「宅男女神」葉蒨文（Sophie）昨日（6月7日）接受薛家燕、范振鋒、思敏主持的新城《開心大派對》節目訪問，Sophie有份參與TVB全新戀愛綜藝真人騷《女神配對計劃》，她表示劇組為真實感，每次錄影要化完妝才知會拍乜。
「宅男女神」葉蒨文接受新城《開心大派對》訪問。
家燕姐問到有冇遇過瘋狂fans參賽者？她表示沒有：「參賽者都係醫生、律師、香港運動員、老闆，佢哋本身都很淡定及真誠，佢哋反而好緊張，而且職業不是我的選擇重要考量。」
葉蒨文與薛家燕
家燕姐馬上追問她的擇偶條件？她回答：「可以一齊經歷人生高低起跌，青梅竹馬。」家燕即再追問：「咁妳之前有冇拍過拖？」她坦白但又無奈答：「都有拍過，上一段拍咗６年半，對方年紀大自己14年，但他好有童心。不過在疫情期間，他經濟出現問題，導致情緒問題，從此好難行，已經盡力陪他走一段路，始終沒緣份繼續行落去。」而這段感情結束之後，她一直單身至今已經一年，她更坦言現時有追求者，但未有合心水。
范振鋒問她是否因為藝人給人感覺好難可以拍拖？Sophie認為原因：「女藝人只係一份工，點解俾人錯覺難追求？因為見識多了，其實現今社會好多女強人。」她更坦言唔鍾意富二代：「自己在英國讀書，有好多富二代。而可能我係單親家庭沒有爸爸，我好鍾意俾人鍚，好多富二代都有王子病，認為已為女方付出了好多。」
葉蒨文參加戀愛真人騷節目。
她指自己性格一向硬淨，如果拍拖的話，想做回小女人，想搵一位可以依靠的對象，不想給強過對方，而且有一樣擇偶條件是非常重要：「對方最緊要善良及一見鍾意，我的直覺好強好敏感的。」
女神公開唔鍾意富二代！
詳細節目內容，請重溫6月7日，下午2-3時，新城知訊台《開心大派對》節目，網址：https://www.metroradio.com.hk/MetroInfo/
前港姐陸詩韻（Sharon）日前到新城廣播接受由范振鋒（阿范）及婥絲（香港）美容儀器有限公司香港研發儀器創辦人Nicole Lam「高力豆沙」主持的《「鋒」繼續吹》環節「靚靚陪審團」訪問，一同探討美容行業的點滴。Sharon在節目中分享自己創立護膚品牌的過程，坦言當初選擇從護膚品入手，同時覺得美容院業務牽涉層面太廣，需要管理大量人手及醫生團隊，對當時的她而言門檻過高。
陸詩韻（Sharon）接受新城廣播《靚靚陪審團》訪問。
Sharon回憶道：「我比較穩陣，覺得不如搵一啲容易入手，就用護膚品開始。」但她直言入門並不如想像中簡單，當年親赴日本尋找廠商時，因訂單量不足，即使頂着「港姐」名銜，也未必獲得廠商青睞。「要去到日本工業區搵廠，佢都未必歡迎你，因為我哋咁細，又要話畀佢聽我係港姐。」
作為品牌創辦人，Sharon對產品成分的把關極為嚴謹。由於自己擁有港姐的知名度，產品一旦出現問題，輿論反應將會被放大十倍。「有權利必有義務，如果你有啲成分或者各樣嘢，有少少差池，你可能會得到嘅反應會更大。」因此她對產品成分的監管非常嚴格，避免任何錯失。
左起：范振鋒、陸詩韻、婥絲（香港）美容儀器有限公司香港研發儀器創辦人的Nicole Lam「高力豆沙」
Sharon分享創業路與美容血淚史。
Sharon分享了一次眼皮敏感的難忘經歷：「我曾經試過眼皮敏感，一邊紅咗一邊冇，好彩冇腫得好厲害，兩邊都搽上粉紅色眼影遮擋，整勻佢，出嚟喺鼻影打勁啲，睇落就冇咁覺眼。」
談及美容市道，Sharon指疫情期間雖然美容院無法營業，但家用護膚品需求反而大增，生意表現理想。「美容院開唔到，每個人都去唔到美容院，兩個星期唔去美容院，個樣係完全唔同晒嘅。」她透露當時每日收到大量查詢，訂單多至倉庫缺貨。
赴日洽談生意遭嫌棄訂單少。
Sharon又自爆年輕時曾因「進取型」心態，在使用高能量美容儀器時要求美容師將度數調至8（最高為10），結果導致面部出現「貓鬚」般的紅印及腫脹。「我打完之後係有『貓鬚』，一行一行，好似刮痧咁。第二日又要工作，遮都遮唔到。」她坦言自此之後不敢再過度進取，並提醒消費者應按自身皮膚狀況選擇合適療程。
提到業界常有微整形失敗個案，Sharon分享曾聽聞有人進行雙眼皮手術後效果不自然，眼皮吊得太高，導致眼睛看起來大了三分之一，乾眼症等問題隨之而來。她又笑言，若見到朋友整容效果過於突兀，會尷尬得不懂如何回應，通常只能以「近來精神咗」輕輕帶過。阿范亦分享自身經驗，指曾因朋友整容後容貌變化太大，一時未能認出，場面尷尬。
Sharon自爆做機太進取出事。
詳細節目內容，請重溫：
３月26日，晚上11:00 – 00:00，新城知訊台《「鋒」繼續吹》節目，網址：https://www.metroradio.com.hk/MetroInfo/
３月27日，晚上８:00 – 9:00，新城MBO TV《「鋒」繼續吹》節目，網址：https://mbo.metro.hk/
