移英港男稱快達申請PR資格多人計劃回流 直指香港兩方面比英國：好好多

近日一名移英的港男於社交平台發文分享，指愈來愈多移英港人接近申請英國永久居民（PR）的資格，不少人正計劃在取得身份後「回流香港」。他又直言英國存在兩大問題，強調「香港真係好過英國好多」。

港男直言英國存在兩大問題，強調「香港真係好過英國好多」。AP資料圖片

聲稱有不少人正計劃「回流香港」

有移民英國港男近日在社交平台Threads發文，指「近排感覺到唔少移英港人部署取得PR或BC（英國公民身份）後回流香港」。皆因BNO 簽證「5+1 計劃」實施數年，至今已有愈來愈多移英港人就快達到可申請「PR」門檻，港男聲稱有不少人正計劃「回流香港」。

至今已有愈來愈多移英港人就快達到可申請「PR」門檻，港男聲稱有不少人正計劃「回流香港」。

論「物質富裕」「生活方便」香港好好多

港男列出英國兩大問題，他說要論「物質富裕」及「生活方便」，起碼在這一刻，「香港真係好過英國好多」。他坦言得要回流香港並不容易，「唔少移英港人已經喺英國買咗屋，移民過程亦用咗好多錢，回流返港，安頓香港生活又要使一大筆，回流條路唔一定易行」。

港男直言英國存在兩大問題，強調「香港真係好過英國好多」。AP資料圖片

有網民表示歡迎

帖文引來網民熱議，有人表示歡迎移英港人回流「梗係歡迎佢哋回流。佢哋點都租住樓先，又或者點都重新要買樓，樂觀啲諗都可以幫到香港樓價」、「好多嘢其實香港都好好」。

不少移英港人留言，稱自己已習慣了當地的生活，一切已穩定，並無回流打算。AP資料圖片

不少移英港人稱並無回流打算

但都有不少移英港人留言，稱自己已習慣了當地的生活，一切已穩定，並無回流打算「我下年都申請PR了。冇打算回流，買咗樓，工作又穩定，生活亦都適應」、「攞咗英藉返香港冇問題，不過有家庭小朋友估計都繼續讀上去，未必返香港讀，咁父母自然就好難返香港」、「可以申請PR未必一定得到PR。PR是發給一些能夠在英國生活，想在英國生活的人。一般要證明在英國有工作，入息達標，才會發PR」、「6年已settled down啦， 仲返香港由頭適應1次，自己玩自己？」、「已經settle down，有份長工，買咗樓，真係唔會考慮回流」。

網傳影片，3位大媽在收銀台前上演激烈爭住埋單的場面，手機付款碼準備就緒，個個爭住叫「我嚟！我嚟！」。其中一位看似搶先成功付款，但之後卻有反轉，有眼利的網民更看出當中玄機。

目擊者在社交平台發帖

樓主在社交平台Threads上傳短片並發帖，留言指「真係誇X張，完全目中無人，直接喺我面前表演MMA。我企喺後面好似以為我有防護罩咁，真係呆Ｘ咗」。

大媽搶付藥油錢超激烈：我嚟

影片可見，3位大媽在收銀台前「爭位」，搶住為藥油付款，「得得得得得得」、「唔好唔好唔好」、「我嚟我嚟我嚟」、「呢度呢度」此起彼落。

大媽搶付藥油超激烈：我嚟！當事人帖文截圖圖片

搶先掃碼以為贏晒

然而，看似先掃碼成功的大媽，其實只付了最靠近收銀員的那1盒藥油，其餘5盒較遠的藥油，反被後上的大媽成功搶付。

看似先掃碼成功的師奶，其實只付了最靠近收銀員的那1盒藥油。當事人帖文截圖圖片

她在片中向店員說「唔係唔係，你掃我吖嘛真係」、「後面5支俾我」，最後成為爭埋單的最大贏家。

最後成為爭埋單的最大贏家。當事人帖文截圖圖片

網民看穿：假爭俾錢

不少網民對這種「MMA式」爭付行為感到反感，覺得「阻住後面客人」、「好擾民」，更直言「咁想俾錢，不如叫佢連你份一齊俾晒啦」。

不過眼尖網民則看穿這是「假爭俾錢」，直呼「扮嘢扮到爛」、「假到爆」、「其實個個都不想俾」。有網民一針見血，「十幾二十蚊就爭得要死，幾百蚊就即刻縮」、「小錢爭住俾，大錢就無影」、「試下幾千蚊睇下仲爭唔爭，純粹演戲！」。

眼尖網民則看穿這是「假爭俾錢」，直呼「扮嘢扮到爛」。當事人帖文截圖圖片

小額消費上刻意表現人情味？

有人分析，可能心裡想着「可能兩個都唔想俾之後食飯嗰餐」，於是在小額消費上刻意表現人情味，大額時卻自動退縮。

網民抨擊：其實為咗面子

不少網民抨擊這種文化，「超討厭呢種爭俾錢文化，明明係假慷慨，其實為咗面子！」、「收起嗰啲無謂面子啦」、「撞到樓主咁多下，換成我即刻開口鬧佢哋」、「叫佢哋閃開一邊慢慢打啦，後面好多人排隊」、「我之前試過被5個師奶圍住爭俾錢，爭住買一把指甲鉗，我企定定等佢哋完事」。