孔德賢突襲宣布升呢做爸爸 慶祝囝囝風風4歲生日

近年備受TVB力捧的「全能新人王」孔德賢（Danny）22日突然在社交平台拋下震撼彈，曬出溫馨「父子合照」並寫道：「正式同大家宣布，我做爸爸啦！佢係我個仔風風，今日5月22係佢4歲生日！」，鏡頭一轉，原來「囝囝」係佢養嘅4歲愛犬！一場「父子情」大龍鳳笑爆全網，粉絲紛紛留言：「睇標題嚇到差啲取消Follow，原來係『狗爸爸』！」

孔德賢自入行後專注發展事業

近年備受TVB力捧

孔德賢深情分享與風風的相遇故事，指自己從小渴望養寵物卻苦無緣分，直到4年前遇見當時還是幼犬的風風：「佢眼神流露住一份忠誠同善良，見一次面就決定收養！」不過這位「新手爸爸」亦爆料，風風初到家中時極度缺乏安全感，整整一個月躲在桌底「自閉」，甚至從不閉眼睡覺，「甚至頭一個月，我都冇見過佢瞌埋眼瞓覺，差啲以為佢唔使瞓覺，原來佢只係保持非常高嘅警覺性。好幸運地，獸醫話風風身體非常之健康，身形亦都非常之標準。」

曬出溫馨「父子合照」

深情分享與風風的相遇故事

孔德賢在帖文中瘋狂炫耀「囝囝」優點，列出風風七大美德：「唔會亂吠、唔搶狗繩、識自己去廁所、唔護食、唔跳上床、唔會半夜吵醒人，仲成日笑口常開！」更甜蜜告白：「能夠遇到風風係我最大幸運，呢度永遠係你嘅屋企！」網民笑指：「呢段『育兒經』簡直係寵物界招生廣告」、「睇嚟Danny第時真係做爸爸都會係暖男！」

由《靈戲逼人》王偉仁監製、李昊、陳可兒編審的全新靈異輕喜劇《香港探秘地圖》，將由下周一（5月18日）起，逢星期一至五晚八點半翡翠台播映。主要演員有黎耀祥、龔嘉欣、丁子朗、倪嘉雯、孔德賢、袁文傑、楊玉梅、關曜儁、黃子桐等。

下周一（18日）首播的《香港探秘地圖》，故事圍繞7大香港都市傳說為藍本，包括大學校園傳說、片場靈異故事、華富邨UFO、結界之謎等。劇情講述為人極度科學頭腦、擅長邏輯思維的女主角畢鳴（龔嘉欣飾），透過深入探討及揭秘各式各樣的都市傳說，誓要揭開風水大師莊一臣（黎耀祥飾）神棍真面目！

《香港探秘地圖》

《香港探秘地圖》

黎耀祥：套戲令大家重新認識香港地標式景點
為了配合主題，劇中五大主角黎耀祥、龔嘉欣、丁子朗、倪嘉雯及孔德賢，走訪了不少香港知名的靈異地點及風水勝地進行拍攝，當中包括姻緣石、華富邨以及新娘潭等。黎耀祥：「香港老一輩會知好多傳說嘅嘢，而新一輩對好多嘅地方、可能去過但未知道裏面有咩故事，咁我覺得呢個戲係可以畀大家重新認識到好多香港地標式嘅一啲景點。有啲故事好感人，好似表面係一個傳說或者一啲懸疑，但背後動機或背後人嗰種感情其實好豐富。」

《香港探秘地圖》

《香港探秘地圖》

最令人意外的，眾人在無意之間於農曆七月十四當日踏足墳場拍攝，龔嘉欣昨晚接受《東張西望》主持人梁麗翹訪問時，坦認是人生成就解鎖：「我記得有一件事，就係我哋拍墳場嗰日係農曆七月十四。」孔德賢：「呢個真係誇張。」龔嘉欣：「我哋初頭都冇為意原來嗰日係七月十四，呢度齊晒，全部人，齊齊去墳場。」孔德賢：「仲拍咗成晚添，我哋。」龔嘉欣：「由朝拍到晚全日，我覺得我哋過到呢關，冇嘢會過唔到。」

談到拍攝趣事，龔嘉欣踢爆丁子朗於姻緣石取景時，偷偷地私下拜了三次，似乎相當期待好姻緣。龔嘉欣：「我哋去姻緣石外景，佢拜咗三次。」孔德賢：「認真自己拜，偷偷地。」