酒店夾萬用途引熱議 網民分享超爆笑經歷：有人誤當微波爐叮麵包！

不少港人熱愛外遊，揀選酒店時除考慮舒適度，亦會比較各項客房設施。夾萬作為大部分酒店房間的標準配置，近日卻意外成為網絡熱話。有網民在社交平台發文，好奇詢問「房入面個夾萬到底有幾多人真係會用？」，隨即引來大批網民踴躍分享親身經歷，當中最爆笑的莫過於有人誤將夾萬當作微波爐，試圖「叮麵包」。

網上圖片

事緣早前一位網民在Threads上發文，劈頭便問「到底有冇人係每次去旅行都必定會用夾萬？定係大家都當佢係裝飾？」該網民直言「入住酒店咁多次，我到依家都搞唔明白，房入面個夾萬到底有幾多人真係會用？」，並坦承「每次見到都覺得好安心，但一次都無開過，放護照又怕走嗰陣忘記拎，放貴重物品又覺得房務員有 Master Code」。這番「夾萬焦慮」引發不少共鳴，帖文迅速引起網民關注，留言區更湧現大量與夾萬相關的有趣經歷。

網民的創意用法同樣層出不窮。有人表示自己曾經用夾萬存放啤酒。AI生成圖片

有網民認真分析酒店房內夾萬的實際用途，指出前往參與水上活動，或到一些較為「山卡啦」的地方時，因為「唔想帶咁多本護照同咁多錢」，便會先將貴重物品暫存在夾萬裡，以免隨身攜帶造成不便或風險。亦有港媽分享，以往「淨係同先生去旅行就無乜用到」，但在小朋友出世後要住家庭房，就「終於發現夾萬係有啲用」。她解釋「帶埋屋企姐姐去住家庭房嘅時候會用到，可能留咗小朋友同姐姐喺房一陣，自己同先生出去行下，有啲貴重嘢，飾物同埋大量金錢會鎖入去」，認為夾萬在家庭旅行時確實發揮作用。

有網民分享曾經在泰國旅行時，將在名店「買咗mini lindy加配貨大概60幾萬銖（約港幣14萬元）放入夾萬。AI圖片

談到貴重物品，有網民分享平常去旅行都好少用夾萬，但曾經在泰國旅行時，在名店「買咗mini lindy加配貨大概60幾萬銖（約港幣14萬元），我就放入夾萬，成個trip都好安全」，足見夾萬在高額消費後的「保險」功能。亦有人從應急角度出發，教路「會放一千幾百同港幣入去，如果響街比人打劫仲有少少錢剩黎應急」，認為在異地遇上突發事件時，夾萬內的備用現金隨時可派上用場。

除了正經用途，網民的創意用法同樣層出不窮。有人圖文並茂表示自己曾經用夾萬存放啤酒，更笑稱自己「驚俾人偷」，將夾萬變成「酒櫃」。亦有網民分享與喜歡整蠱人的朋友去旅行時的惡作劇經歷，笑稱試過「用嚟鎖住個friend部手機」，甚至「一定係將一齊去交流團嘅同學其中一隻鞋收入去」，十分惡搞，為旅途增添難忘記憶點。

最搞笑是有客人竟錯將夾萬當作微波爐使用，試圖以「叮」的方式加熱麵包。AI生成圖片

最搞笑是有客人竟錯將夾萬當作微波爐使用，試圖以「叮」的方式加熱麵包。AI生成圖片

不過，引來最多網民關注的，莫過於一則自稱七八年前在酒店做「炒散」的網民分享。該網民表示，曾有客人向他查詢「點解放咗個麵包入去撳咗一字，個麵包都係唔會熱」，原來該名客人竟錯將夾萬當作微波爐使用，試圖以「叮」的方式加熱麵包，誇張程度令一眾網民笑爆肚。

港人每日搭乘港鐵出行，不時會出現乘客攜帶大型物品搭車的場面，近日有人目睹一名女乘客直接拖住冷氣機入閘，再以手拖車帶進車廂，忍不住驚呼：「原來都可以入到閘！」照片曝光後隨即引發熱議，有網民笑言冷氣機「同一個行李喼size差唔多」，只要沒有超出行李限制便無問題；亦有人提醒應將冷氣機包好及豎起，避免金屬邊角撞傷其他乘客，更有人呼籲「包容下」，認為搬二手電器搭港鐵也是為慳錢。

港鐵。資料圖片

事主宰Threads發文並附上照片，表示「啱啱瞓咗聽到好大乒乓一聲立即望下，見到位女士拖住1個冷氣機入地鐵，原來都可以入到閘」。從照片可見，一名女乘客以手拖車車拖着1部冷氣機進入車廂，並站在車門旁，冷氣機以繩綁在手拖車上。

港鐵。資料圖片

threads圖片

不少網民認為，只要沒有超過港鐵的行李大小限制便沒有問題，有人直言「佢個size同行李差不多，將冷氣機放直，其實沒咩嘢」、「行李喼仲大件啦」、「人哋都唔喺繁忙時間出現」。亦有網民從安全角度提出建議，認為「佢應該豎起放同包好，金屬邊角好容易刮到人」。

《愛回家》劇照

有網民現身說法，分享自身搬運經驗並呼籲大家體諒：「我自己住嗰時都會拉車仔搬嘢，試過拉住部抽濕機行商場，窗口式冷氣呢啲唔算細但都唔係好大，唔值得百幾蚊call部van仔，包容下，搬二手都係想慳返少少錢」。另有網民反問「何必呢，唔係個個好似你咁富貴，如果唔係阻到你可否包容下？如果太得閒，去沙田MTR門口，時不時有IKEA客都係攞咁上下大件嘅貨搭火車返屋企，咁你又可以影好多相擺上網」。

還有網民將冷氣機與其他隨身物品作比較，認為「其實同1個行李喼size都差唔多，如果驚電器會爆炸定點，我相信尿袋爆炸機率大好多，大家都係照樣帶上公交啦，又唔會有人話喎」。