谷德昭晒自己絕版書 忽發奇想：可唔可以將仲睇得下嘅文章Post上網呢？

導演谷德昭近年活躍於社交平台，不時出PO分享工作花絮、電影、日常點滴等，近日他就晒出自己曾出版、已絕版的書籍，更忽發奇想想搞搞新意思。

谷德昭Facebook圖片

谷德昭Facebook圖片

谷德昭留言：「本人正值失業期間，每日都喺度諗吓嘢、寫吓嘢、睇吓嘢，希望寫到新劇本，諗嘢、寫嘢、睇嘢，自然就會睇書櫃，發現自己原來都寫過幾本書，多數都係當年在報章雜誌上面寫嘅文章，集結成書。既然當天嘅出版社到今天都已經執咗笠，啲書絕晒版，想買都買唔到，咁可唔可以將仲睇得下嘅文章Post上網呢？，其實就冇乜可以唔可以，最緊要係你哋有興趣定冇興趣啫，有興趣嘅不妨話我知。冇興趣嘅就更加要話我知，OK，唔該晒！」

現年60歲的谷德昭，與44歲女友林子萱拍拖超過20年，二人一直維持「不結婚、不生子」的共識，但感情穩定，多年來互相扶持，經歷不少人生高低起伏。

二人拍拖超過20年

不過近日林子萱的一則社交平台動態，卻令外界關注她對人生規劃的轉變。她上載一段獨自乘坐飛機商務客位的短片，畫面中神情若有所思，並打出「雪卵唔雪卵」字句，似乎正為是否保留生育能力而感到猶豫。

在IG上問大家「「雪卵唔雪卵」

似乎正為是否保留生育能力而感到猶豫

片中她一邊整理隨身物品，一邊靜靜看書，並寫下：「唔想傾偈，好想傾偈？哦！吓！唉！嗯……Don’t ask me questions kinda Day」，似乎好矛盾。

一邊靜靜看書，並寫下：「唔想傾偈，好想傾偈？哦！吓！唉！嗯……Don’t ask me questions kinda Day」

事實上，林子萱早前亦曾分享對人生與工作的感悟，透露自己走訪超過300間學校，投放心力於教育與社區工作，並形容自己為「Wounded healers」，希望以自身經歷影響他人，「生命改變生命」。

現時她致力於教育與社區工作

她早年以歌手、模特兒及演員身份入行，曾參演劇集及創作歌曲，近年已淡出幕前，轉型為瑜伽導師，並積極參與社區活動，形象正面。

感情方面，她與谷德昭多年來低調穩定，曾一同經歷健康問題。林子萱過去曾受荷爾蒙問題及濕疹困擾，當時谷德昭一直陪伴左右；而近年則輪到谷德昭健康狀況備受關注，曾被拍到身形明顯消瘦，需要拄拐杖行走。

近日谷德昭明顯消瘦