公屋戶主想加繼子入戶籍　網民集體勸退：離婚隨時「屋都冇埋」

有公屋住戶在社交平台發文，向網民查詢一個看似簡單的問題，卻引來大批網民「倒抽一口涼氣」，紛紛化身「人生導師」苦苦相勸，憂心樓主隨時「屋都冇埋」。有公屋住戶喺社交平台發文。FB截圖

一名男公屋戶主近日喺facebook群組「公屋討論區」發帖求助，查詢夫妻兩人已入住公屋、有戶籍，加一個18歲以下孩子入戶籍申請需要多久。本來只係普通程序查詢，但熱心網民追問下，樓主坦言要加嘅並非親生子女，而係「繼子」，樓主亦補充自己係戶主，並無親生子女。

公屋戶主想加繼子入戶籍。AI生成圖

「繼子」兩個字瞬間觸動網民敏感神經，留言區風向急轉，由解答程序問題變成大型「勸退」現場，大量網民一面倒警告樓主三思，擔心佢好心做壞事，最終可能落得「人財兩失」。

不少網民直言樓主處境高危，留言「你最好諗清楚，如離婚繼子女又未成年，間公屋會俾對方」、「小心之後屋都冇埋」，更有網民激動表示「唔好加！！！！！！加咗遲早瞓街！寧願連女人都唔好要，都唔好無咗間公屋！搵女人易過排公屋！！！」

公屋戶主想加繼子入戶籍。AI生成圖

有網民引用《東張西望》報道過嘅個案警示樓主，「小心你係下一個」。《東張西望》曾多次報道誤墮桃色騙局，節目當時收到住在長沙灣87歲的「余伯」報料。余伯指，自己住了24年的公屋單位被強制收回，因對方婚後才告知有一子，最終公屋居住權優先分配予擁有子女撫養權一方，導致余伯被勒令搬出；網民即苦口婆心指出「有血緣嘅為咗間屋都可以反目成仇，更何況冇血緣嘅」，提醒樓主「太多呢D前車可鑑case，請謹慎三思！！！！」。

《東張西望》曾多次報道誤墮桃色騙局，節目當時收到住在長沙灣87歲的「余伯」報料。

按公屋租約規定，每個公屋單位只供戶主同名列租約上的家庭成員居住。如因出生、死亡或其他情由引致家庭狀況改變，戶主必須立即通知所屬屋邨辦事處或分區租約事務管理處，由署方按現行政策處理。

按房委會「更改已登記公屋申請資料（增加家庭成員）」表格（HD10-1C）指引，為18歲以下子女加戶須遞交子女出生證明或身份證明及關係證明副本，以及子女管養權、領養或監護人判令或委任文件副本，如子女居港未滿7年，更須附首次獲准入境日期嘅單程證、旅遊證件、護照或相關證明副本。

若日後夫妻離異，公屋通常優先判予擁有未成年子女撫養權一方，而原戶主因無親生子女撫養權，有機會失去單位被勒令遷出。AI生成圖

網民分析指，管養權文件一項意味，租戶要向房署確認未成年子女的法定撫養權誰屬。樓主想加繼子入戶，潛在風險包括繼子法定撫養權歸生母即太太，若日後夫妻離異，公屋通常優先判予擁有未成年子女撫養權一方，而原戶主因無親生子女撫養權，有機會失去單位被勒令遷出，故此大多網民一面倒勸退「千祈唔好加」、「加咗遲早瞓街」。

香港人中意飲茶，一到假期周末，茶樓人滿為患，由於食客眾多，不少人需要搭檯，而一名港男近日就在Threads分享自己的「搭檯出醜」爆笑事，事主與母親到酒樓飲茶時，誤將對面茶客自備的抽取式紙巾當成酒樓免費紙巾，應母親要求一口氣抽了兩張，事後才知「闖大禍」，當場尷尬爆棚。豈料對方不但沒有怪責，母親倒瀉茶時更大方再送紙巾，令事主哭笑不得。

小紅書示意圖片

事主在 Threads 憶述，早前他與母親到茶樓飲茶，期間與兩名食客搭檯。當時他見到檯面放着一包盒裝抽取式紙巾，位置偏近對面兩人，事主母親於是吩咐他「抽兩張嚟用」。事主順手將紙巾拉近並抽出兩張，豈料剛用完，對面食客即表示「包紙巾係佢哋嘅」，令事主當場無地自容，崩潰直呼：「好X，點算好」。

小紅書示意圖片

示意圖片

而隨後事主母親不慎倒瀉茶，對面食客竟極具風度地「再畀咗幾張紙巾我哋用」，令事主大感難為情，笑言「救命」。事主透露，對面兩人為旅客，疑似性格內向：「難道我要破壞香港人嘅待客之道嗎？我阿媽用破爛嘅國語同佢哋傾咗兩句，佢哋已經好尷尬。」事主無奈大呻：「一擺喺度以為係餐廳提供，真係估唔到」、「好荒謬點解會咁，真係哭了！」他隨後補充，指自己當時已即時誠心道歉，並指身上只有半包已開封的 Tempo，且見對方點了滿檯點心吃不完，令他不知如何補償。

資料圖片

帖文一出，大批網民隨即圍觀熱議。不少人直言抽取式紙巾極具誤導性：「抽嗰啲紙巾真係好容易以為係餐廳提供，乾紙巾真係好容易誤會。」更有大量網民「自首」，表示自己亦曾遇過一模一樣的尷尬場面：「我都試過！抽咗張紙巾出嚟，隔離位女士就即刻拎開包抽紙但無出聲，我再望下其他檯係無紙巾嘅……先發現原來係佢自己嘅，即刻係咁講唔好意思，諗起都尷尬到盡頭……」

面對事主的尷尬處境，不少網民搞笑留言獻計：「快啲點返籠蝦餃請人食啦」、「還返包 Tempo 畀佢」、「抽張紙可否有幫助，抽出彼此的尷尬」。亦有樂觀網民指出「搭檯緣分」往往妙不可言，分享早前帶台灣朋友去蓮香樓飲茶，與同檯另外兩名台灣人夾錯點心，最後索性「合體」一起吃、結伴喝咖啡，最終發展成長期聯絡的好友。