周杰倫日本放閃驚現「神級地陪」！山下智久夜陪遊京都 改歌詞暗藏兄弟情

「亞洲天王」周杰倫（周董）同老婆昆凌近日蜜遊日本京都，2日突然在IG大晒驚喜合照，竟然請到日本男神山下智久做「超豪華地陪」！周董更即興改編自己首本名曲〈忍者〉歌詞：「京都的夜晚有一種榻榻米的稻香叫做友情」，明顯係向呢位日本好兄弟隔空示愛！

周杰倫同老婆昆凌近日蜜遊日本京都

請到日本男神山下智久做「超豪華地陪」

相中見到兩位亞洲男神夜遊京都街頭，周董一貫Chok爆姿勢，山下智久就展現日式靦腆笑容，還有昆凌同其他友人一齊欣賞煙花，畫面養眼到爆！周董仲興奮到轉發自己貼文到限動，預告：「明天繼續玩！」看來今次旅程還有排High！

周董一貫Chok爆姿勢，山下智久就展現日式靦腆笑容

一齊欣賞煙花

其實今年初山下智久訪台時，周董已經做過「天王級地陪」，帶佢周圍食玩買兼賞名畫。雖然兩人從未正式合作，但私下friend過打band，今次輪到山下智久做返地主之誼，粉絲都急急留言：「你哋幾時合作拍戲？」、「不如合唱啦！」

周董已經做過「天王級地陪」

兩人關係原來咁好

台灣天王周杰倫近年忙於內地巡唱吸金，行程密密麻麻。早前佢快閃返台宣傳新碟，完成活動後行程依然排滿，除了巡視自己經營的潮流店，更順便「巡樓」，被揭資產驚人。

周杰倫近年忙於內地巡唱吸金

當日活動結束後，周杰倫未有換走造型，直接喺工作人員陪同下離開，先去東區潮牌店視察，好友阿Ken提前到場迎接。逗留約90分鐘後，佢再前往位於台北大安區的豪宅，同行仲有女助理。

現與老婆昆凌居住於頂樓樓中樓單位

據台媒盤點，周杰倫與太太昆凌家族名下合共擁有9個物業項目、10戶豪宅，總市值超過21億新台幣（約5.17億港元），規模相當驚人。

周杰倫與太太昆凌家族名下合共擁有9個物業項目、10戶豪宅

其中位於大安森林公園旁嘅豪宅，由建築大師Richard Rogers設計，每戶價值動輒數億台幣。周杰倫早於2021年已豪擲逾3.5億新台幣入手。

其實佢一向投資眼光精準，早年已開始掃入豪宅，包括頂樓樓中樓單位、捷運站旁物業等，部分仲分別登記喺太太同母親名下，資產配置相當有策略。

除咗做「樓王」，周杰倫亦冇放慢音樂步伐，近期密集推出新歌MV，仲吸引林書豪拍片翻唱兼挑機：「这首MV只有9M views 如果有我在裏面肯定就20M了 我覺得我這個版本比較好 你們覺得呢？請認真 誰輸誰請客。周杰倫，我喜歡龍蝦 謝謝」

近期密集推出新歌MV

仲吸引林書豪拍片翻唱兼挑機

兩個禮拜已經播出四個MV

面對挑戰，周杰倫即刻回應：「你等等去看投票」，隔空互動火藥味十足。