雖然父親聽不到她唱歌，但仍會在她比賽或表演時默默坐在現場支持：「對一個聽唔到嘅人嚟講，其實係好悶，但我爸爸都會坐喺度支持我。」她參加《中年好聲音3》的其中一個原因，正是想做一件令父親驕傲的事。

車仔12歲時母親去世，此前她與母親的關係並不好，更曾遭受虐打、疏忽照顧及遺棄。她回憶，母親最後一次從台灣回港時，買了一大袋衣服給她：「我而家回想，佢想道歉，但佢就冇講對唔住，想做一啲事表示對你好。」

左起：何基佑、佑鍾凱瑩、譚玉瑛、黃筠兒

當時年紀尚小的她未能理解母親的心意，反而感到憤怒：「當我乞兒咩？買一袋嘢，你自己唔啱就買俾我？」及後母親離世，她來不及處理情緒，也來不及與母親和解。如今成為人母的她，反思這段經歷時說：「如果我嗰時成熟啲，我都可以唔使佢講嗰三個字（對唔住），我都可以擁抱佢。」

車仔表示，她過去並不喜歡與人談論自己在兒童之家成長的背景，也不願透露來自聽障家庭。她感謝丈夫何基佑的鼓勵，令她願意打開心扉：「我同佢講完之後，反而佢會鼓勵我，其實你有咁樣嘅人生經歷，你應該多啲同人分享，可以鼓勵到別人。」

車仔自揭來自聽障家庭，12歲時母親去世，曾遭受虐打及遺棄。

她坦言，當她願意分享自己的故事後，不少背景相似的聽眾告訴她，原來這樣的人生經歷也可以坦然說出來，令他們不再介意面對和接受自己。「我覺得同人講嘅時候，唔單止可以接納自己，都可以鼓勵別人接納自己，我覺得呢個對我人生嚟講係更加有意義嘅事。」

提到新歌《不散筵席》，曲、詞、監製為高皓正，當她收到歌詞時，被其中一句「未春天，就已變了昨天，未再見，就已到了這天。」深深觸動。她表示，人生中往往未準備好就要面對各種情況，而這首歌正是提醒大家要活在當下，珍惜每一次與人相處的機會。

車仔感謝老公鼓勵她打開心扉，希望以自身經歷鼓勵別人接納自己。

MV男主角特意邀請了張頴康（康仔）演出，因為需要一位演技精湛的演員來帶動整首歌的情緒。車仔又分享邀請張頴康的經過：「我Send訊息俾康仔，話我嘅MV想搵一個好戲嘅人，佢就話『你問我老婆啦，你同我老婆聯絡』。我同佢老婆講完之後，佢老婆回覆嘅時候就話『你未畀期我喎』，都唔使再問任何嘢！」她表示十分感謝兩夫妻的全力支援。

而車仔的一對寶貝仔女也有份參與MV拍攝。兒子更在拍攝現場說：「我已經想抱佢（康仔）好耐。」車仔又大爆丈夫何基佑擔心兒子在拍攝空檔搗亂，故出動「殺手鐧」：「爸爸驚佢唔使埋位時會搗亂，所以出咗啲數學練習畀佢做，等佢安靜一下。」

詳細節目內容，請重溫4月9日，下午3-4時，新城知訊台《QK玉瑛室》，網址：https://www.metroradio.com.hk/MetroInfo/