孔德賢突襲宣布升呢做爸爸 慶祝囝囝風風4歲生日

近年備受TVB力捧的「全能新人王」孔德賢（Danny）22日突然在社交平台拋下震撼彈，曬出溫馨「父子合照」並寫道：「正式同大家宣布，我做爸爸啦！佢係我個仔風風，今日5月22係佢4歲生日！」，鏡頭一轉，原來「囝囝」係佢養嘅4歲愛犬！一場「父子情」大龍鳳笑爆全網，粉絲紛紛留言：「睇標題嚇到差啲取消Follow，原來係『狗爸爸』！」

孔德賢自入行後專注發展事業

近年備受TVB力捧

孔德賢深情分享與風風的相遇故事，指自己從小渴望養寵物卻苦無緣分，直到4年前遇見當時還是幼犬的風風：「佢眼神流露住一份忠誠同善良，見一次面就決定收養！」不過這位「新手爸爸」亦爆料，風風初到家中時極度缺乏安全感，整整一個月躲在桌底「自閉」，甚至從不閉眼睡覺，「甚至頭一個月，我都冇見過佢瞌埋眼瞓覺，差啲以為佢唔使瞓覺，原來佢只係保持非常高嘅警覺性。好幸運地，獸醫話風風身體非常之健康，身形亦都非常之標準。」

曬出溫馨「父子合照」

深情分享與風風的相遇故事

孔德賢在帖文中瘋狂炫耀「囝囝」優點，列出風風七大美德：「唔會亂吠、唔搶狗繩、識自己去廁所、唔護食、唔跳上床、唔會半夜吵醒人，仲成日笑口常開！」更甜蜜告白：「能夠遇到風風係我最大幸運，呢度永遠係你嘅屋企！」網民笑指：「呢段『育兒經』簡直係寵物界招生廣告」、「睇嚟Danny第時真係做爸爸都會係暖男！」

一連三集的旅遊節目《玩轉澳門加倍Fun》逢周六晚上8點半翡翠台播映。這次製作組繼續找來的「後生仔」班底有陸浩明（6號）、游嘉欣（游游）、孔德賢（Danny）及戴祖儀（Joey），齊齊玩轉澳門。

陸浩明、游嘉欣、孔德賢、戴祖儀開心玩轉澳門！

四人去品嚐新加坡餐廳美食。

戴祖儀豪爽話埋單！

Joey美食當前心情大靚。

6號慫恿大家講一句激嬲佢嘅說話。

今晚（7月26日）一集，四位主持除了去到典當業展示館、最新公仔打卡位、茶酒crossover的特色茶室外、應付製作組突如其來的「盲盒式」埋單，更挑戰了100蚊內買最多種類小食！今集Joey一度主動埋單，事緣四人到新加坡餐廳食好西時，Joey品嚐炸雞髀配椰漿飯時突然思鄉，父親是馬來西亞人的Joey說：「因為我好多年冇返去，都會搵啲東南亞嘅嘢食。」當品嚐到咖央多士時，Joey即突然豪邁高呼：「好啦，呢一餐我決定唔玩遊戲啦，直接我俾錢…好食嘅嘢真係令到你全日心情都非常之愉快，今日你哋講咩我都唔會嬲㗎啦！」6號即慫恿大家一人講一句激嬲戴祖儀的說話。

四人將分成兩組挑戰100蚊內買最多種類的小食。

四人將分成兩組挑戰100蚊內買最多種類的小食。

Danny以「美色」講價。

6號殺價功力驚人！

Joey都忍不住讚嘆。

游游「顏值」不及Danny 6號殺價勁狼死
至於「Budget限定買小食」挑戰，游游孖住Danny齊齊嘗試以「美色」講價，期間Danny獲街市姐姐大讚靚仔，成功殺價！另一隊Joey、6號也不惹小，二人化身「講價達人」，殺價度高達25％，當中尤以6號最為狼死，40蚊一嘢壓價至30蚊，令Joey大感讚嘆：「我好欣賞你劈價，可唔可以以後shopping都搵你？」最終，Joey竟只用了40蚊，就買齊榴槤、香印提子、蜜瓜、藍莓等高級水果！到底他們如何「刀仔鋸大樹」？密切留意今晚播出的《玩轉澳門加倍Fun》啦！

究竟邊隊贏呢？

四人去到典當業展示館。

上演小劇場。