刑偵12｜張松枝體力不輸張振朗！林保怡被爆貼心萬歲力抗高溫

由TVB和騰訊視頻聯合出品，鍾澍佳擔任總監製、譚廣源、郭浩仁總編劇、巢志豪監製、張峻豪、歐耀傑、何嘉華擔任導演的《草姬靈芝孢子呈獻：刑偵12》。

保怡同人格會「交替出現」大戰振朗。

保怡

下周邁向結局周的《刑偵12》，第十九及第二十集劇情圍繞林保怡飾演的丁洛風、與7個人格之間的「鬥爭」。為了脫離被丁少芸（陳法蓉飾）及「暴力人格」林昱水（張松枝飾）的囚禁、奪回身體主導權，洛風需要盡快找出每個人格的解離原因並與之和解…另邊廂刑凱（張振朗飾）及芷菲（傅嘉莉飾）想盡辦法拯救迷失了的洛風，期間遇上少芸挑機，致使刑凱與洛風的不同人格上演了一場精彩刺激的「貨櫃人格大戰」！

姚宏遠

連播兩集的貨櫃人格大戰不但節奏明快、動作場面精彩刺激、鮮艷顏色對比的美學構圖、還帶出了不一樣的視覺效果，獲網民封為劇集名場面。這場刑凱大戰洛風人格一幕，拍攝手法相當新穎緊湊，上一秒刑凱還與昱水你死我活，下一秒昱水搖身一變成為洛風，並極力阻止自己傷害刑凱…除了昱水、夏軻（姚宏遠飾）及丁少婷（陳若思飾）等亦輪流出場與刑凱激戰/激辯，場口每一秒都充滿反轉及令人透不過氣的壓逼感。

畫面構圖真係好靚好Impressive

其實如果細睇，振朗面色真係唔係幾好，但佢都咁專業捱過晒所有拍攝，Salute！

保怡呢個場口，會跳出跳入，極力控制自己人格傷害振朗。

保怡阻止咗姚宏遠，仲同佢和解咗。

據知，這場貨櫃人格大戰前後拍了足足兩、三天，拍攝期間正值夏天，加上為免影響收音，台前幕後需要在完全沒有開冷氣及密不透風的情況下、頂著30多度高溫，展開連串追逐及肉搏，還要應付多個情緒高漲場口，齋是想像也知道有多辛苦。據知，出名捱得的振朗，拍攝首天即驚現疑似中暑狀況，對此振朗接受tvb.com專訪時，直指拍攝現場「好似地獄」：「因為拍嗰陣要封晒所有入口之餘，仲要係冇冷氣、超級焗，加上係鐵皮屋，太陽一曬會好似焗爐咁愈嚟愈熱，而我嘅造型係長褲同長身厚軍褸，仲要全程跑嚟跑去、跑嚟跑去。我開頭都仲以為自己頂得順，因為都拍咗咁多年嘢，但拍咗兩個零鐘之後，我仲著住件褸、Feel到自己出咗好多汗、但我就覺得好凍，咁我就知道大鑊喇，我知自己唔對路，但因為仲有十幾個鐘要拍，但冇辦法要捱過去。」

張松枝呢個「露齒奸笑」，已經成為佢呢個角色嘅招牌。

張松枝相當跑得。

動作連場

打打吓輪到陳若思人格走出嚟。

張振朗從演多年首度出現一狀況
振朗續指由於拍攝場地偏遠，來回原本的酒店需要四個多小時車程，為爭取時間休息，振朗第一次主動要求工作人員幫忙在附近訂酒店，讓自己之後有較好的狀態可以繼續開工，振朗受訪時，一再感激巢導及劇組貼心安排：「好多謝巢導幫我Handle晒成件事，佢真係好體貼演員嘅心理同身理狀況；第二日劇組又好快咁作出調動，等演員休息期間可以出外面呼吸吓新鮮空氣。」巢導亦大讚振朗雖然拍攝第二、三天身體狀況明顯不太好、聲線都病至沙啞，但只要一開機便看不出任何異樣，大讚振朗專業。

張松枝人格最難和解。

張振朗頂硬上完成拍攝，但佢專業在喺鏡頭面前係完全睇唔出佢有任何異樣。

張振朗啲人格，呢一場都會彈出彈入。

張松枝每日收工驚現「黑色鼻窿」 親揭身手弗爆之謎
在場口中體力消耗僅次振朗的，就是飾演昱水的張松枝。松枝雖已年屆58歲，但他不但展現了超靈活及超而有力的身手，跑速亦絕對不輸出名跑得的張振朗（詳情請看《反黑英雄），體格弗爆。對此松枝接受tvb.com專訪時，透露好身手其實是努力多年累積回來：「身手都係多年拍攝經驗累積返嚟嘅、平時都有做開帶氧運動同拉筋、不過最緊要都喺我哋嘅武術指導、同埋導演攝影配合、佢哋設計好個動作概念、先有咁好效果。」問到拍攝場口是否很地獄，松枝直認不諱，並笑言每日收工後都變「黑色鼻窿」：「現場冇冷氣兼且密不透風，仲好多塵埃，抖氣非常困難，每日收工返去個鼻孔都係黑色嘅。呢個場口係非常辛苦嘅，每日拍至少17個鐘、全程動作真係唔係講笑。不過保怡Bowie同製片組都keep住有萬歲提供冰凍飲品畀大家。」

啲場面又好睇又驚險。

其實呢場超齊人！

松枝是次飾演性格暴戾的昱水絕對入型入格，除了獲大讚「夠晒變態」，他的招牌「露齒奸笑」亦引發迴響，並被同劇演員笑言是「父親節最佳笑容」，相當爆笑。對此，松枝親揭「露齒奸笑」設計概念：「呢個角色係非常有自信同自我、認為其他人都係廢物、仲會恥笑佢哋。咁呢個笑容就可以令到角色更加狂妄、更加可以令到觀眾覺得有種心寒嘅感覺。至於點解呢個角色會專用刀，就係因為正所謂笑裡藏刀、況且用刀配合埋武打動作，視覺上用比用槍強烈好多。」

TVB一眾藝人近日積極備戰，為今日（5月1日）的《明星籃球精英隊表演賽．廣州站》密密加操，對戰由前中國男籃國手的孟鐸，以及有「路人王42冠王」陳澤文組成的球星隊。籃球女神劉穎鏇作為明星隊隊長，率領譚俊彥、張振朗、何廣沛、許家傑、戴祖儀、孔德賢、周志康、潘靜文、劉頌鵬、劉詠彤等人密密練波。

籃球女神劉穎鏇率領明星隊為《明星籃球精英隊表演賽．廣州站》密密加操。

藝人們平時工作繁忙，可以就到時間齊人練波已經非常難得，大家為了積極備戰，每星期最少都練一次，可以的話甚至一個星期練三課，非常努力。當中隊長劉穎鏇與許家傑被眾人寄予厚望，視為「神隊友」。

身為隊長兼籃球女神，劉穎鏇表示以往未試過在內地比賽，知道今次會在天河體育中心體育館作賽，心情有點緊張。雖然她近期比較少練波，但為了今次有更好表現，每星期最少都練習一次，大家都很團結去練習，非常期待。她又笑言：「反而我覺得同男仔打波會好啲，因為佢哋會錫住我哋。」她又大讚隊友會互相補位，而且已經培養好默契，希望到時每人都可以得分。

劉穎鏇

劉穎鏇、戴祖儀

劉穎鏇

在旁的張振朗則表示今次比賽是要「搵初戀」，他笑言：「今次參加比賽我想搵返初戀，自從13歲夏天同籃球結緣之後，我好耐都冇打過喇。而且我13開始就有個籃球夢，所以我今次唔係嚟比賽，我係嚟尋夢！」有張振朗在場搞氣氛，令大家在一片笑聲中練習。

張振朗

氣氛擔當又點止張振朗，戴祖儀笑言：「我已經買咗兩個啦啦球，準備做啦啦隊同大家打氣，我唔會落場㗎！」然後她即場射籃豈料射失，她自嘲：「我角度係有㗎，係冇力之嘛，我有埋力鋪鋪做神射手都唔知你哋點算。」

戴祖儀

雖然練習時有講有笑，但何廣沛表示對於今次比賽心情緊張，因為未知對手實力如何，以前在橫店拍劇時也曾與當地的學生打籃球，他說：「當地啲學生好勁，個個都好高大，手長腳長。」雖然會因為比賽感到緊張，但有許家傑（Jack）做隊友令他很放心，他說：「Jack有自己球隊，係HERO嘅老大哥，好有經驗，有佢帶住個心都定啲。」他又說：「相信只要傳到空位俾Jack，都有8、9成機會入波。另一位猛將Tiffany都好勁，期待佢到時可以做到得分王！」他又笑言：「籃板王我應該攞硬，我好有信心，呢幾次練波都有一個2米高嘅對手訓練我彈跳力，依家我跳到兩個膝頭傷晒，就快變『雙失』㗎喇。」

何廣沛

許家傑表示雖然未試過在內地打籃球賽，但有留意開國家隊表現，特別是女籃每一位運動員都很高，高自己成個頭；又試過跟內地朋友打籃球，覺得對方不論是技術與體魄都很強。Jack又表示自己從小就打籃球，雖然近年轉跑馬拉松、pickleball，不過自己有球隊所以沒有生疏。戴祖儀亦讚他很專業，會教大家跑姿、射姿。而Jack覺得Joey很捱得：「上次佢練到塊面都青晒斷氣咁滯都仲好堅持，可能公司藝人都比較捱得。」

許家傑

同場的孔德賢以前有在內地踢過足球賽，但籃球賽就第一次，他表示期待與大灣區、廣東省嘅朋友交流。而劉頌鵬就表示現時可以做的就是積極備戰，這幾個星期是他人生最接近做運動員的一次，基本上一個星期練三課。他們覺得，如果之後有機會原班陣容組隊定期練波，再將它拍成節目，或者參加業餘比賽也不錯，相信各位男神、女神一起拍節目會很好玩。

孔德賢

大合照