香港經濟低迷下，凍薪甚至減薪情況普遍，不少打工仔面對付出與回報不成正比的困境。早前有打工仔在連登發文，直言對工作早已失去動力，引來大批網民熱議，不少人反勸他「打工勿認真」。
網上圖片
該名發文者以「咩原因令到你完全對工作失去動力」為題詢問一眾網民，並率先分享自身經歷，指自己對工作失去動力全因「人工」。他透露，本身已知道新入職同事的人工有機會高過自己，後來無意中得知對方薪酬高出幾千元，當下「即時減一半動力」，但仍安慰自己「可能人地能力真係好好」。
示意圖。AI生成圖片
然而，真正令他失望的是見到舊同事轉工。他形容該名舊同事「能力廢」，卻「唔聲唔聲佢人工差唔多我double」，令他「即時頭昏腦脹，差啲爆血管」。眼見自己的人工比新入職同事及離職舊同事都要低，他不禁慨嘆自己一直營營役役，「我樣樣做好，每次轉工有曬舊上司recommendation letter」，但始終未能找到好路數，「interview完，交曬salary reference，垃圾hr都連多5000都話唔得」。
示意圖。AI生成圖片
處於尷尬局面的發文者無奈兼憤慨，心有不甘地表示「食X屎，真係返工咁上心做咩，做咁好做咩，邊X個理？」，又認為「得過且過就係最好嘅態度，人工幾多就做啲咩野，一定唔好做多」。
示意圖。AI生成圖片
帖文引來大批網民留言討論，有人建議「做一陣知間野咩料，如果唔係睇實力嘅，就同其他同事鬥流口水X做算啦，一係俾心機走人，未走到俾心機諗下收工食咩好過」，亦有網民直言「簡單一句魚唔過塘唔肥，已經解釋清楚」。另有網民勸發文者打工勿認真，「賣命係冇用的，留返啲精神搵工跳槽」。
有公屋住戶在社交平台發文，向網民查詢一個看似簡單的問題，卻引來大批網民「倒抽一口涼氣」，紛紛化身「人生導師」苦苦相勸，憂心樓主隨時「屋都冇埋」。有公屋住戶喺社交平台發文。FB截圖
一名男公屋戶主近日喺facebook群組「公屋討論區」發帖求助，查詢夫妻兩人已入住公屋、有戶籍，加一個18歲以下孩子入戶籍申請需要多久。本來只係普通程序查詢，但熱心網民追問下，樓主坦言要加嘅並非親生子女，而係「繼子」，樓主亦補充自己係戶主，並無親生子女。
公屋戶主想加繼子入戶籍。AI生成圖
「繼子」兩個字瞬間觸動網民敏感神經，留言區風向急轉，由解答程序問題變成大型「勸退」現場，大量網民一面倒警告樓主三思，擔心佢好心做壞事，最終可能落得「人財兩失」。
不少網民直言樓主處境高危，留言「你最好諗清楚，如離婚繼子女又未成年，間公屋會俾對方」、「小心之後屋都冇埋」，更有網民激動表示「唔好加！！！！！！加咗遲早瞓街！寧願連女人都唔好要，都唔好無咗間公屋！搵女人易過排公屋！！！」
公屋戶主想加繼子入戶籍。AI生成圖
有網民引用《東張西望》報道過嘅個案警示樓主，「小心你係下一個」。《東張西望》曾多次報道誤墮桃色騙局，節目當時收到住在長沙灣87歲的「余伯」報料。余伯指，自己住了24年的公屋單位被強制收回，因對方婚後才告知有一子，最終公屋居住權優先分配予擁有子女撫養權一方，導致余伯被勒令搬出；網民即苦口婆心指出「有血緣嘅為咗間屋都可以反目成仇，更何況冇血緣嘅」，提醒樓主「太多呢D前車可鑑case，請謹慎三思！！！！」。
《東張西望》曾多次報道誤墮桃色騙局，節目當時收到住在長沙灣87歲的「余伯」報料。
按公屋租約規定，每個公屋單位只供戶主同名列租約上的家庭成員居住。如因出生、死亡或其他情由引致家庭狀況改變，戶主必須立即通知所屬屋邨辦事處或分區租約事務管理處，由署方按現行政策處理。
按房委會「更改已登記公屋申請資料（增加家庭成員）」表格（HD10-1C）指引，為18歲以下子女加戶須遞交子女出生證明或身份證明及關係證明副本，以及子女管養權、領養或監護人判令或委任文件副本，如子女居港未滿7年，更須附首次獲准入境日期嘅單程證、旅遊證件、護照或相關證明副本。
若日後夫妻離異，公屋通常優先判予擁有未成年子女撫養權一方，而原戶主因無親生子女撫養權，有機會失去單位被勒令遷出。AI生成圖
網民分析指，管養權文件一項意味，租戶要向房署確認未成年子女的法定撫養權誰屬。樓主想加繼子入戶，潛在風險包括繼子法定撫養權歸生母即太太，若日後夫妻離異，公屋通常優先判予擁有未成年子女撫養權一方，而原戶主因無親生子女撫養權，有機會失去單位被勒令遷出，故此大多網民一面倒勸退「千祈唔好加」、「加咗遲早瞓街」。
