Foodie煲湯落原條紅衫魚加三文魚扒 網民眼凸：養緊魚定煲魚湯？

都市人生活節奏急促，返工搵食已經夠忙，想喺屋企飲啖靚湯，少啲時間、心機同經驗都唔得。早前就有一位熱衷飲食分享的Foodie在社交平台發文，透露自己一向鍾意飲湯，因此平日會花時間留意不同煲湯食譜，並不時分享自己的煲湯作品。不過，這次她公開的愛心湯水，用料及製作方法卻令一眾網民睇到眼凸，更直言整煲湯「有啲獵奇feel」。

該名Foodie平時愛在Threads分享飲食心得和餐廳推介。示意圖

該名Foodie平時愛在Threads分享飲食心得和餐廳推介，今次帖文並非介紹街外食店，而是自己親手煲湯的照片。她坦言自己「唔識啲咩季節應該飲咩湯，啲食材有咩功效」，平日做法只是將「鍾意嘅味道擺落電飯煲only」。

她所分享的湯水陣容卻相當震撼。網上圖片

話雖如此，她所分享的湯水陣容卻相當震撼——魚湯之中竟然出現原條未煎香的生紅衫魚，旁邊還放了一塊平常用來煎的三文魚扒，再配上紅蘿蔔、番茄、牛尾、連根的芫茜等材料，足料得來又略帶怪異感覺，難怪引來網民熱烈討論。

示意圖。《愛回家》劇照。

帖文一出，大批網民紛紛留言爆笑回應，有人打趣問「你張相，養緊魚定煲魚湯？」，亦有人直言「點解有啲獵奇feel…」，更有人笑稱「望見都聞到腥味嘅post」，甚至形容「你呢個湯仲複雜過啲感情」。亦有熱心網民化身「煲湯導師」，逐個步驟教發文者改善煲湯方式，由最基本的「魚湯嘅魚要煎香咗先」、「肉類要飛水」，到時間控制「煲湯三個鐘，燉湯四個鐘」，內容十分詳細，儼如一份簡易煲湯指南。

設計圖片

每年9月均是學生與教師的適應期，隨着暑假結束回歸校園日常，不少升讀大專的學生亦要面對全新的學習環境。早前，一名剛中學畢業並升讀大專的學生在網上發文苦呻，指父母在其畢業後便停止提供零用錢，令他必須半工讀來維持生活開支，事件隨即引發網民熱烈討論。

示意圖。AI生成圖片

該名大專生在社交平台 Threads 發文，向網民諮詢「想知升上大專之後斷零用錢，返1-2日PT係咪可以生存到？」。他在文中解釋，「斷零用錢」意味着日常交通及飯錢等所有支出均需自給自足，因此十分憂慮開學後的經濟狀況。由於目前僅靠兼職收入維生，他擔心「開學之後會唔夠」。

示意圖。AI生成圖片

發文者進一步表示，雖然深知自己開支較大且有旅行計劃，但因自覺「自己係初級成年人好似唔應該繼續問屋企人拎錢」」，故學費也選擇申請學生貸款先行繳付，不願再問家人索取。為了節省開支，他目前每日僅吃一至兩餐，並停止購買衣物；偶爾與朋友外出聚會，亦會將消費控制在 500 港元以內，但卻感慨但「啲錢莫名用得好快」感到十分徬徨。

示意圖。AI生成圖片

帖文曝光後引來網民兩極反應。有網民支持發文者自力更生的決定，建議他「開源做下生意仔又好打下工都好，跟住節流洗少啲」、「一個星期有三四個補習千幾兩千啦」。不過亦有大批網民狠批家長不負責任，「而家啲父母搞乜嘢，供到讀完大學係基本父母要盡嘅責任」、「乜依家啲父母咁嘅咩？其實知唔知乜野叫做零用錢，係生活費以外額外俾你消費嘅先叫零用錢，生活費係應該父母支出」、「我覺得唔應該一成年就即刻斷錢囉，除非你唔讀書出嚟FT，如果繼續讀書，本職係學生，唔應該要為生活愁唔夠錢洗，搭車食飯呢啲父母應該繼續支出，但你想去玩買野嗰啲就自己返PT」。

示意圖。AI生成圖片