今日是一年一度的中秋佳節，不少打工仔趁假期「駁連假」休息，不過有港人近日在社交平台呻，自己早已申請中秋正日放有薪年假，豈料公司其後宣布當日只需「返半日」，令她直呼「蝕到入肉」。帖文引發網民熱議，有人更向「初級大人」傳授請假攻略，提醒中秋、冬至、除夕等「大時大節」未必適合放AL，否則隨時白蝕半日。
中秋佳節。示意圖片
日前有港人打工仔在社交平台發文，指自己早前已申請在中秋節正日放有薪年假，未料公司隨後宣布當日只需「返半日」，令她大嘆「蝕到入肉」。帖文一出，隨即在網上引發熱議，更有人引用該帖文向一眾「初級大人」教路，提醒在中秋、冬至及除夕等「大時大節」不宜輕言放年假。
中秋佳節。示意圖片
示意圖片
該名網民在Threads上發文，透露自己早於中秋節前已遞交有薪年假申請，滿以為可以享受一日假期，誰知事後才驚覺「公司話嗰日放半日」，變相白白浪費了半日年假，直言「蝕到入肉」。貼文曝光引來不少網友共鳴，有人藉此機會向職場新鮮人傳授「請假攻略」，語重心長地向「初級大人」教路，指除非是為了「駁連假去旅行」，否則不宜在中秋、冬至、除夕及年廿九或年三十等「大時大節」放年假，皆因「呢四日好多公司都有得早放」。
示意圖片
據網友分析，不建議在年尾放年假的原因，除了會「蝕半日」之外，其實不少上司亦會選擇在年尾休假，意味著「你上司放假咪即係等於你放假」。此外，樓主又指不少公司在年底都會進入「放假mode」，工作量可能會變得較輕鬆，「正路比平時少好多野做」，因而提醒一眾打工仔要做個明智的「請假師」。
《愛回家》劇照。示意圖片
還有網友建議，如在申請年假後才發現當日公司只需「返半日」，大可向人事部申請銷假，挽回半日假期。亦有網民不解為何會選擇在中秋節當日請年假，紛紛留言：「第1年返工？」、「年年都收早架啦」、「大時大節無咩同事請AL，預咗放早」。
港鐵車廂驚現「柱留香」，一名女乘客近日乘車時，目擊一名男子竟用腋下夾實扶手柱，畫面令她崩潰直呼：「我以後仲點敢揸條柱。」照片曝光後掀起網民熱議，有人笑封「夾腋難逃」，有人戲稱「狐柱，全集中，狐之呼吸」，亦有不少網民認真擔心衛生，建議即時噴消毒噴霧。
資料圖片
該名女乘客在帖文中難掩崩潰，一句「我以後仲點敢揸條柱。」道盡無數打工仔女的心聲。她更以第一身描述當時的震撼：「我冇做錯嘢啊，點解要俾我睇呢啲嘢」，又精準點出畫面最核突之處——「生得細粒嘅女仔個鼻嘅高度」，換言之，個子嬌小的女乘客一抬頭，鼻尖隨時貼近該名男子的腋下位置，畫面想像空間極大，難怪她直言留下巨大陰影。
threads圖片
帖文一出，網民紛紛化身「金句王」，以層出不窮的創意留言宣洩不滿。有人以氣味為題，笑言這是「柱留香」，又形容樓主今次真係「夾腋難逃」；有人則以動漫橋段借題發揮，寫道「狐柱，全集中，狐之呼吸」，甚至形容該男子「簡直係狐狸先生+海膽小姐擘大個口」。亦有網民將焦點放在「受眾」身上，語帶諷刺地說「嗰啲鍾意攬實條柱嘅大媽有福了」。
網上圖片
除了笑罵，更多留言是對衛生的真實憂慮。有網民直斥「用胳肋底毛嚟抹扶手」，又反問「點解要用加拿大（胳肋底）夾住條柱咁核突」。有人從物理角度「分析」該男子的穩定性，笑指「佢唔只緊握，仲要夾實，實在太安全了」，更有人誇張形容「啲腋毛有強大摩擦力同抓力，真係企得好穩陣」。不過，笑聲背後亦見無奈，有留言坦言「真係吹呢啲人唔漲，佢哋完全唔覺得尷尬」，亦有人直言「見到呢啲，我第一句就粗口，零尊」。
示意圖片
面對這種「柱上奇觀」，網民紛紛自謀對策。有人建議「直接喺碌柱噴消毒噴霧」，有人則慶幸自己身高「好彩我矮，應該揸唔到條柱咁高嘅位置」，亦有人提出折衷方案「揸條柱低啲的位置比較安心」。然而，對於依賴扶手柱平衡的乘客而言，這次事件無疑是沉重打擊，有網民哀號「本身已經企唔穩，依家連唯一把柄都無埋，我唔搭地鐵了」，更有人總結出搭港鐵的生存之道——「搭地鐵真心要練平衡」。
《愛回家》劇照，示意圖片
在一片嘩然聲中，亦有網民提出較理性的處理方式，認為「現實中有咩事請即時同當事人講，如果冇用先影佢放上嚟」，呼籲乘客遇到同類情況應先作即時勸喻，再考慮網絡公審。
